Á laugardaginn munu Haukastúlkur koma í heimsókn á Nesið og mæta heimasætum. Leikurinn hefst kl. 14:00. Sem stendur er Gróttuliðið í 7.sæti deildarinnar og Haukarnir í 6.sæti deildarinnar. Það er því klárlega um mikilvægan leik að ræða fyrir Gróttu en liðið stefnir að því að lenda í 6 efstu sætum deildarinnar en þau gefa þátttökurétt í úrslitakeppninni í vor. Hvetjum alla til að mæta og fylgjast með stelpunum okkar ! Lesa meira

Um 200 manns komu saman í Félagsheimili Seltjarnarness á laugardaginn þegar Þorrablót Seltirninga var haldið hátíðlegt. Kári Húnfjörð stýrði gleðskapnum af mikilli snilld, leikkonan Björk Jakobs fór með gamanmál og þegar nálgaðist miðnætti keyrðu Nesvinir upp dúndrandi stemningu. Rúsínan í pylsuendanum var svo DJ Kiddi Bigfoot sem hélt uppi stuðinu fram eftir nóttu þegar þorrablótsgestir dönsuðu frá sér allt vit á dansgólfinu. Sannarlega vel heppnað blót sem verður vonandi endurtekið að ári.  Lesa meira

Biðin loks á enda. Eftir langt jólafrí og EM-pásu hefst N1-deildin að nýju í kvöld með heillri umferð. Okkar menn í Gróttu mæta Frömurum á Safamýrinni kl. 19:30 og höfum við Gróttumenn allt að vinna. Sem stendur situr liðið á botni deildarinnar en Framarar er í 4.sæti deildarinnar. Gróttuliðið hefur hins vegar æft vel í fríinu og mætir vonandi ferskt núna í fyrsta leik. Fjölmennum á pallana í Framhúsi og styðjum okkar lið. Lesa meira

Óttar Steingrímsson er nýr liðsmaður Gróttu en hann kemur frá Fjölni. Óttar er 23 ára gamall, er örhventur og leikur í stöðu hægri skyttu. Óttar var langmarkahæsti leikmaður Fjölnis í fyrra með 102 mörk í 20 leikjum eða rúmlega 5 mörk að meðaltali í leik. Óttar mun án ef styrkja útilínu Gróttuliðsins en hann hefur áður verið í herbúðum liðsins. Það var tímabilið 2008-2009 þegar Gróttuliðið vann 1.deildina og komst í bikarúrslit sælla minninga. Lesa meira

Íslandsmótið í bekkpressu fór fram á Akranesi laugardaginn 28. janúar sl. Kraftlyftingadeild Gróttu sendi átta keppendur að þessu sinni og má með sanni segja að árangurinn hafi verið góður. Aron Lee Du Teitsson og Fanney Hauksdóttir sýndu snilldartilþrif á mótinu og settu bæði glæsileg Íslandsmet.

Lesa meira

Um næstu helgi koma æfingahópar U16 og U17 ára landsliða Íslands í knattspyrnu saman og á Grótta nokkra fulltrúa á æfingunum. Þeir Agnar Guðjónsson, Dagur Guðjónsson og Fannar Freyr Ómarsson voru valdir í U16 ára hópinn en þetta er seinni hópurinn að tveimur sem æfir í vetur. Með U17 ára hópnum eru þeir Bessi Jóhannsson og Hjalti Már Hjaltason boðaðir til æfinga. Þeir hafa báðir æft með liðinu í vetur en 17 ára landsliðið æfir reglulega fram að Norðurlandamóti og forkeppni EM í sumar. Lesa meira