Ágúst Þór Jóhannsson: "Höfum fulla trú á okkur"
Handknattleikslið Gróttu leikur í fyrsta sinn til úrslita í bikarkeppni HSÍ á morgun þegar liðið mætir Val í Laugardalshöllinni klukkan 16:00. Ágúst Þór Jóhannsson er þjálfari Gróttu en er öllum hnútum kunnugur hjá Val enda var hann hjá félaginu í mörg ár sem þjálfari auk þess sem aðstoðarmaður hans var áður aðstoðarþjálfari hjá Val og nokkrir leikmenn hafa leikið í liði Vals síðustu ár. Sport.is náði tali af Ágústi fyrir leikinn.
Lesa meira
Mikið um að vera í miðasölu og opið hús um kvöldið
Núna á föstudagsmorgni eru 250 miðar farnir í forsölu hjá Gróttu fyrir bikarleikinn og þess vegna um 150 miðar eftir hjá Gróttu. Einnig er hægt að nálgast miða á www.midi.is eða við innganginn á laugardaginn. Til að forðast biðraðir þar (og ef ske kynni að uppselt verði á leikinn) er best að klára miðakaupin í forsölu. Á laugardagskvöldið verður síðan opið hús í Hátíðarsalnum fyrir þá sem vilja kíkja. Fyrst eru leikmenn í mat en kl. 22:00 verður húsið opnað fyrir Gróttugesti og gangandi.
Lesa meira
Tilkynning frá tónlistarskólanum
Vegna bikarúrslitaleiks Gróttu og Vals í handbolta sem fram fer Laugardalshöll kl.16:00 n.k. laugardag verður dagskrá tonlistarskólans flutt fram um eina klukkustund. Tónlistarskólinn hefur sína dagskrá kl. 13:00 og stendur hún til kl. 15:00, þannig að allir ættu að komast á leikinn í tæka tíð.
Lesa meira
Viðtal við yngri flokka leikmenn: Hafsteinn Ernir Hafsteinsson
Hafsteinn Ernir Hafsteinsson er fæddur árið 1996 sem gerir hann að leikmanni í 5.flokki karla. Hafsteinn hefur tekið miklum framförum í vetur en samhliða því hefur hann stækkað mikið. Hann er einn af burðarrásum Gróttu 2 í 5.fl. karla yngri og leikur þar í skyttustöðunni. Hafsteinn mætir vel á æfingar, er samviskusamur og getur náð langt í handbolta ef hann heldur rétt á spöðunum.
Lesa meira
Spurningakeppni leikmanna
Í tilefni af bikarúrslitum karla sem fram fer á laugardaginn fengum við 2 uppalda leikmenn Gróttu í spurningaleik til að kanna hve vel þeir þekktu félagið sem þeir spila fyrir. Þeir sem tóku þátt voru Davíð Örn Hlöðversson og Þórir Jökull Finnbogason.
Lesa meira
MIðasalan fer vel af stað
Miðasala á bikarleikinn á laugardaginn fer mjög vel af stað. Í kringum 120 miðar hafa selst þegar þetta er skrifað (kl. 18:30) og búast má við miklum fjölda í kvöld og á morgun, föstudag. Bikarleikurinn verður mikil fjölskylduskemmtun og hvetjum við þess vegna alla fjölskylduna til að mæta á leikinn og minnum við á í því samhengi að engar rútuferðir verða á leikinn. Við hvetjum einnig alla til þess að mæta í hátíðarhöldin og upphitunina á laugardeginum í íþróttahúsinu kl. 13:00-15:00. Áfram Grótta!
Lesa meira
VIP herbergi Gróttu á laugardaginn
Bikarúrslitadaginn sjálfan, 28.febrúar verður VIP herbergi í Hátíðarsal Gróttu frá kl. 13:30 og fram að brottför á leikinn. Boðið verður upp á snittur frá Veislunni og léttar veitingar Ágúst Þór Jóhannsson þjálfari mfl. karla kemur og talar yfir hópinn hvernig hann leggur leikinn upp. VIP miði og miði á leikinn kostar einungis 2500 kr. Sala í VIP herbergið fer fram á skrifstofu Gróttu eða á netföngin: pall@stakfell.is og andri@grottasport.is
Lesa meira
4.flokkur karla í bikarúrslit!
Í gær mættu strákarnir í 4.flokki karla liði FH í undanúrslitum bikarkeppni HSÍ. Leikurinn var jafn fyrstu mínúturnar en flótlega náði Grótta 2-3 marka forystu þar sen vörn og markvarsla var mjög góð. Í lok fyrri hálfleiks hrökk allt í baklás og FH-ingar söxuðu á forskotið og höfðu eins marks forskot í hálfleik 10-11.
