Bikarmót FSÍ

Bikarmót FSÍ var haldið um síðustu helgi, 26.- 28.febrúar í fimleikahúsi Gerplu í Kópavogi.

Á Bikarmóti er keppt í liðakeppni sem getur verið skipað sex keppendum, en fjórar hæstu einkunnirnar á hverju áhaldi telja til stiga. Grótta á ekki keppendur í öllum þrepum íslenska fimleikastigans í ár, en einstaka keppendum var boðið að keppa sem gestir.

 

Í frjálsum æfingum hlaut lið Gróttu silfurverðlaun. Liðið skipuðu þær Aníta María Einarsdóttir, Daniella Belanyi, Domino Belanyi, Embla Jóhannesdóttir og Hrafnhildur Sigurjónsdóttir.  Embla glímir við meiðsli í hné og keppti því eingöngu á tvíslá á mótinu.

 

Edda Hulda Ólafardóttir keppti sem gestur í 2.þrepi.

 

Í 5.þrepi átti Grótta lið, en þar kepptu þær Arndís Ásbjörnsdóttir, Cristina Isabel Agueda, Elín Birna Hallgrímsdóttir, Hrund Guðmundsdóttir, Karen Hilma Jónsdóttir og Mist Þormóðsdóttir Grönvold.

 

Einungis einn drengur frá Gróttu keppti á Bikarmótinu í ár, Bjarni Geir Halldórsson en hann keppti sem gestur í 4. þrepi

 

Margar myndir voru af mótinu í Morgunblaðinu á þriðjudaginn, og voru Gróttustúlkur vinsælt myndefni sjá myndasyrpu á mbl.is,  http://mbl.is/mm/sport/myndasyrpa.html?album=1019