Síðustu helgi fóru 17 stelpur úr 4.fl kvenna norður á Akureyri til þess að taka þátt í Goðamótinu. Grótta sendi 2 lið sem spiluðu í B og C - liða keppni.Á föstudeginum spilaði B - liðið tvo leiki á móti Þór og Magna. Eftir 4-1 tap á móti Þór þá spiluðu stelpurnar gríðarlega vel á móti Magna og unnu þann leik 2-0 með góðum mörkum frá Helgu Völu og Tinnu. Lesa meira

Kvennalið Gróttu hefur hafið nýtt ár af miklum krafti. Liðið hefur leikið tvo leiki í deildinni gegn Þrótti og ÍBV. Leikurinn gegn Þrótti vannst með 16 marka mun 30-14 og Grótta bar sigurorð af ÍBV á heimavelli fyrir tíu dögum síðan með þremur mörkum 34-31.Eyjastúlkur voru fyrir leikinn með næst fæst töpuð stig í deildinni á eftir Nesstúlkum og því var sigurinn mjög mikilvægur. Liðið lék einnig í átta liða úrslitum Eimskips-bikarsins gegn stórliði Fram. Lesa meira

Núna á laugardaginn, 30.janúar verður Þorrablót Gróttu haldið. Líkt og í fyrra verður blótið haldið í Félagsheimilinu. Örfáir miðar eru eftir. Maturinn er frá Veislunni, Nýdanskarmeðlimurinn Jón Ólafsson sér um veislustjórn, óvænt skemmtiatriði verður og mun Daddi diskó sjá til þess að gestir dansi fram á rauða nótt. Verð í matinn er 5500 kr en 1500 kr eingöngu á ballið. Miðar verða seldir á skrifstofu Gróttu (sími 561-1133). Fyrstur kemur - fyrstu fær! Lesa meira

Um seinustu helgi fór fram íslandsmót nr. 2 hjá 6.flokki karla yngri. Mótið fór fram í Laugardalshöllinni og tefldum við Gróttumenn fram tveimur liðum sem spiluðu bæði í 2.deildinni. 40 lið eru skráð til leiks í þessum aldurshópi. Grótta 1 hóf leik á föstudegi og mætti í fyrsta leik KR-ingum. Strákarnir voru vel innstilltir strax í upphafi móts því strákarnir spiluðu virkilega vel og uppskáru þriggja marka sigur, 8-5. Lesa meira

Um næstu helgi fer fram Þrepamót í 5.þrepi en um er að ræða FSÍ-mót. Þrepamótið fer fram á sunnudeginum frá kl. 09:00-18:40. Á laugardeginum er hins vegar Hello Kitty-mótið en þar er keppt í 5.þrepi og 6.þrepi. Mótið á laugardeginum hefst kl. 09:00 og stendur til kl. 18:35. Mikið líf og fjör verður þess vegna um helgina í Íþróttahúsinu. Lesa meira

Um helgina fer fram stórt fjölliðamót í 5.flokki karla yngri. Um er að ræða íslandsmót sem haldið er í Íþróttahúsinu Seltjarnarnesi. Mótið hefst á föstudegi og því lýkur á sunnudegi. 32 lið eru skráð í mótið en fjöldi leikja er 70 talsins. Gera má ráð fyrir að í kringum 1000 manns muni koma nálægt þessu móti með einhverju móti, iðkendur, foreldrar, dómarar og aðrir starfsmenn. Aðalstyrktaraðili mótsins er Reykjavíkur apótek sem staðsett er í Héðinshúsinu. Við hvetjum áhugasama til að koma og berja framtíðarlandsliðsmenn augum. Grótta teflir fram tveimur liðum í þessu móti og eru þau í 1.deild annars vegar og 3.deild hins vegar. Lesa meira