Lesa meira
Handhafar aðgönguskírteina
Handhafar aðgönguskírteina geta nálgast miða á úrslitaleikina í Eimskipsbikarnum nk. fimmtudag, milli kl.11:00-13:00 hjá HSÍ í Laugardalnum. ATH. Miðar verða ekki afhentar á öðrum tíma. Leikirnir fara báðir fram í Laugardalshöll og hefst leikur FH og Stjörnunnar í kvennaflokki kl.13.30 og leikur Gróttu og Vals í karlaflokki kl.16.00.
Lesa meira
Video í tilefni bikarúrslitaleiksins
Núna birtum við video sem var búið til fyrir bikarúrslitaleikinn á laugardaginn. Videoið var gert af Ásmundi Haraldssyni og þökkum við honum kærlega fyrir. Videoið er í formi ljósmynda og texta og nær hann svo sannarlega að fanga stemninguna sem myndast hefur á Nesinu fyrir leikinn. Mælt er með því að fólk hækki vel í græjunum og komi sér þægilega fyrir. Videoið má sjá hér.
Lesa meira
Viðtal við yngri flokka leikmenn: Jón Ingvar Þorgeirsson
Í tilefni af bikarleik Gróttu og Vals á laugardaginn ætlar heimasíðan að taka nokkur viðtöl við leikmenn yngri flokka félagsins, verðandi meistaraflokks leikmenn. Fyrstu í röðinni er Jón Ingvar Þorgeirsson, leikmaður 4.fl. karla en hann er fæddur árið 1994. Jón Ingvar leikur með b2-liðinu sem er í toppbaráttunni í 1.deildinni. Jón Ingvar hefur átt mikinn þátt í velgengni 1994 árgangsins innan Gróttu undanfarin ár en hann varð Íslandsmeistari í 6.flokki en varð í 2.sæti í 5.flokki. Jón Ingvar er mjög fjölbreyttur leikmaður og getur hann leyst af hendi flestallar stöður á leikvellinum. Viðtalið má sjá ef smellt er á lesa meira.
Lesa meira
Hugleiðing í tilefni bikarúrslita
Íþróttir eru vettvangur margra klisja: “Enginn spilar betur en andstæðingurinn leyfir.”, “Í bikarkeppni er hver leikur úrslitaleikur” og ein sú albesta að mínu mati: “Ef við náum upp góðum varnarleik, fylgir markvarslan í kjölfarið og þá opnast möguleikar á hraðaupphlaupum”. En afhverju skyldu klisjur vera svona rammur þáttur í íþróttaumfjöllun?
Lesa meira
Dagskrá laugardagsins í Íþróttahúsinu
Dagskráin í Íþróttahúsinu á bikarúrslitadaginn sjálfan er glæsileg. Allt Gróttufólk er hvatt til að taka þátt í hátíðarhöldinum fyrir leik en dagskrá fyrir allan aldurshóp verður í boði.
Lesa meira
Bikarúrslit: Grótta - Valur - FORSALA hefst á miðvikudag
Eins og flestir vita fer leikur Gróttu og Vals fram á laugardaginn kl. 16:00 í Laugardalshöllinni. Miðasala fer fram á www.midi.is en einnig verður forsala miða hjá Gróttu á miðvikudaginn og fimmtudaginn kl. 09:00 - 21:00. Á skrifstofutíma á skrifstofu Gróttu en í afgreiðslu íþróttahússins eftir það. Núna verða allir Seltirningar og aðrir Gróttumenn að mæta í Höllina og styðja OKKAR menn til sigurs!
Lesa meira
Ísafjarðarferð 3.flokks karla
Nú um helgina var farin keppnisferð til Ísafjarðar hjá 3. flokki karla. Ferðin var löng og ströng en mjög ánægjuleg. Ferðin hófst klukkan 10 mínútir yfir níu, þegar að flugvél á leið til Ísafjarðar lagði af stað frá Reykjavíkur flugvelli með 11 káta en þreytta stráka og einn yfirmáta rólegan þjálfara. Þegar svo lent var á Ísafirði eftir ánægjulegt aðflug voru allir vel vaknaðir og spenntir að takst á við verkefni dagsins.
