Á Gróttudegi Glitnis á laugardaginn var skrifað undir þriggja ára áframhaldandi samning við Glitni. Glitnir hefur verið aðalstyrktaraðili Gróttu undanfarin 3 ár og hefur það samstarfi gengið mjög vel fyrir sig. Það var Gunnar Gíslason formaður fyrir hönd Gróttu og Hildur Kristmundsdóttir útbússtjóri Glitnis á Eiðistorgi fyrir hönd Glitnis sem skrifuðu undir samninginn. Við undirskriftina afhenti Gunnar Hildi nýjan Gróttukeppnisbúning frá Errea. Lesa meira

Um síðustu helgi fór fram Reykavíkurmaraþon Glitnis og voru þátttakendur 10.700. Meðal þátttakenda var fjöldinn allur af Gróttukrökkum og leikmönnum meistaraflokks karla í knattspyrnu. Knattspyrnudeild Gróttu sá um þennan félagslega atburð en að hlaupinu loknu fengu þreyttir Gróttumenn pylsur og gos í Íþróttahúsi Gróttu. Lesa meira

Um helgina fóru fram seinustu leiki í Reykjavík Open mótinu í handbolta. Mótið er undirbúningsmót fyrir Íslandsmótið sem hefst í september. Grótta tók þátt, bæði í karla- og kvennaflokki og nýttist mótið vel fyrir liðin. Strákarnir enduðu í 3. sæti í milliriðlinum en stelpurnar enduðu í 3.sæti í sínum riðli. Bæði liðin enduðu því í 5.-6.sæti á mótinu. Úrslitin má sjá ef smellt er á meira. Lesa meira

Grótta sótti Hött heim á Egilsstaði í dag á Glitnisdegi Gróttu. Ferðin byrjaði með 30 mínútna seinkun á Reykjavíkurflugvelli og því seinkaði leiknum um 15 mínútur. Strákarnir fóru því beint af flugvellinum með hraði með Jón Sigurðssyni stjórnarmanni, liðsstjóra og bílstjóra mfl inní klefa og þaðan útá völl. En það virtist ekki há liðinu því Gróttan var með undirtökin í leiknum að undanskildum einhverjum 15 mín í fyrri hálfleik. Lesa meira

Á laugardaginn, 30.ágúst verður hinn árlegi Gróttudagur Glitnis á gervigrasvelli Gróttu. Dagskráin er fjölbreytt en yngri flokkar Gróttu munu leika knattspyrnu við KR og Val auk þess sem ýmis skemmtiatriði og grillveisla verða á boðstólum. Auk þess verður skrifað undir tvo samninga, annan við aðalstyrktaraðila félagsins, Glitni og síðan nýjan búningaframleiðinda, Errea en nýju búningarnir verða til sýnis á laugardaginn. Dagskránna má sjá ef smellt er á lesa meira. Lesa meira

Fjölmenni var í Íþróttahúsinu þegar Guðjón Valur Sigurðsson kom og veitti fólk eiginhandaráritun í gær. Fullt var út úr dyrum þessa klukkustund sem áritunin fór fram. Að lokum fengu þó allir áritun en fólk lét árita hina ýmsu hluti. Myndir af árituninni má sjá ef smellt er á meira. Lesa meira

Fyrri leikurinn var gegn stórliði Stjörnunnar og þeir áhorfendur sem lögðu leið sína í Austurbergið fengu að sjá hörkuleik. Leikmenn Gróttunnar sýndu Stjörnummönnum enga virðingu og leiddu meðal annars í hálfleik með 9 mörkum gegn 8. Jafnt var á öllum tölum í seinni hálfleik og réðust úrslit á síðustu sekúndu leiksinn er Stjörnumenn fengu víti. Ekki brást þeim bogalistin og 18 - 17 tap því staðreynd. Hið lága markaskor útskýrist af því að hver hálfleikur er aðeins 20 mínútur að lengd. Lesa meira

