Þá er fyrsta degi lokið hér á Shellmótinu í Eyjum. Alls voru 12 leikir spilaðir hjá strákunum eða þrír á lið. Gengið var misjafnt en þó náði B-liðið að sigra alla sína leiki. Í morgun var frábært fótboltaveður en þá var blankalogn og rigning. Gæti ekki verið betra. Eitthvað vafðist það þó fyrir strákunum að spila í logninu en það var þó grasið sem að kom þeim mest á óvart enda hafa strákarnir vart stigið fæti á gras á þessu ári. Það segir okkur að það er enn gríðarmikil þörf fyrir nothæfan grasvöll á Valhúsahæðinni, ekki bara fyrir krakkana að komast á gras heldur einnig til að anna hinu mikla álagi sem er á gervigrasvellinum. En á morgun halda leikirnir áfram og við vonandi komum með frekari fréttir af strákunum og gengi þeirra. En allar upplýsingar um mótið er að finna á Shellmótsvefnum. Lesa meira

Þá er komið að enn einum stórleiknum í 2. deildinni í fótbolta en á föstudaginn kl. 20:00 taka strákarnir okkar í Gróttu á móti liði Njarðvíkur. Liðin er jöfn að stigum í 3-4 sæti og má því fastlega búast við hörkuleik. Lið Njarðvíkur spilaði í 1. deildinni í fyrra og hefur á sterkum hóp leikmanna að skipa. Lesa meira

Landsliðsmaðurinn og leikmaður Reading í Englandi, Brynjar Björn Gunnarsson, heimsótti Afreksskóla Gróttu í morgun. Hann var með krökkunum á æfingu og leiðbeindi þeim eins og mögulegt var. Hápunkturinn var þó tvímælalaust þegar að farið var í vítaspyrnukeppni þar sem að Brynjar stóð sjálfur vaktina í markinu. Brynjar þótti efnilegur markmaður þegar hann var á svipuðum aldri og krakkarnir þannig að hann sýndi smá takta í netinu. Að lokum var það Viktor Orri Pétursson leikmaður 5.flokks sem að bar sigur úr býtum og hlaut að launum landsliðstreyju númer 7 en í henni lék Brynjar gegn Makedóníu fyrir fáeinum dögum. Lesa meira

Lesa meira

Á sunnudaginn var lék Grótta í 2.deildinni við sameinað lið ÍH/HV en ljóst var að um erfiðan leik væri að ræða eftir langa leikjatörn sem toppaði allt þegar að liðið lék við KR í Bikarnum. Menn gáfu allt þar og þar af leiðandi voru menn frá vegna meiðsla og almennrar þreytu þegar í þennan leik var komið. En Grótta er með stóran og góðan hóp og því fengu aðrir leikmenn tækifærið. Skemmst er frá því að segja að leikurinn endaði 1-1 en mark Gróttu var sjálfsmark heimamanna. Á síðustu mínútu leiksins voru þeir næstum búnir að skora annað sjálfsmark en þrumuskot þeirra endaði í markslánni. Næsti leikur Gróttu er gegn Njarðvík á föstudaginn kemur kl. 20.00 á Gróttuvelli. Lesa meira

Nú standa yfir sumarmótin árlegu hjá yngri flokkum landsins. Gróttan missir ekki af neinu þar og núna um síðastliðnu helgi var 7.flokkur karla á Kaupþingsbankamótinu á Akranesi og 3.flokkur kvenna fór norður til Siglufjarðar á Miðnæturmótið. Von er á ferðasögu frá stelpunum á næstu dögum. En strákarnir fóru á Skagann síðastliðinn föstudag og voru fjögur lið send til keppni í A, C, D og E liðum. E liðið var að mestu leyti skipað strákum úr 8.flokki sem hafa verið að æfa með 7.flokki í vetur. Afskaplega skemmtilegt lið sem að náði því að komast í Íslensku deildina (efsta deild) á laugardeginum. Lesa meira

Eins og áður hefur komið fram í fréttum þá verður Ásgerður Halldórsdóttir næsti bæjarstjóri Seltjarnarness. Íþróttafélagið Grótta vill óska henni til hamingju með þetta nýja starf. Grótta er viss um að Ásgerður eigi eftir að standa sig vel í þessu nýja starfi en Ásgerður hefur starfað fyrir Gróttu í mörg ár við góðan orðstír. Hún lék handknattleik árum saman með félaginu en hún var markmaður. Auk þess hefur hún setið í stjórnum félagsins til margra ára. Ásgerður Halldórsdóttir er gullmerkishafi Gróttu. Lesa meira