Lesa meira
4.fl. kvenna í bikarúrslit
Á föstudaginn mættust Grótta2 og ÍBV í undanúrslitum og úr varð hörku spennandi leikur. Eyja-stúlkur voru með yfirhöndina til að byrja með og virtust gróttu-stúlkur mjög stressaðar og gerðu sig sekar um mikið af mistökum, bæði sókna og varnarlega. Þegar líða fór á leikinn náðu stelpurnar að vinna sig út úr stressinu og fóru að sýna betri leik. Í leiks lok var staðan jöfn og því þurfti að framlengja. Í framlengingu náðu ÍBV stúlkur tveggja marka forskoti og því á brattann að sækja fyrir Gróttu2.
Lesa meira
Bikarúrslitaleikur á laugardaginn
Á laugardaginn næsta, 28.febrúar fer fram bikarúrslitaleikur meistaraflokks karla og kvenna. Í fyrsta skipti í sögu félagsins á Grótta lið í karlaleiknum en þar mætum við Völsurum. Leikurinn er einnig áhugaverður að því leyti að það er í fyrsta skipti sem lið úr næstefstu deild kemst alla leið. Leikurinn hefst kl. 16:00 í Laugardalshöllinni og verður mikið á bikarúrslitadaginn sjálfan hér í íþróttahúsinu. Fylgist þess vegna vel með heimasíðunni í vikunni þar sem mikil umfjöllun verður um leikinn, tölfræði, viðtöl og margt margt fleira. Miðasala á leikinn sjálfan hefst með forsölu á miðvikudaginn en þá verður forsala frá kl. 09:00 - 21:00. Frá kl. 09:00-17:00 á skrifstofu Gróttu og síðan kl. 17:00-21:00 í anddyrinu. Miðaverð er kr. 1000.- fyrir 13 ára og eldri. Frítt er á leikinn fyrir 12 ára og yngri. Áfram Grótta!
Lesa meira
Góður árangur hjá 4.flokki karla
Nú í febrúar hafa verið 4 leikir hjá strákunum í A-liðinu í 4.flokki karla, þrír leikir í Íslandsmóti og einn leikur í bikarkeppninni. Leikirnir í Íslandsmótinu voru gegn FH í Kaplakrika sem vannst 33-27, Fram hérna á Nesinu sem endaði með jafntefli 19-19, svo á móti Val einnig á Nesinu sem vannst 35-19. Í bikarkeppninni var spilað á móti Fram og vannst sá leikur með einu marki 26-25 í æsispennandi leik.
Lesa meira
Naumt tap gegn Framkonum
Grótta beið lægri hlut gegn Frömmurum í Safamýrinni á laugardaginn. Leikurinn var þó allt annar heldur en liðið hefur verið að sýna upp á síðkastið. Frammarar byrjuðu betur og skoruðu fyrstu þrjú mörkin í leiknum og var manni ekki farið að lítast á blikuna. Þá kom kraftur í sóknarleikinn hjá Gróttunni og eftir stutta stund var búið að jafna leikinn.
Lesa meira
Mikilvægur sigur á ÍR-ingum
Í gærkvöldi fór fram leikur Gróttu og ÍR í Austurbergi. Var leikurinn feikna mikilvægur, en með sigri gæti Grótta haldið 4 stiga forystu á topp deildarinnar þegar 5 umferðum er ólokið. Greinilegt var að bæði lið ætluðu að selja sig dýrt, enda hart tekist á í byrjun leiks og hvorugt lið náði afgerandi forystu á fyrstu mínútunum. Þegar fyrri hálfleikur var rúmlega hálfnaður var staðan 7 - 7. Þá girtu Gróttumenn sig í brók og skoruðu 4 mörk gegn 2 mörkum heimamanna. Þegar flautað var til hálfleiks var staðan því 9 - 11.
Lesa meira
Fram - Grótta kl. 13:00 á morgun, laugardag
Á morgun, laugardag eiga stúlkurnar okkar leik gegn Framstelpum. Leikurinn fer fram í Safamýri og hefst kl. 13:00. Eftir mjög dapran leik á móti Valsstelpum í seinasta leik, ætla stelpurnar okkar að koma sterkar til leiks í Safamýrinni. Við hvetjum fólk til að mæta og styðja stúlkurnar okkar til sigurs.
Lesa meira
Arnar Freyr Theódórsson að ná sér
Miðjumaðurinn snjalli, Arnar Freyr Theódórsson er óðum að ná fullum bata eftir höggið sem hann fékk á augabrúnina í seinasta leik gegn Selfyssingum. Um miðjan fyrri hálfleik þurfti að bruna með Arnar upp á Heilsugæslustöð þar sem læknir á meðal áhorfenda fór með honum og þar var hann saumaður 6 spor. Arnar kom til baka í síðari hálfleik og hjálpaði hann liðinu sínu umtalsvert við að sigra Selfyssinga, 32-31. Mikið gengur á í einum handboltaleik og ber þetta dæmi glöggt til þess.