Á laugardaginn fer fram stórdansleikur á Seltjarnarnesi. Stuðmenn munu leika fyrir dansi eins og venja hefur skapast undanfarin ár. Hægt er að nálgast miða í Glitni á Eiðistorgi fram til kl. 16:00 á föstudag en eftir það verður hægt að nálgast miða í Íþróttahúsi Seltjarnarness. Miðaverð: 2500 kr. Allir að mæta! Lesa meira

Meistaraflokkur kvenna hóf æfingar í lok júlí og æfingar gengið mjög vel hingað til. Liðið er talsvert breytt frá seinasta ári, sterkir póstar hafa dottið út en í staðinn hefur félagið fengið til liðs sig Anett Köbli úr Fram og Hörpu Baldursdóttur frá Akureyri. Þá hefur Eva Björk Hlöðversdóttir tekið að sér að vera spilandi aðstoðarþjálfari í vetur. Liðið hefur spilað þrjá æfingaleiki núna í ágúst á móti Fram, HK og Haukum. Sigur hafðist í tveimur leikjanna en tap staðreyndin í þeim þriðja. Lesa meira

Grótta tekur þátt í hinu árlega móti Reykjavík Open, sem fer fram nú í vikunni. Grótta mun spila að minnsta kosti þrjá leiki, og enn fleiri ef vel gengur. Leikirnir fara fram í Austurbergi og eru tímasetningarnar má sjá ef smelt er á lesa meira Lesa meira

Guðjón Valur Sigurðsson sem kemur til landsins í dag, miðvikudag, kemur upp í Íþróttahús á morgun, fimmtudag og ætlar að gefa eiginhandaáritanir fyrir þá sem vilja. Hann verður uppi í Íþrótthúsi kl. 14:30-15:30 og mun auk þess kíkja inn í sal og taka nokkur skot. Allir að mæta ! Lesa meira

Íþrótta- og tómstundaráð Seltjarnarness bauð upp á beina útsendingu í gærmorgun, í íþróttamiðstöð Seltjarnarness í samvinnu við íþróttafélagið Gróttu, þegar íslenska landsliðið í handknattleik mætti því franska í úrslitaviðureign þjóðanna um fyrsta sætið á Ólympíuleikunum í Peking. Lesa meira

Ein breyting er á útgefinni tímatöflu Gróttu. 6.flokkur karla í fótbolta færist af mánudegi og á fimmtudag. Annars er tímataflan óbreytt. Þessi breyting er tilkomin vegna óska frá foreldrum drengja í þessum aldurshópi vegna handboltaæfingar og lúðrasveitaæfingar á mánudeginum. Það er þess vegna engin fótboltaæfing hjá 6.flokki karla í dag, mánudag. Lesa meira

Grótta tók á móti Aftureldingu í 18. umferð 2. deildar karla í knattspyrnu á föstudaginn. Aðstæður voru góðar, þó var smá gola og völlurinn blautur. Leikurinn fór fjörlega af stað og strax á 3. mínútu fékk Grótta aukaspyrnu rétt fyrir utan teig Aftureldingar. Fyrirliði Gróttu, Grétar Alí, tók spyrnuna en boltinn fór í varnarvegg gestanna. Lesa meira

Handknattleiksdeild Gróttu býður þig velkomin(n) á æfingu í vetur. Æfingar eru hafnar undir stjórn frábærra þjálfara. Öllum krökkum í 1. - 4. bekk er boðið að koma og æfa handbolta með félaginu næstu þrjár vikurnar (25. ágúst - 12. september) þér að kostnaðarlausu. Lesa meira

Á sunnudagsmorguninn verður Ísland - Frakkland sýndur í Íþróttahúsinu. Leikurinn hefst kl. 07:45 en íþróttahúsið opnar kl. 07:30. Leikurinn verður sýndur uppi í Hátíðarsal á tjaldi en einnig á flatskjáum í setustofunni og niðri í anddyri. Léttur morgunmatur, rúnstykki og brauð ásamt safa og kaffi verður í boði Íþrótta- og tómstundaráðs í samvinnu við Gróttu. Allir að mæta og styðja Ísland !!! Lesa meira