Meistaraflokkur karla mun taka þátt á Eiðsmóti Hauka um helgina. Um er að ræða sterkt fjögurra liða mót þar sem Grótta, Haukar, Fram og Akureyri taka þátt. Mótið er tileinkað minningu Eiðs Arnarsonar, fyrrverandi formanni handknattleiksdeildar Hauka. Leikið verður í Íþróttahúsinu við Strandgötu á laugardag og sunnudag. Ókeypis aðgangur er á leikina og hvetjum við alla handknattleiksunnendur til að fjölmenna í Strandgötuna og sjá hvernig liðin eru að koma undan hléinu sem er á Íslandsmótinu vegna EM í handknattleik. Lesa meira

Á laugardaginn er sannkallaður stórleikur á EM þegar Ísland og Danmörk mætast. Leikurinn hefst kl. 19:15 og hann verður sýndur í hátíðarsalnum. Unglingaráð Handknattleiksdeildar Gróttu býður upp á pizzur og gos á meðan leik stendur. Öllum er velkomið að mæta. Áfram Ísland ! Lesa meira

Helgina 8.-10. janúar spiluðu stelpurnar í 3.flokki og 4.flokki í Íslandsmótinu innanhúss en þar er spilað með Futsal reglunum. 3.flokkur spilaði sinn riðil í Vodafone höllinni en 4.flokkur spilaði sinn riðil hérna heima í íþróttahúsinu á Seltjarnarnesi. Lesa meira

Í tilefni af leik Gróttu og Fram í 8-liða úrslitum Eimskipsbikarsins á miðvikudaginn fengum við Kára Garðarsson þjálfara Gróttuliðsins til þess að svara nokkrum spurningum um veturinn og leikinn sem er í vændum. Þrátt fyrir ungan aldur er þetta þriðja tímabilið sem Kári stýrir meistaraflokki kvenna. Hann stýrði liðinu tímabilin 2005-2006 og 2006-2007 og lenti liðið í bæði skiptin í 6.sæti efstu deildar. Á þeim tíma var mikið uppbyggingarstarf í gangi hjá meistaraflokknum og leikmenn margir hverjir ungir að árum, líkt og í dag. Lesa meira

Laugardaginn 30.janúar nk. verður Þorrablót Gróttu haldið. Líkt og í fyrra verður blótið haldið í Félagsheimilinu en eingöngu 200 miðar verða í boði í matinn. Maturinn er frá Veislunni, Nýdanskarmeðlimurinn Jón Ólafsson sér um veislustjórn, óvænt skemmtiatriði verður og mun Daddi diskó sjá til þess að gestir dansi fram á rauða nótt. Verð í matinn er 5500 kr en 1500 kr eingöngu á ballið. Miðar verða seldir á skrifstofu Gróttu (sími 561-1133). Fyrstur kemur - fyrstur fær! Lesa meira

Miðvikudaginn 20. janúar kl. 19:30 munu Gróttustelpurnar taka á móti stöllum sínum úr Fram. Gróttustelpurnar hafa staðið sig gríðarlega vel í 2. deildinni í vetur og sitja nú í toppsæti deildarinnar. Framstelpurnar eru hins vegar í 2. sæti í N1-deildinni. Mikill hugur er í Gróttustelpunum og eins og oft hefur sannast getur öflugur stuðningur verið lykillinn að góðum sigri. Við hvetjum því alla til að mæta á völlinn og styðja Gróttu til sigurs. Pizzur verða seldar í hálfleik. Lesa meira

Á laugardaginn leikur Grótta sinn fyrsta heimaleik á árinu þegar Eyjastúlkur koma í heimsókn. Gróttuliðið mætti Þrótti á þriðjudaginn sl. og unnu sannfærandi sigur 30-14 eftir að hafa verið í basli með þær í fyrri hálfleik. Leikurinn á laugardaginn hefst kl. 14:00 en þess má geta að þetta er síðasti leikur liðsins fyrir stórleikinn gegn Fram í 8-liða úrslitum Eimskipsbikarsins sem fram fer í næstu viku. Fólk er hvatt til þess að mæta og styðja Gróttu til sigurs. Lesa meira

Dagana 26. - 31.desember sl. fór 4.flokkur karla og kvenna á mót í Svíþjóð sem ber heitið Lundaspelen og fer fram í háskólaborginni Lundi. 9 strákar og 17 stelpur fóru út auk fjögurra þjálfara. Þess fyrir utan fóru 6 foreldrar á eigin vegum, til þess eins að fylgjast með börnunum sínum. Lundaspelen er stærsta innanhúsmót í heimi með 8000 þátttakendur á öllum aldri. Leikið er í íþróttahúsum víðsvegar um Lund og nágrenni.