Lesa meira
Toppslagur á föstudaginn: ÍR - Grótta
Á föstudaginn verður toppslagur í 1.deild karla þegar strákarnir okkar mæta í Breiðholtið og mæta ÍR-ingum. Eins og stendur eru ÍR-ingar í 2.sæti deildarinnar en okkar strákar tróna á toppnum. Liðin hafa mæst tvisvar sinnum í vetur, Grótta vann sinn leik á heimavelli í fyrstu umferð en í annarri umferð unnu ÍR-ingar í Austurberginu. Búast má við mikilvægum en skemmtilegum leik á föstudaginn en leikurinn hefst kl. 19:30 og fer fram í Austurbergi. Stuðningsmenn, fjölmennum og styðjum okkar lið alla leið í úrvalsdeild!
Lesa meira
Tap hjá Gróttu 3 í 4.flokki kvenna
Laugardaginn14.febrúar sl. fór Grótta3 í 4. fl. kvenna í heimsókn í Garðabæinn og spilaði við Stjörnustúlkur. Gróttustúlkur byrjuðu leikinn vel og var staðan í hálfleik 12-9 fyrir stjörnunni. Í seinni hálfleik náðu Gróttustúlkur sér hinsvegar ekki á strik og gerðu mikið af ódýrum mistökum.
Lesa meira
Sigur á Fjölni í 4.flokki kvenna
Sunnudaginn 15.febrúar sl. fór Grótta1 í 4. fl. kvenna í heimsókn í Grafarvoginn og spilaði við Fjölnisstúlkur. Fyrr í vetur mættust þessi lið og vann Grótta stórsigur á Fjölni 39-10 þannig að stelpurnar vildu fylgja því eftir í þessum leik. Gróttustúlkur byrjuðu leikinn betur og voru yfir 4-1 þegar 5 mínútur voru liðnar af leiknum og hélst þessi þriggja marka munur þangað til um miðjan fyrri hálfleik eða þegar staðan var 8-5, þá skelltu Gróttustúlkur í lás í vörninni og fengu ekki fleiri mörk á sig í fyrrihálfleik.
Lesa meira
Helly Kitty mótið tókst mjög vel
Grótta hélt Hello Kitty vinamót í 5. og 6. þrepi stúlkna sunnudaginn 15.febrúar og voru 117 keppendur skráðir á mótið. Í 6.þrepi mættu til leiks tólf lið frá fimleikafélögunum Björk (2), Fjölni (4), Fylki, Keflavík og Stjörnunni (2) auki gestgjafanna í Gróttu. Það var keppt í liðakeppni og úrslitin urðu þau að Fjölnir L varð í efsta sæti, Fjölnir Ö í öðru sæti og lið Fylkis í þriðja sæti.
Lesa meira
Gísli Kristjánsson framlengir samning
Gísli Kristjánsson fyrrum leikmaður Gróttu í handbolta hefur nýlega framlengt samning sinn við danska úrvalsdeildarliðið Njordsjælland Handbold. Liðið er sem stendur í 7 sæti dönsku úrvalsdeildarinnar. Gísli hefur verið í 6 ár í atvinnumennskunni og hefur spilað með FC Kaupmannahöfn, Ajax Kaupmannahöfn, Fredricia og er núverandi leikmaður Nordsjælland og hefur nýlega framlengt samning sinn við félagið.
Lesa meira
3 stúlkur frá Gróttu í U17
3 stúlkur frá Gróttu, Ásrún Birgisdóttir, Katrín Viðarsdóttir og Rannveig Smáradóttir hafa verið valdar í U17 ára landsliðshóp kvenna sem fer til Svíþjóðar 5.-9. mars til að taka þátt í undankeppni fyrir EM. Við óskum þessum stúlkum til hamingju með valið.
Lesa meira
Grótta 1 með sigur á deildarbikarmóti 5.fl. kvenna eldri
Helgina 7.febrúar til 8.febrúar fór fram á Suðurströndinni deildarbikarmót hjá 5 flokki kvenna eldra ári í handboltanum. Grótta er með tvö lið í þessum árgangi og hafa þær staðið sig vel í vetur. Grótta 1 keppti þrjá leiki á laugardaginn, á móti Selfoss-2 sem fór 19-2 fyrir Gróttu , FH 15-7 og ÍBV 21-3.
