Dagana 22-25 júlí fór Rey Cup fram í Laugardalnum en mótið er alþjóðlegt knattspyrnumót fyrir 13-16 ára krakka. Á annað þúsund leikmanna tóku þátt í ár en mótið var nú haldið i níunda sinn. Grótta átti sína fulltrúa á mótinu annað árið í röð en 4. flokkur kvenna sendi lið til leiks í keppni B-liða. Stelpurnar spiluðu sex leiki á mótinu, sigruðu tvo, gerðu eitt jafntefli og töpuðu þremur. Fjórir af þessum sex leikjum voru við A-lið annarra félaga. Orri Axelsson er þjálfari þessara efnilegu fótboltastúlkna og segir hann betur frá mótinu hér að neðan. Lesa meira

14. umferð Íslandsmótsins fór fram í gærkvöldi þegar Grótta lék við lið Handknattleiksfélag Kópavogs á útivelli. Fyrir leikinn voru okkar menn í 10. sæti með 12 stig á meðan HK var í því 7. með 15. Leikurinn reyndist hin besta skemmtun og endaði með 2-2 jafntefli þar sem Gróttuliðið var sterkari aðilinn í leiknum og spilaði á köflum glimrandi knattspyrnu. Fréttaritari Gróttusport var á leiknum og fylgdist vel með gangi mála. Lesa meira

Kosningu á besta leikmanni Gróttu í fyrri umferð Íslandsmótsins er lokið. Allir stuðningsmenn Gróttu gátu kosið í gegnum Facebook-vef félagsins og bárust fjölmörg atkvæði til kjörstjórnar. Hrafn Jónsson "okkar bjartasta von" bar nokkuð öruggan sigur úr býtum en Hrafn er 24 ára gamall og leikur sem hægri bakvörður. Lesa meira

Skráningin í handboltaskóla og afreksæfingar Gróttu hefur farið vel af stað. Fyrsta vikan hefst í næstu viku, 3.ágúst og stendur til föstudagsins 6.ágúst. Nánari upplýsingar ef smellt er á lesa meira. Dagana 3. - 20.ágúst fer fram Handboltaskóli Gróttu fyrir krakka fædda 2004-1998. Í handboltaskólanum verður börnum skipt niður eftir aldri til að koma til móts við þarfir hvers aldurs fyrir sig. Farið verður í grunnatriði fyrir yngsta aldurshópinn og flóknari æfingar fyrir eldri hópa. Byrjendur er sérstaklega velkomnir. Samhliða handboltaskólanum verða afreksæfingar fyrir iðkendur fædda 1995-1997. Á þeim æfingum verður farið í skot- og tækniæfingar en einnig ýmsir fræðslufyrirlestrar. Lesa meira

Helgina 16. til 18. júlí sendi Grótta lið frá 5. og 6. flokki kvenna á Símamótið í Kópavogi. Mótið er eitt stærsta fótboltamót landsins þar sem fjölmörg lið frá öllum landshornum taka þátt. Kjartan Ólafsson er þjálfari yngstu stelpuflokkanna hjá Gróttu og sagði hann helgina hafa heppnast frábærlega. Smellið á meira til að lesa skemmtilega umfjöllun um mótið. Lesa meira

Grótta tók á móti KA frá Akureyri í gær á Gróttuvelli í 13. umferð Íslandsmótsins. Fyrir leikinn var Gróttuliðið á botninum með 9 stig á meðan KA-menn voru í því 9. með 13 stig. Leikurinn reyndist hin besta skemmtun og litu fimm mörk dagsins ljós í blíðviðrinu í gær. Stórþjálfarinn Orri Axelsson tók stöðu Gunnars Þorbergs á bak við skrifblokkina og fylgdist með gangi mála í gær. Lesa meira

Þetta sumarið sendir Grótta til leiks lið í Íslandsmóti í sjö flokkum. Það sem af er sumri hafa liðin leikið á bilinu sex til níu leiki og mörg góð úrslit litið dagsins ljós. Rennum hér lauslega yfir leiki síðustu tveggja vikna hjá Gróttukrökkunum. Lesa meira

Á morgun, fimmtudag, spila 2. og 3. flokkur Gróttu æfingaleik við Bandarískt lið sem er skipað strákum fæddum 1992, 1993 og 1994. Liðið stoppar hér á Íslandi á leið sinni á Dana Cup í Danmörku og óskaði eftir að fá að spila æfingaleik við eitthvert íslensk félag. Grótta varð fyrir valinu og hefst leikurinn kl. 16:00 á Gróttuvelli. Lesa meira

Útrás Gróttustrákanna heldur áfram en Oddur Karl Heiðarsson, leikmaður 2. og 3. flokks Gróttu, er nú farinn í annað sinn til Noregs á reynslu til stórliðsins Lillestrøm. Oddur, sem er 16 ára gamall, leikur með liðinu á sérstöku boðsmóti innan Gothia Cup þar sem 24 sterk U-17 ára lið frá Evrópu etja kappi. Heimasíðan náði tali af kappanum áður en hann hélt út í síðustu viku og ræddi við hann um framhaldið. Lesa meira