Grótta og KR mættust í nágrannaslag í 32-liða úrslitum VISA-bikarsins á fimmtudagskvöld á Seltjarnarnesinu þar sem mátti búast við baráttuleik í frábæru veðri. Guðmundur Pétursson fékk fyrsta færið fyrir KR strax á 7. mínútu leiks, en Kristján Finnbogason varði vel í markinu hjá Gróttu, en hann var að mæta sínum gömlu félögum í fyrsta skiptið síðan hann yfirgaf félagið.
Lesa meira

Það hefur varla farið framhjá neinum að Grótta og KR mætast í VISA-bikarnum á fimmtudaginn á Gróttuvelli. Um er að ræða fyrsta opinbera leik þessara liða en sæti í 16-liða úrslitum er að veði. Árið 2005 munaði hársbreidd að Gróttuliðið kæmist áfram í bikarnum þegar liðið mætti þáverandi bikarmeisturum, ÍA. ÍA vann þá nauman og óverðskuldan sigur á seinustu stundu 2-1 á Valhúsarhæð. Mark Gróttu skoraði Ómar Bendtsen. Ef þið smellið á lesa meira getið þið nálgast hagnýtar upplýsingar um leik Gróttu og KR. Lesa meira

Við fengum Kristján Finnbogason margfaldan íslandsmeistara með KR og núverandi markvörð Gróttuliðsins til þess að svara nokkrum spurningum varðandi leikinn á fimmtudaginn. Mikill áhugi er fyrir leiknum en hann hefst kl. 19:15 á Gróttuvelli. Stórhluti stúkumiðanna á leikinn fór í forsölunni í gær en forsalan heldur áfram á skrifstofu Gróttu í Íþróttahúsinu á morgun, fimmtudag frá kl. 09:00-16:00. Lesa meira

Vefsíðan Fótbolti.net birti fyrr í dag grein í flokkum "Hvað er að frétta.." og í þetta inn var fjallað um Gróttu. Tekið var viðtal við Ásmund Haraldsson þjálfara liðsins og hann spurður spjörunum úr. Ási er staðráðinn að leggja KR-ingana að velli á fimmtudaginn og hvetur alla Gróttumenn og aðra Seltirninga til að mæta á völlinn og mála bæinn bláan! Lesa meira

Grótta og KR hafa aldrei áður mæst í opinberu mót í knattspyrnu og má því segja að um sögulegan leik sé að ræða á fimmtudaginn. Hins vegar hafa samneyti þessara liða verið talsvert í handbolta og fimleikum á undangengnum árum og ber kannski hæst samstarf þessara tveggja liða í handboltanum um 8 ára skeið. Mýmargir leikmenn hafa leikið með báðum þessum félögum og verða núverandi leikmenn nefndir hér. Lesa meira

Sigurður Ragnar Eyjólfsson landsliðsþjálfari kvennalandsliðsins í knattspyrnu var gestur á Afreksskólanum í morgun. Hann var með 80 mínútna æfingu og tók svo létt spjall við krakkana í lokin. Mikill fengur fyrir Gróttu að fá mann eins og Sigurð til að koma og spjalla við krakkana. Í gær komu þeir Jónas Guðni Sævarsson fyrirliði KR og Bjarni Guðjónsson og voru með krökkunum í skotæfingum og vítaspyrnukeppnum. Í lok vikunnar mun síðan Ólafur Kristjánsson koma í heimsókn í Afreksskólann. Kristján Finnbogason markvörður Gróttu mun síðan vera gestur knattspyrnuskólans á föstudaginn kemur. Hann kemur síðan aftur í skólann ef einhverjir missa af honum í þessari viku. Lesa meira

Forsala aðgöngumiða á leik Gróttu og KR verður á þriðjudaginn kl. 16:00-20:00 í fótboltahúsinu út á gervigrasi. Búast má við miklum fjölda áhorfenda á leikinn og fólk er þess vegna beðið um að tryggja sér miða sem fyrst. Takmarkað magn miða verður í boði í stúkusæti en sá miði kostar 1500 kr. Fyrir 17 ára og eldri kostar miði í stæði 1000 kr en yfir 11-15 ára kostar miðinn í stæði 500 kr. Frítt er á völlinn fyrir 10 ára og yngri í stæði. Lesa meira