Lesa meira
Umfjöllun um leik Gróttu og Selfoss
Grótta tók í gærkvöldi á móti liði Selofoss, í deildarkeppni 1. deildar. Eins og Gróttufólki er enn í fersku minni, þá mættust liðin á Selfossi fimm dögum áður, þar sem Grótta hafði sigur. Mikilvægi þessa leiks var gífurlegt, þar sem með sigri myndi Grótta ná fjögra stiga forystu á toppi seildarinnar, en ef Selfoss myndi ná að knýgja fram sigur, myndu þeir tylla sér í toppsætið.
Lesa meira
Kjör Íþróttamanns Seltjarnarness árið 2008
Kjörið fór fram þriðjudaginn 10. febrúar sl. í Félagsheimili Seltjarnarness að viðstöddum fjölda manna og var dagskráin með glæsilegra móti. Anna Kristín Jensdóttir, sundkona og Snorri Sigurðssoní frjálsum íþróttum voru kjörin íþróttamenn Seltjarnarness. Fjöldi verðlauna féllu í skaut Gróttufólks.
Lesa meira
Tvö fimleikamót um helgina í Íþróttahúsinu
Nóg verður um að vera um helgina í íþróttahúsinu en tvö fimleikamót þar. Annars vegar er Gymnova þrepamót í 5.þrepi á laugardeginum og síðan Hello Kitty mótið í 5. og 6.þrepi á sunnudeginum. Mótin hefjast bæði kl. 9:00 um morguninn og standa fram eftir degi. Aðgangseyrir er 500 kr. Við hvetjum alla áhugasama að gera sér ferð upp í Íþróttahús á Seltjarnarnesi og berja fimleikastjörnur framtíðarinnar augum. Hér má sjá þrepamótið og hér má sjá Hello Kitty mótið.
Lesa meira
Styrkur úr afreksjóði ÍSÍ til fimleikastúlkna
Í vikunni tilkynnti Íþrótta- og Ólympíusamband Íslands um úthlutanir styrkja úr Afrekssjóði ÍSÍ og Styrktarsjóði ungra og framúrskarandi efnilegra íþróttamanna fyrir árið 2009. Það er ánægjulegt að segja frá því að Gróttu stúlkurnar Dominiqua Belanyi og Embla Jóhannesdóttir hlutu báðar styrk að upphæð 100.000 kr úr Styrktarsjóði ungra og framúrskarandi efnilegra íþróttamanna. Við óskum þeim innilega til hamingju, og styrkurinn mun koma sér vel í fjármögnun keppnisferða þeirra með landsliði Íslands í fimleikum á árinu.
Lesa meira
Glæstur sigur í spennuþrungnum leik
Strákarnir sýndu enn og eftur úr hverju þeir eru gerðir. Stórkostlegur sigur í rosalegum leik var niðurstaðan í kvöld, 32-31 eftir að Finnur Ingi Stefánsson skoraði sigurmarkið úr vítakasti eftir að leiktíminn var liðinn. Metfjöldi áhorfenda var á leiknum, en 962 áhorfendur studdu bæði liðin í glæsilegum leik. Troðfullt var út úr dyrum og mikill fögnuður braust út í lokin þegar Finnur skoraði sigurmarkið. Með sigrinum kemst Grótta í þægileg mál með fjögurra stiga forystu á Selfyssinga. Meira um leikinn í kvöld eða á morgun.
Lesa meira
Bílastæði við leikskóla á Ráðhúsreitnum
Búast má við fullu húsi á leiknum í kvöld, þannig að við bendum á bílastæði við leikskólanna á Ráðhúsreitnum. Bílastæðin við íþróttamiðstöðinna eru löngu sprungin, þannig að þetta eru þau bílastæði sem eru næst íþróttahúsinu. Áfram Grótta!!
Lesa meira
Takmark kvöldsins: Fyllum húsið
Í kvöld fer fram TOPPSLAGUR en Grótta mætir Selfyssingum í annað skipti á stuttum tíma. Þó að Grótta hafi unnið síðasta leik, skiptir það engu máli í kvöld. Gróttufólk, Seltirningar og aðrir: setjum okkur takmark fyrir kvöldið og fyllum húsið!!! Leikurinn hefst kl. 19:30 en við hvetjum fólk til að mæta snemma, fá sér pizzu og ná góðum sætum.
Lesa meira
Gústi Jó: "Deildarkeppnin nr. 1"
Við fengum Ágúst Jóhannsson til þess að svara nokkrum spurningum um næsta leik strákanna í meistaraflokki karla en þeir mæta á morgun Selfyssingum í GRÍÐARLEGA mikilvægum leik. Með sigri getur Gróttan komið sér í þægileg mál á toppnum, með fjögurra stiga forystu á Selfyssinga og innbyrðisúrslit einnig. Með tapi fellur liðið í 2.sæti deildarinnar og erfið barátta hefst fyrir alvöru.