Æfingatafla fyrir handboltann og fótboltann eru tilbúnar fyrir veturinn. Handboltaæfingar hefjast á föstudaginn samkvæmt töflunni en fótboltaæfingarnar á mánudaginn. Allar fótboltaæfingar eru utandyra fyrstu vikurnar en athygli er vakin á því að boðið verður upp á kvennaknattspyrnu í allan vetur, fljótlega eftir skóla. Æfingatöflu handboltans og fótboltans má sjá ef smellt er á lesa meira. Lesa meira

Lesa meira

Meistaraflokkur karla lék sinn fyrsta æfingaleik í gær gegn FH-ingum sem komust upp í N1-deildina í vor. Eins og gengur og gerist einkenndist leikurinn af haustbrag og vantaði nokkra leikmenn í hvort lið. Þrátt fyrir það nýttist æfingaleikurinn mjög vel í þau atriði sem lögðu hefur verið áhersla á. Varnarleikurinn var fínn á köflum og sóknarleikurinn ágætur einnig. Leiknar voru 75 mínútur og hafði Grótta sigur í góðum leik okkar manna. Lesa meira

Mjög góð aðsókn hefur verið í Handknattleiksskóla Gróttu en 83 eru skráðir í skólann. Skólinn hefur gengið mjög vel þessa tvo daga sem hann hefur staðið. Ánægjulegt er hversu margir eru í yngsta aldurshópnum í skólanum en yfir 25 börn eru í 1. og 2.bekk. Öllum krökkunum er skipt í 3 hópa og eru þeir á hálfum stóra sal og síðan í litla sal einnig. Dagskráin verður brotin upp á morgun en þá fer yngsti hópurinn í sund. Á fimmtudaginn fer síðan miðhópurinn í sund. Á morgun ætlar elsti hópurinn (6. og 7.bekkur) að fara út í handbolta þar sem góðu veðri er spáð. Lesa meira

Meistaraflokkur Gróttu lék gegn ÍH á föstudaginn var og tapaði 1-2 í afar undarlegum leik þar sem að staðan hefði getað verið 6-2 Gróttu í vil í hálfleik en staðan var 0-0 í hálfleik. Í síðari hálfleik datt botninn úr leik Gróttuliðsins og ÍH sigraði að lokum 1-2. En í stöðunni 0-1 kom Eiríkur Ársælsson, leikmaður úr 3.flokki inná og skoraði úr sinni fyrstu snertingu og minnkaði muninn í 1-2 en í millitíðinni höfðu ÍH-ingar sett sitt annað mark. Eiríkur, sem varð 16 ára á árinu, var þarna að spila sinn fyrsta meistaraflokksleik og er ljóst að þarna er geysilega efnilegur strákur á ferð, sem mun klárlega fá fleiri tækifæri til að skora fleiri mörk. Viggó Kristjánsson, sem er fæddur 1993 og er enn 14 ára, var einnig í leikmannahóp liðsins en kom ekki við sögu. Lesa meira

Helgina 15.-17. ágúst mun KSÍ standa fyrir Úrtökumóti hjá leikmönnum sem fæddir eru 1993. 64 leikmenn eru valdir en þetta eru þeir leikmenn sem koma til með að vera valdir í U16 ára landslið á næsta ári. Fjórir leikmenn frá Gróttu eru valdir en það eru þeir Arnar Þór Ólafsson, Viggó Kristjánsson, Sigurður Steinar Jónsson og Kristinn Ólafsson, sem allir eru leikmenn í 3.flokki Gróttu. Frábær viðurkenning á starfi félagsins og þjálfara flokksins en til samanburðar má benda á að einungis tveir leikmenn eru valdir úr KR. Lesa meira