Á fimmtudaginn hefst VISA-bikarinn aftur með STÓRleik, Grótta - KR, í 32-liða úrslitum keppninnar. Leikurinn fer að sjálfsögðu fram á Gróttuvelli og hefst hann kl. 19:15. Miðasala á leikinn hefst með forsölu á morgun, þriðjudag á milli 16:00 og 20:00 í Vallarhúsinu. Lesa meira

Grótta og Hvöt mættust á Seltjarnarnesi á laugardaginn. Mikið regn setti mark sitt á leikinn hvort sem það var úrhelli að himnum ofan eða markaregn á vellinum, en mörkin urðu alls níu talsins. Leikurinn fór vel að stað fyrir heimamenn og á 5. mínútu var Pétur Már Harðarson búinn að koma Gróttu yfir. Hann fékk góða sendingu inn á vítateig Hvatar frá Sölva Davíðssyni, snéri af sér einn varnarmann og setti boltann í netið framhjá Nezir Ohran í marki Hvatar. Lesa meira

það verða engir smá gestir í Afreksskólanum í næstu viku en á mánudaginn kemur Logi Ólafsson þjálfari KR og fyrrverandi landsliðsþjálfari. Með honum í för verður knattspyrnugoðsögnin Pétur Pétursson og ef krakkarnir vita ekki hver hann er þá verða menn að grípa í Íslensk Knattspyrna og fletta uppá kappanum. Á þriðjudag kemur svo landsliðsþjálfari kvenna Sigurður Ragnar Eyjólfsson en hann fer með A-landslið kvenna á EM í sumar í Finnlandi. Lesa meira

Það verður sannkallaður stórleikur í 2.deild karla á morgun laugardag en þá tekur Grótta á móti Hvöt. Hvöt er sem stendur í 2.sæti deildarinnar en Grótta í því þriðja. Liðin mættust fyrr í vor í undanúrslitum Lengjubikarsins en þá hafði Grótta betur. Hvöt, sem og önnur lið í 2.deildinni, hafa síðan þá bætt við sig leikmönnum en með liðinu leika þrír erlendir leikmenn. Þetta verður sannkallaður stórleikur og hvetjum við alla Gróttara nær og fjær að mæta á völlinn og styðja við bakið á strákunum. Lesa meira

Nú í kvöld spila strákarnir í 5.flokki fótbolta til miðnættis en fótboltamaraþonið er liður í fjáröflun fyrir N1 mótið á Akureyri sem fram fer dagana 1.-4.júlí. Strákarnir spila í 6 klukkutíma samfleytt en þeir hófu leik núna rétt um kl. 18. Við smellum upp myndum hér síðar í kvöld en áhugasamir geta að sjálfsögðu lagt leið sína útá Gróttuvöll til að fylgjast með knattspyrnuköppum framtíðarinnar. Lesa meira

Helgina 29. - 31.maí sl. var kallaður saman 30 manna hópur hjá U15 ára liði HSÍ. Grótta átti 8 fulltrúa í hópnum sem að lék æfingamót innbyrðis á laugardeginum og sunnudeginum. Gróttustrákarnir stóðu sig vel yfir helgina. Mótið fór fram á Nesinu og er hægt að sjá myndir á myndasíðu Eyjólfs Garðarssonar: http://www.quake.is/myndir/gallery/album160 Lesa meira

Grótta og Reynir mættust á Suðurstrandarvelli á Seltjarnarnesi í gærkvöldi. Aðstæður til knattspyrnuiðkunar voru til fyrirmyndar, léttur úði og tiltölulega stillt. Enda var ágætur fjöldi mættur til að fylgjast með leiknum. Reynismenn byrjuðu betur og sköpuðu sér tvo ágæti færi á fyrstu 10 mínútunum. En Grótta vann sig hægt og hægt inn í leikinn og tók að lokum völdin á vellinum. Fyrsta mark leikisins skoraði Pétur Már Harðarson fyrir heimamenn eftir góða hornspyrnu Sigurvins Ólafssonar. Lesa meira

Í kvöld fer fram stórleikur Gróttu og Reynis í Sandgerði. Leikurinn hefst kl. 20:00. Við fengum Guðmund Braga Árnason til að svara nokkrum laufléttum spurningum í tilefni leiksins. Leikurinn leggjst gríðarlega vel í hann. Þó svo að meiðsli séu að hrjá liðið þá er breiddin til staðar og maður kemur í manns stað. Lesa meira