Lesa meira
Errea sala á miðvikudaginn
Á miðvikudaginn ætlar Errea að vera með söludag í íþróttahúsinu á milli kl. 17:00 og 19:00. Salan fer fram í setustofunni og ætla Erreamenn að vera með mjög fjölbreytt úrval Gróttuvara auk Gróttuúlpu og Gróttubakpoka. Fólk getur gert góð kaup á staðnum.
Lesa meira
Stórt tap gegn Val
Já, leikurinn endurtók sig frá 15. janúar síðastliðnum gegn Val, Valsarar skoruðu 39 mörk eins og þá, en nú náðu Gróttustelpur einungis að koma boltanum 13 sinnum í markið í stað 20 sinnum eins og síðast. Í upphafi var nokkuð jafnt á með liðunum og Valsarar sjaldnast langt undan. Valur komst í 13-10 þegar rúmur helmingur var liðinn af fyrri hálfleik, en þá setti Berglind í lás í markinu og Valskonur keyrðu hraðaupphlaupin grimmt og komust í stöðuna 18-10 fyrir hálfleik.
Lesa meira
5.flokkur í 3.-4. sæti á Íslandsmótinu innanhúss
Strákarnir í 5.flokki Gróttu tóku þátt í Íslandsmótinu innanhúss um helgina en leikið er samkvæmt "futsal" reglum KSÍ. Helgina áður komst Grótta uppúr riðlakeppninni með því að vinna tvo leiki og gera eitt jafntefli en það tryggði sigur í riðlinum. Núna um helgina komst Grótta uppúr riðli með Víkingi, Val og Álftanesi og komst þar af leiðandi í undanúrslitaleik gegn Breiðabliki en okkar menn sáu aldrei til sólar í þeim leik enda Blikarnir með firnasterkt lið og enduðu sem sigurvegarar á mótinu.
Lesa meira
Ráðstöfun á frístundakorti
Við viljum minna foreldra/forráðamenn á að ráðstafa frístundastyrk ÍTR en lokað verður fyrir ráðstöfun þann 28. febrúar og eftir það er ekki hægt að nýta sér styrkinn fyrir vorönnina. Til þess að ráðstafa styrknum þarf að fara á http://rafraen.reykjavik.is/pages/ Viljum einnig minna foreldra/forráðamenn á að styrkurinn er fyrir allt árið 2009 og má ráðstafa honum á sumarnámskeiðum sem og í haust.
Allar nánari upplýsingar eru veittar á skrifstofu Gróttu milli kl 13.00-16.30 og í síma 561-1133.
Lesa meira
Gróttustelpur mæta Val í kvöld
Í kvöld fer fram leikur Gróttu og Vals í N1-deild kvenna. Leikurinn hefst kl. 19:30 og er Gróttuliðinu mikilvægur. Grótta situr í 7.sæti deildarinnar en getur með sigri komist upp fyrir HK í 5.-6.sæti með jafnmörg stig og FH-stúlkur. Áfram Grótta!
Lesa meira
1.deild karla: Grótta - Selfoss á miðvikudaginn
Það er skammt stórra högga á milli hjá strákunum í meistaraflokknum en þeir leika aftur gegn Selfyssingum á miðvikudaginn í 1.deildinni. Leikurinn hefst kl. 19:30 og fer fram í Íþróttahúsi Seltjarnarness. Íþrótta- og tómstundaráð Seltjarnarness ætlar að bjóða öllum Seltirningum á leikinn en boðsmiðar munu berast í öll hús á Seltjarnarnesi á morgun, þriðjudag.
Lesa meira
Selfoss - Grótta: Umfjöllun
Í gærkvöldi gerðu gróttumenn sér ferð austur fyrir fjall til að spila gegn Selfyssingum í undanúrslitum Eimskipsbikarsins. Liðin höfðu mæst tvisvar áður á tímabilinu og hvort unnið sitthvorn sigurinn. Klukkutíma fyrir leik var íþróttahús Selfoss orðið troðfullt og ljóst var að hart yrði tekist á.
Lesa meira
Strákarnir: "Áhorfendur voru okkar 8. og 9.maður"
Strákarnir vilja þakka áhorfendum fyrir leikinn, þeir voru þeirra 8. og 9.maður á vellinum en 250 Gróttuáhorfendur voru leiknum og studdu liðið ákaft í leiknum. Að sjálfsögðu var fréttaljósmyndari Gróttunnar, Árni Ben Árnason og má sjá gleði leikmanna, þjálfara og stuðningsmanna í myndunum.