Lesa meira

Á hálfleik landsleiks Íslands og Portúgals varð loks ljóst hverjir það eru sem mætast munu í undanúrslitum Eimskipsbikarsins. Potturinn hafði auk okkar manna að geyma HK, Hauka og Val. Niðurstaðan er sú að Grótta mun mæta Valsmönnum að Hlíðarenda 13. eða 14. febrúar næstkomandi. Þarna verður um að ræða rimmu þeirra tveggja liða er háðu lokaeinvígið í bikarkeppninni á síðasta tímabili. Lesa meira

Tækniæfingar yngri flokka í fótbolta verða frá kl. 10-11 næstkomandi laugardag. Skotæfingar verða í fyrirrúmi og verða settar upp stöðvar á öll 6 mörkin inní sal. Sem fyrr þá sjá leikmenn meistaraflokks um æfingarnar og síðan eiga þátttakendur að koma með sinn eigin bolta eins og venjan hefur verið. Lesa meira

Fyrri hluti Tómstundastyrkja Seltjarnarnesbæjar fyrir árið 2010 verða greiddir út í febrúar. Skila á umsóknum um tómstundastyrki 2010 fyrir 31. janúar 2010 til bæjarskrifstofu. Þeir iðkendur sem stunda sína íþrótt hjá Gróttu þurfa ekki að fá undirskrift þjálfara. Grótta sendir bæjarskrifstofunni lista með þeim æfa hjá félaginu og hafa greitt iðkendagjöld. Nafnalistinn liggur þess vegna hjá bænum. Ef smellt er á lesa meira má sjá þau atriði sem athygli er vakin á.

Lesa meira

Á miðvikudagskvöld bauð ÍTS og Íþróttamiðstöð þjálfurum Gróttu upp á skyndihjálparnámskeið. Mjög góð mæting var hjá þjálfurum félagsins enda gera þeir sig grein fyrir mikilvægi málsins og mikilvægi þess að kunna réttu handtökin þegar illa fer. Það var Oddur Eiríksson sjúkraflutningamaður sem sá um kennsluna en hann hefur í mörg ár séð um skyndihjálp fyrir starfsmenn íþróttahússins og sundlaugarinnar. Um var að ræða sérhæft námskeið fyrir óhöpp og slys sem upp koma í helstu íþróttagreinum og almennu starfi með börnum og unglingum.
Lesa meira

Guðjón Valur Sigurðsson var á dögunum í 7.sæti í kjörinu um Íþróttamann ársins. Þetta var í 54. skiptið sem íþróttamaður ársins er valinn en það eru samtök íþróttafréttamanna sem standa að kjörinu. Eins og flestir vita var það Ólafur Stefánsson sem hlaut nafnbótina að þessu sinni, annað árið í röð með fullt hús stiga. Guðjón Valur leikur eins og kunnugt er með Rhein Neckar Löwen í þýsku úrvalsdeildinni en liðið situr í 5.sæti deildarinnar með 25 stig. Þetta er fimmta árið í röð sem Guðjón Valur er á topp 10 yfir Íþróttamenn ársins en árið 2006 var hann valinn Íþróttamaður ársins. Grótta óskar honum til hamingju með árangurinn í ár. Lesa meira

Íþróttafélagið Grótta hefur gefið út siðareglur fyrir alla þá sem umgangast félagið. Markmið félagsins með siðareglum er að veita félagsmönnum sínum almennar leiðbeiningar í leik og starfi. Þær eru hluti af þeim anda sem á að vera ríkjandi í félaginu og þurfa að njóta almenns stuðnings meðal félagsmanna. Siðareglurnar skulu vera hvetjandi og leiðbeinandi í senn og skal kynna öllum félagsmönnum. Reglurnar eru ekki eingöngu leiðbeinandi heldur geta þær haft refsiákvæði af ýmsum gerðum. Siðareglunum verður dreift inn í hvert hús á Seltjarnarnesi á næstu dögum. Það er hægt að skoða siðareglurnar með því að smella hér.