Grótta mætir KR í 32-liða úrslitum VISA-bikarkeppni karla en dregið var í hádeginu í dag. Þetta er í fyrsta sinn sem þessi grannlið mætast í leik á vegum KSÍ. Líklegt er að leikurinn fari fram fimmtudaginn 18.júní kl. 19:15. Fjölmargir leikmenn hafa leikið með báðum þessara liða og ber þar kannski hæst Kristján Finnbogason markvörð. Aðrir eru Árni Ingi Pjetursson, Ásgrímur Sigurðsson, þjálfarann Ásmundur Haraldsson, Edilon Hreinsson, Pétur Már Harðarson, Sigurvin Ólafsson og Sölvi Davíðsson. Nánar um leikinn þegar nær dregur. Lesa meira

Heimasíðan fékk Ásgrím Sigurðsson, fyrirliða meistaraflokks karla til að svara nokkrum laufléttum spurningum fyrir okkur. Á morgun, föstudag er stórleikur í 2.deildinni þegar Reynismenn úr Sandgerði koma í heimsókn. Fyrir leikinn trónir Reynir á toppnum. Leikurinn hefst kl. 20:00. Lesa meira

Þann 22. maí hélt 6.flokkur karla í knattspyrnu fótboltamaraþon til að safna fyrir mótsgaldinu á Shell-mótið í Eyjum í sumar. Drengirnir spiluðu knattspyrnu í 6 klst og stoppuðu varla nema í 10 mínútur til að snæða. Einnig var lið foreldra sem keppti með drengjunum. Áheitum var safnað og náði margir hverjir að safna þó nokkrum fjárhæðum. Þjálfurunum strákanna, Ása og Orra er þakkað fyrir gott skipulag. Maraþonið var sérlega vel heppnað og strákarnir orðnir spenntir að fara til Eyja á Shellmótið í sumar Lesa meira

Vetrarstarfi fimleikadeildarinnar lauk með innanfélagsmótum. Þau gengu mjög vel og það voru stoltir krakkar sem sýndu hvað þau höfðu lært í vetur, enda framfarirnar mjög miklar. Meðfylgjandi eru nokkrar myndir af yngstu hópunum sem hampa verðlaunapeningunum sínum glöð í bragði. Lesa meira

Leikur Gróttu og Hamars í VISA-bikarkeppninni fór fram á Gróttuvelli á Seltjarnarnesi nú í kvöld. Um 200 áhorfendur voru mættir á Gróttuvöll og fylgdust með í nokkrum kulda og hægum vindi. Leikurinn byrjaði fjörlega og stýrðu Gróttumenn leiknum frá fyrstu mínútu og spiluðu vörn Hamars oft sundur og saman. Ísinn brast svo á 16. mínútu þegar Sigurvin Ólafsson skoraði gullfallegt mark beint úr aukaspyrnu þar sem hann skrúfaði knöttinn snyrtilega í markhornið fjær yfir Björn Aðalsteinsson markvörð Hamars.
Lesa meira

Í tilefni af útskrift elstu barna á leikskólanum Sólbrekku færðu þau Íþróttafélaginu Gróttu bútasaumsteppi sem þau bjuggu til í vetur. Það eru myndir af ýmsum íþróttagreinum sem prýða teppið en þessir krakkar fengu kynningu á starfsemi Gróttu í vetur. Lesa meira

Smáþjóðleikarnir fara fram á Kýpur 1.-6.júní 2009. Íslenski hópurinn sem tekur þátt í leikunum samanstendur af 126 íþróttamönnum frá 10 sérsamböndum,auk þjálfara, dómara og fararstjóra. Þátttökurétt á leikunum eiga þjóðir með íbúatölu undir einni milljón. Nú eru það: Mónakó, Kýpur, Ísland, Liechtenstein, Luxembourg, Malta, Andorra og San Marínó. Smáþjóðaleikarnir voru fyrst haldnir árið 1985 í San Marínó, og fara fram á tveggja ára fresti í einu af löndunum átta. Lesa meira

Í kvöld leikur Grótta sinn fyrsta bikarleik á þessu sumri gegn Hamri frá Hveragerði á Gróttuvelli klukkan 20:00. Liðin áttust við um daginn þar sem Grótta fór með 4-1 sigur af hólmi í spennandi leik og má því búast við mikilli skemmtun annað kvöld. Lesa meira