Lesa meira
Gróttan í úrslit Eimskipsbikarsins !!!
Karlalið Gróttunnar komst í kvöld í fyrsta skipti í úrslitaleik Eimskipsbikarsins þegar þeir unnu Selfyssinga á Selfossi í framlengdum leik, 31-30. Staðan í háfleik var 15-15 og eftir venjulegan leiktíma 26-26 og þess vegna þurfti að grípa til framlengingar. Smekkfullt hús var á Selfossi og mættu 250 Gróttustuðningsmenn og hvöttu liðið frábærlega í leiknum. Nánari umfjöllun kemur á morgun, laugardag ásamt markaskorun.
Lesa meira
Selfoss - Grótta í beinni á netinu
Suðurland FM 96,3 verður með leik Selfoss og Gróttu í beinni í kvöld. Hægt er nálgast lýsingu á leiknum á vefnum, www.963.is. Þeir sem komast ekki á leikinn geta huggað sig við þetta. Áfram Grótta!
Lesa meira
Styttist í leikinn
Á eftir fer Gróttuliðið austur fyrir fjöll og mætir þar liði Selfyssinga í undanúrslitum Eimskipsbikarsins. Mikið hefur verið rætt og skrifað um þennan leik og búast má við að stemmingin á leiknum verði gífurleg. Ekki þarf að tíunda um mikilvægi þessa leiks, enda hefur Gróttuliðið aldrei áður náð í úrslitaleik bikarkeppninnar í meistaraflokki karla. Óhætt er að lofa háspennu lífshættu í íþróttahúsi Selfyssinga enda hafa rimmur liðanna í gegn um tíðina verið harðar og oft grunnt verið á því góða. Búast má við að heimamenn troðfylli pallana og því verða þeir Gróttumenn sem fara á leikinn að láta vel í sér heyra.
Lesa meira
Atli Rúnar: "Vonast til að sjá sem flesta á pöllunum"
Heimasíðan fékk Atla Rúnar Steinþórsson, fyrirliða meistaraflokks karla, til þess að svara nokkrum spurningum varðandi leik Selfoss og Gróttu í Eimskipsbikarnum. Atli Rúnar vonast til að sjá sem flesta Gróttustuðningsmenn á pöllunum á Selfossi á morgun en í lok dags eru 50 miðar eftir. Þannig að seinstu miðarnir verða örggulega farnir fljótlega á morgun, föstudag. Hægt er að nálgast miðana á skrifstofu Gróttu.
Lesa meira
Selfoss - Grótta í Undanúrslitum Eimskipsbikarsins
Á morgun fer fram stórleikur en þá mætast Selfoss og Grótta í undanúrslitum Eimskipsbikarsins. Leikurinn fer fram á Selfossi og hefst kl. 19:30. Forsalan gengur mjög vel fyrir sig og eru núna þegar þetta er skrifað (kl. 14:30) 120 miðar eftir og nokkur rútusæti. Núna fer hver að vera seinastur ef hann/hún ætlar á leikinn.
Lesa meira
Nokkrir miðar á Þorrablótið eftir
Nokkrir miðar eru eftir á Þorrablót Gróttu sem fram fer á laugardaginn og er hægt að nálgast þessa miða í gegnum skrifstofu Gróttu. Um er að ræða ósótta miðapantanir. Búast má við miklu stuði á Þorrablótinu og ekki síður á ballinu sem fylgir í kjölfarið. Hægt að nálgast miða á ballið við hurðina um kvöldið eftir kl. 23:00.
Lesa meira
Forsalan í fullum gangi
Forsalan á leik Selfoss og Gróttu í Eimskipsbikarnum er í fullum gangi. Í greininni má sjá þá tíma sem forsalan stendur yfir. Boðið er upp á sætaferðir en hægt að panta sér sæti á sama tíma í forsölunni.
Lesa meira
4.flokkur karla A-lið í undanúrslit í bikarnum
Það var hörkuleikur sem var spilaður í gær í íþróttahúsinu á Seltjarnarnesinu þegar Gróttan vann Fram í 8-liða úrslitum í bikarkeppninni. Fram byrjaði betur og komst í 1 - 4. Leikurinn jafnaðist fljótlega og í hálfleik var staðan jöfn 10 - 10. Í síðari hálfleik var oftast jafnt á öllum tölum, að vísu náði Gróttan 2 marka forystu en missti hana strax niður.