Í síðustu viku hlaut Knattspyrnuskóli Gróttu gæðavottorð KSÍ og UEFA annað árið í röð. Orri Axelsson, yfirleiðbeinandi skólans, tók við viðurkenningu frá fulltrúum knattspyrnusambandsins en Grótta, HK og Víkingur eru einu félögin sem hlotið hafa þessa viðurkenningu tvö ár í röð. Lesa meira

Viggó Kristjánsson, leikmaður 2. og meistaraflokks Gróttu, var á dögunum valinn í U-18 ára landslið Íslands í fótbolta sem tekur þátt í æfingamóti í Svíþjóð í vikunni. Hópurinn heldur utan á morgun en leikið verður við lið Svíþjóðar, Noregs og Wales. Lesa meira

Mótherjar Gróttu í 12. umferð Íslandsmótsins voru Breiðhyltingarnir í ÍR. Í fyrri umferðinni sigruðu ÍR-ingar Gróttu með tveimur mörkum gegn einu, það var því ljóst að það yrði við ramman reip að draga. En strákarnir mættu í leikinn án alls ótta enda búnir að leika mjög vel í síðustu tveimur leikjum. Gunnar Þorbergur var á vellinum í gærkvöldi og fylgdist með gangi mála. Lesa meira

Seinni umferð 1. deildarinnar í fótbolta hefst í kvöld með pompi og prakt þegar okkar menn sækja ÍR-inga heim í Breiðholtið kl. 20:00 að staðartíma. Fyrri leikur liðanna í sumar endaði með 2-1 sigri ÍR í jöfnum leik þar sem sigurinn hefði getað endað hvorum megin sem var. Eins og kunnugt er hefur Gróttuliðið náð að rífa sig í gang síðustu leikjum og uppskorið dýrmæt stig í botnbaráttunni. Í kvöld ríður á að halda siglingunni áfram og safna fleiri stigum. Lesa meira

Eins og allir Gróttumenn ættu að vita lauk fyrri umferð 1. deildarinnar á þriðjudag þegar okkar menn unnu góðan 1-0 sigur á Njarðvík. Nú stendur yfir kosning á besta leikmanni fyrstu 11 umferðanna og geta allir stuðningsmenn Gróttu greitt atkvæði. Kjósa má alla þá leikmenn Gróttuliðsins sem hafa komið við sögu í sumar. Smella á lesa meira til að sjá hvernig þið getið greitt atkvæði. Lesa meira

Grótta og Njarðvík mættust á Gróttuvelli í gærkvöldi. Þetta voru liðin sem urðu samferða í fyrstu deildina í fyrra með því að sigra aðra deildina. Lífið í fyrstu deildinni hefur reynst örlítið erfiðara og bæði lið eru að berjast við botninn. Fyrir leikinn var Grótta með 5 stig í 12. sæti en Njarðvík með 11 stig í því 9. Sérlegur fréttaritari Gróttusport, Gunar Þorbergur Gíslason, var á vellinum og fylgdist með gangi mála. Lesa meira

Í kvöld kl. 20:00 fer fram stórleikur Gróttu og Njarðvíkur í 1. deildinni í fótbolta. Grótta og Njarðvík eru í neðri hluta deildarinnar og því gríðarlega mikilvægt fyrir bæði lið að næla í stig í kvöld. Okkar menn nældu í sitt fyrsta stig í langan tíma á föstudaginn með 2-2 jafntefli við Þróttara í háspennuleik. Njarðvíkingar komu hins vegar öllum að óvörum og sigruðu Fjölni 1-0 í Njarðvík. Það má því búast við hörkuleik á kvöld! Lesa meira

Undirbúningstímabilið hjá 4. flokki gekk upp og ofan. B-liðið stóð sig með prýði, C-liðið ágætlega á meðan A-liðið náði aldrei flugi. Það var ekki spurt um það þann 27. maí þegar Íslandsmótið hófst og Haukar komu í heimsókn. Það er skemmst frá því að segja að A-liðið vann 3-1 eftir góðan seinni hálfleik en B-liðið tóku gestina í bakaríið með 9-1 sigri. C-liðið byrjaði sumar einnig vel og sigraði Fjölni í sínum fyrsta leik. Þess ber að geta að Grótta leikur í A-riðli meðal þeirra bestu. Lesa meira

Skráning er hafin í handboltaskóla og afreksæfingar Gróttu. Dagana 3. - 20.ágúst fer fram Handboltaskóli Gróttu fyrir krakka fædda 2004-1998. Í handboltaskólanum verður börnum skipt niður eftir aldri til að koma til móts við þarfir hvers aldurs fyrir sig. Farið verður í grunnatriði fyrir yngsta aldurshópinn og flóknari æfingar fyrir eldri hópa. Byrjendur er sérstaklega velkomnir. Samhliða handboltaskólanum verða afreksæfingar fyrir iðkendur fædda 1995-1997. Á þeim æfingum verður farið í skot- og tækniæfingar en einnig ýmsir fræðslufyrirlestrar. Lesa meira