Lesa meira

Gróttuhúfurnar eru komnar í sölu. Þær er hægt að nálgast í Hagkaupum Eiðistorgi sem og á skrifstofu Gróttu. Húfurnar eru þær glæsilegustu og mjög hlýjar. Húfurnar kosta á sérstöku tilboðsverði á skrifstofu Gróttu á 2000 kr. Allir sannir Gróttumenn þurfa að eignast svona húfu ! Lesa meira

Helgina 2. og 3. janúar kom saman úrtakshópur fyrir U16 ára landslið HSÍ. Þetta er í annað skipti í vetur sem að hópurinn kemur saman og var æft tvisvar sinnum á laugardag og einu sinni á sunnudag. Grótta átti 8 glæsilega fulltrúa í hóp þessara sterkustu leikmanna landsins. Þeir stóðu sig allir gífurlega vel á þessum æfingum og sýndu styrk sinn og kunnáttu. Gróttudrengirnir eru fæddir 1994 og 1995 og leika með 4.flokki karla. Glæsilegur árangur hjá þessum flottu drengjum og óskum við þeim til hamingju með þessa viðurkenningu. Lesa meira

Íþróttafélagið Grótta fékk gæðaverðlaunin Fyrirmyndafélag ÍSÍ fyrst allra félaga fyrir allar sínar deildir 21.apríl 2005. Núna var svo komið að endunýja þurfti gæðaverðlaunin. Gerð var úttekt á félaginu og kom það ekki á óvart að Gróttu fékk endurnýjun á þessum gæðaverðlaunum frá Íþrótta- og Ólympíusambandi Íslands. Verðlaunin fengu hver deild félagsins auk aðalstjórnar á kjöri á Íþróttamanni Gróttu þriðjudaginn 29.desember sl. Það voru formenn hverrar deildar auk Guðrúnar Kaldal varaformanns Gróttu sem tóku á móti verðlaununum. Lesa meira

Kjörið á Íþróttamanni Gróttu fór fram þriðjudaginn 29.desember sl. Sá einstaklingur sem þótti hafa skarað fram úr á árinu 2009 er Embla Jóhannesdóttir, fimleikakona. Embla er fædd 28. júní 1995. Hún hefur æft fimleika hjá Gróttu frá barnæsku og hefur ávallt sett markið hátt. Embla hefur staðið sig ákaflega vel á mótum innanlands í ár, og átt sæti í landsliði Íslands í fimleikum, nokkuð sem er frábær árangur út af fyrir sig þar sem einungis fimm stúlkur eru valdar í landslið hverju sinni. Lesa meira

Þriðjudaginn 29.desember sl. fór fram kjör á Íþróttamanni Gróttu við hátíðlega athöfn í Hátíðarsal Gróttu. Ennfremur var í fyrsta sinn valinn Íþróttamaður æskunnar hjá Gróttu. Sá ungi og efnilegi einstaklingur sem hlaut þau verðalaun, var knattspyrnupilturinn Viggó Kristjánsson. Viggó lék sína fyrstu landsleiki á árinu, bæði í knattspyrnu og handknattleik og hefur mikla burði til að verða framúrskarandi íþróttamaður. Lesa meira

Grótta sendi sex lið handboltastúlkna í 7. flokki á Kiwanismót Hauka í Hafnarfirði í byrjun árs. Stúlkurnar spiluðu þrjá leiki hvert lið og leikgleðin var í fyrirrúmi. Þær voru leystar út með gjöfum frá hafnfirskum Kiwanismönnum. Stelpurnar í 7.flokki kvenna hafa æft vel í vetur undir handleiðslu Hildigunnar Hilmarsdóttur og hafa tekið miklum framförum. Lesa meira