Lesa meira
Markmannsæfingar að hefjast hjá knattspyrnudeild
Næstkomandi laugardag mun Kristján Finnbogason, markvörður meistaraflokks og markmannsþjálfari knattspyrnudeildar Gróttu vera með markmannanámskeið fyrir alla tilvonandi og áhugasama markverði yngri flokka félagsins. Kristján mun þá taka á móti öllum þeim sem að vilja prófa að æfa mark og sýnir hvernig markvörðurinn fer í markinu. Honum til aðstoðar verða markverðir meistaraflokks karla. Hér að neðan má sjá dagskrá laugardagsins.
Lesa meira
Gústi Jó: "Mikill metnaður og vilji"
Við fengum Ágúst Jóhannsson til þess að svara nokkrum spurningum varðandi leik Selfoss og Gróttu í Eimskipsbikarnum á föstudaginn. Að sögn Gústa er mikil stemning í hópnum fyrir leikinn og mikil tilhlökkun.
Lesa meira
Síðasti dagur þjónustukönnunarinnar
Á morgun, miðvikudag er seinasti dagur þjónustukönnunar Gróttu sem hefur verið í gangi undanfarnar tvær vikur. Viðtökurnar hafa verið mjög góðar og þeir forráðamenn sem eiga enn eftir að svara, eru hvattir til að gera það sem allra fyrst. Þeir sem hafa ekki fengið þjónustukönnunina í gegnum tölvupóstinn, eru beðnir um að hafa samband við skrifstofu Gróttu, s. 561-1133 eða í gegnum tölvupóst, andri@grottasport.is.
Lesa meira
Finnur Ingi: "Búnir að bíða lengi eftir leiknum"
Við fengum Finn Inga Stefánsson til þess að svara nokkrum spurningum varðandi leik Selfoss og Gróttu í Eimskipsbikarnum á föstudaginn. Finnur Ingi er 21 árs gamall og leikur í stöðu hægri hornamanns. Hann er markahæsti leikmaður liðsins í 1.deildinni.
Lesa meira
Víða komið við á Ákamótinu
Strákarnir í 7.flokki karla stóðu sig frábærlega á Ákamótinu sem fram fór í Digranesi um helgina. Fimm lið voru skráð til leiks og gekk þeim öllum vel; unnu nær alla sína leiki (það var engin stigatafla en strákarnir sáu sjálfir um talninguna!!). Piltarnir stóðu sig það vel að þeir voru “keyptir” í önnur lið á staðnum.
Lesa meira
Selfoss - Grótta á föstudaginn - Upplýsingar
Á föstudaginn fer fram undanúrslitaleikur Gróttu í Eimskipsbikarnum. Leikið er gegn Selfyssingum og fer leikurinn fram á Selfossi. Segja má að leikurinn sé sá stærsti sem karlalið Gróttu hefur leikið en Grótta lék undanúrslitaleik gegn KA árið 1994 og Grótta/KR undanúrslitaleik gegn HK árið 2006. Í bæði skiptin hefur liðið beðið lægri hlut. Annað verður upp á teningnum á föstudaginn. Það er nær öruggt að uppselt verður á leikinn, þannig að forsala á miðum verður á skrifstofu Gróttu kl. 9-17 eða á meðan miðar endast. Einnig verður boðið upp á rútuferðir frá Íþróttahúsinu og síðan heim að leik loknum. Lesa má nánar um þetta í greininni.
Lesa meira
6.flokkur karla á deildarbikarmóti
Helgina 23.- 25.janúar fór fram deildarbikarmót í 6.flokki karla. HK hélt mótið og sendi Grótta 4 lið til keppni, 1 A-lið, 1 B-lið og 2 C-lið. Mikil fjölgun hefur verið í 6.flokknum frá því í haust en 16 strákar hafa bæst í hópinn og heildafjöldi því 38 strákar. Margir hverjir eru því að stíga sín fyrstu skref en hafa heldur betur staðið sig vel hingað til.
Lesa meira
Sigur gegn Þrótturum
Grótta tók á föstudagskvöld á móti liði Þróttar í fyrsta leik 3. umferðar í 1.deildinni. Til að byrja með var jafnræði með liðunum, en í stöðunni 2 - 2 girtu Gróttumenn sig í brók og tóku leikinn í sínar hendur. Áður en langt um leið hafði liðið náð dágóðu forskoti og þá var ekki að sökum að spyrja. Heimamenn héldu uppteknum hætt fram að hálfleik, en þá var staðan 14-5.
Lesa meira