Við viljum benda ykkur á útsendingar RÚV frá keppni í fimleikum á Ólympíuleikunum í Peking. Framundan er heilmikil veisla fyrir áhugafólk um fimleika enda ekki oft sem tækifæri gefst til að sjá sjá svona mikla og góða umfjöllun um fimleika í sjónvarpinu. Við bendum einnig á Eurosport sem sýna einnig mikið frá keppni í fimleikum. Lesa meira

5.flokkur Gróttu tók þátt í hinu sívinsæla Olísmóti sem fram fór á Selfossi um helgina. Grótta sendi 4 lið og 36 leikmenn til leiks en mótið hófst á föstudag með hraðmóti sem síðan ákvarðaði í hvaða riðli liðin léku á laugardegi og sunnudegi. Grótta lenti í efri deild í A, B og D en í neðri deild í C liðum. Á endanum var það síðan A-liðið sem landaði sigri í sínum riðli og þar með í A-liða keppni mótsins með góðum sigrum gegn ÍA og Þrótti í dag. A-liðið fór taplaust í gegnum 8 leiki á mótinu en gerði eitt jafntefli. Frábær árangur hjá strákunum. Lesa meira

Góð aðsókn hefur verið í Handknattleiksskóla Gróttu en í hádeginu voru 40 búnir að skrá sig á öllum aldri. Þess vegna er um að gera að skrá krakkana til að þjálfarar viti fjöldann í skipulagningunni. Tekið er við skráningum í dag, um helgina og fram á mánudag en þá hefst skólinn. Mjög færir þjálfarar og leiðbeinendur sjá um skólann og er markmiðið að kynna handboltann fyrir þeim yngstu og auka færnina hjá þeim eldri. Nú er bara að drífa í að skrá sig og ná öllum vinunum með !! Lesa meira

Það verður haldið laugardagskvöldið 30. ágúst í Íþróttahúsinu eins og venja hefur verið undanfarin ár. Mikil stemmning hefur verið á þessum böllum og Stuðmenn hafa sjaldan verið betri en einmitt nú og því má búast við svakalegu balli í ár. Allir eru hvattir til að taka 30. ágúst frá og fjölmenna á Stuðmannaballið.

Lesa meira

Auk Anett skrifuðu fimm stelpur undir áframhaldandi samning við Gróttu í gærkvöldi, þær Arndís María Erlingsdóttir, Eva Björk Hlöðversdóttir, Íris Björk Símonardóttir, Laufey Ásta Guðmundsdóttir og Þórunn Friðriksdóttir. Þessar stelpur þar varla að kynna en Íris Björk hefur verið fastamanneskja í landsliði Íslands um áraskeið og Arndís María verið lykilmanneskja í Gróttuliðinu undanfarin ár eða frá því að hún byrjaði í meistaraflokki fyrir 6 árum síðan. Lesa meira

Í gærkvöldi skrifaði Anett Köbli undir tveggja ára samning við Gróttu. Anett er 31 árs gömul og kemur frá Ungverjalandi. Anett er gríðarsterkur leikmaður og leikur hún í vinstri skyttu en getur einnig leikið í stöðu leikstjórnanda. Lesa meira

Skráning í Handknattleiksskóla Gróttu eru í fullum gangi þessa dagana en skólinn hefst næstkomandi mánudag, 11.ágúst. Skólinn stendur yfir í 8 daga eða fram að grunnskólarnir hefjast. Góðar viðtökur hafa verið að skólanum en mjög færir þjálfarar og leiðbeinendur standa að skólanum. Skólastjóri er Arnar Freyr Theodórsson íþróttakennari og leikmaður meistaraflokks í Gróttu. Auk hans eru þjálfarar Handknattleiksdeildarinnar og leikmenn meistaraflokka sem aðtoða. Verð er eingöngu 6500 kr en veittur en 1000 kr systkinaafsláttur. Lesa meira