Aðalstjórn Gróttu hefur gert áframhaldandi samning við Einar Óla Þorvarðarson sem styrktarþjálfara félagsins. Mikil ánægja var með störf Einars Óla á síðastliðnu tímabili og þess vegna frábært að fá að njóta starfskrafta hans áfram. Starfið er eingöngu miðað út frá yngri flokkum félagsins, frá 15 ára aldri. Lesa meira

Í kvöld kl. 20:00 leikur Grótta gegn Þrótti R á Valbjarnarvelli í Laugardalnum. Leikurinn er mjög þýðingarmikill fyrir bæði lið en eins og er vermir Gróttuliðið botninn með 4 stig en Þróttur er í 9. -10.sæti deildarinnar með 10 stig. Við hvetjum fólk að mæta á Valbjarnarvöll í kvöld. Lesa meira

Eftir erfitt undirbúningstímabil þar sem oft gekk illa að ná í hóp á æfingar hefur 3. flokkur kvenna hafið sumarið af miklum krafti. Stelpurnar taka þátt í 7-manna bolta Íslandsmótsins og leika í A-riðli ásamt átta öðrum liðum. Skemmst er frá því að segja að stelpurnar hafa unnið alla sína fjóra leiki það sem af er sumri, nú síðast gegn Haukum á þriðjudagskvöld. Lesa meira

Grótta tók á móti ÍA í 9. umferð 1. deildar karla á Seltjarnarnesi á fimmtudaginn. Bæði lið voru við botninn og þurftu nauðsynlega á stigum að halda. Grótta með 4 stig í 12. sæti og ÍA í því 10. með 9 stig. Leikurinn fór fram í grenjandi rigningu en annars voru aðstæður góðar. Leikurinn var rétt orðinn 5 mínúta gamall þegar fyrsta markið leit dagsins ljós. Lesa meira

Knattspyrnudeild Gróttu og Veislan veitingaeldhús skrifuðu undir samstarfssamning fyrir leik Gróttu og ÍA síðastliðinn fimmtudag. Veislan hefur til margra ára verið dyggur stuðningsaðili félagsins og samningurinn endurspeglar velvilja forráðamanna fyrirtækjarins gagnvart félaginu. Við undirritun samningsins fékk Bjarni Óli Haraldsson, annar eigenda Veislunnar búning að gjöf frá knattspyrnudeildinni, en Bjarni Óli er gamall Skagamaður en orðinn gallharður Gróttari í dag. Lesa meira

Unglingalandsmót UMFÍ verður haldið í Borgarnesi um verslunarmannahelgina. Ungmennasamband Borgarfjarðar er mótshaldari í þetta sinn. Unglingalandsmótin eru vímuefnalaus íþrótta- og fjölskylduhátíð sem slegið hafa í gegn á undanförnum árum og hafa fjölskyldur fjölmennt á mótið og fjöldi mótsgesta farið yfir tíu þúsund. Lesa meira

Undirritaður hefur verið samningur við Geir Sveinsson um að hann haldi áfram með meistaraflokk karla hjá félaginu. Það er félaginu mikill styrkur að Geir haldi áfram með liðið, enda margreyndur þjálfari og leikmaður. Hinn nýráðni þjálfari hefur þegar hafið störf en liðið hefur æft allan júní. Verður hlé gert á æfingum mest allan júlí en byrjað á ný í ágúst.

Lesa meira

Síðustu fjóra daga hafa strákarnir í 5. flokki tekið þátt í N1-mótinu á Akureyri - stærsta knattspyrnumóti landsins. Eins og við greindum frá í síðustu frétt var gengi liðanna upp og ofan á mótinu. Föstudagurinn var mjög góður og á laugardaginn héldu strákarnir áfram að taka framförum í sínum leik og bar þar hæst frammistaða B-liðsins sem sigraði báða sína leiki og sýndi oft á tíðum glæsilega takta. Lesa meira

N1-mótið á Akureyri hófst á miðvikudaginn þar sem um 1500 5. flokks strákar frá 35 félögum eru samankomnir til að spila fótbolta í fjóra daga. Grótta sendir að þessu sinni fjögur lið til keppni eða A-, B-, C-, og D-lið en einnig er leikið í flokki E- og F-liða á mótinu. Mótið byrjaði brösulega hjá Gróttustrákunum á miðvikudag en í dag og gær hefur annað verið upp á teningnum og strákarnir oft á tíðum sýnt glæsilega takta. C-liðið er ósigrað eftir riðlakeppnina og var grátlega nálægt því að tryggja sér sæti í 8-liða úrslitunum.  Lesa meira