Núna hefur verið stofnað stuðningsmannafélag Gróttu sem ber heitið Gróttuvitinn. Tilgangur með stofnuninni er að renna styrkari stoðum undir meistaraflokka félagsins í handknattleik og knattspyrnu. Þeir sem skrá sig sem Gróttuvitar fá Gróttuvitakort sem gildir sem árskort á alla deildarleiki í meistaraflokki karla og kvenna í handbolta og fótbolta. Auk þess fá Grótuvitar önnur fríðindi. Lesa meira

Ómar Örn Jónsson hefur verið ráðinn þjálfari meistaraflokks og 3. flokks kvenna hjá Gróttu. Meistaraflokki mun hann stýra með Kára Garðarssyni og 3. flokki með Sóleyju Halldórsdóttur, en þau hafa þjálfað flokkana sl. vetur með góðum árangri. Lesa meira

Á föstudaginn spilaði meistaraflokkur kvenna úrslitaleik um Íslandsmeistaratitilinn í 2. deild kvenna. Eins og sannir Gróttumenn/konur vita unnu stelpurnar deildarkeppnina sannfærandi og nú var komið að þeim stóra. Gestirnir á Nesinu voru Víkings-konur. Leikurinn var jafn til að byrja með en með frábærum varnarleik og vel útfærðum sóknum komust okkur stelpur sér í góða stöðu 13-10. Lesa meira

Kvennalið Gróttu komst í gærkvöldi í úrslitaleik 2.deildar kvenna þegar liðið vann FH-stúlkur hérna á Nesinu 27-23. Grótta hafði yfirhöndina í leiknum allan leikinn en um miðjan síðari hálfleik komust Hafnfirðingar fullnálægt okkar stúlkum. Með góðri vörn á þeim kafla sigldu okkar stúlkur aftur framúr og innbyrtu fjögurra marka sigur eins og fyrr sagði 27-23. Lesa meira

Í tilefni undanúrslita í 2.deild kvenna fengum við Hildi Marín leikmann liðsins til að svara nokkrum laufléttum spurningum um leikinn og annað tengt boltanum. Leikurinn hefst kl. 17:30 í kvöld, þannig að Gróttumenn nær og fjær geta náð báðum Gróttuleikjunum í dag. Fyrst Grótta - FH í undanúrslitum 2.deildarinnar og síðan Valur - Grótta í Vodafone-höllinni kl. 19:30. Smellið á lesa meira til að sjá svör hennar Hildar. Lesa meira

Á fimmtudaginn eru undanúrslit í 2.deild kvenna. Þar leika Gróttastelpurnar gegn FH-ingum hérna á Nesinu. Leikurinn hefst kl. 17:30. Stelpurnar eru deildarmeistarar í 2.deildinni og með sigri í þessum leik komast þær alla leið í úrslitin. Við hvetjum fólk til þess að mæta á leikinn og styðja þær til sigurs. Lesa meira

Nú á miðvikudaginn átti að fara fram leikur Gróttu og Þróttar í 2.deild kvenna. Eftir þann leik átti lið Gróttu að fá afhentan deildarmeistaratitilinn í 2.deildinni. Því miður varð lítið úr leiknum þar sem Þróttarastúlkur gáfu leikinn vegna forfalla en Gróttustúlkur fengu engu að síður bikarinn góða við sérstakar kringumstæður. Fjölmiðla- og markaðsfulltrúi HSÍ afhenti Gróttu bikarinn í Hátíðarsalnum við mikla ánægju. Lesa meira

Stefán Smári Skúlason hefur tekið við sem formaður heimaleikjaráðs og þar með jafnframt sem stjórnarmaður í handknattleiksdeild Gróttu. Stefán er Gróttufólki að góðu kunnugur, enda hefur hann og konan hans Dísa, í fjöldamörg ár lagt hönd á plóg í starfi félagsins. Björg Fenger er nýr formaður unglingaráðs og jafnframt sem stjórnarmaður í handknattleiksdeild. Björg sat í stjórn deildarinnar á síðasta starfsári og var þar á undan í meistaraflokksráði kvenna.
Lesa meira

Grótta leikur seinasta leikinn sinn í 2.deildinni á morgun, miðvikudag kl. 19:20. Grótta hefur nú þegar tryggt sér deildarmeistaratitilinn í deildinni en bikarinn verður einmitt afhentur eftir leik á morgun. Við hvetjum fólk að mæta á leikinn og styðja stelpurnar í baráttunni. Eftir deildarkeppnina tekur úrslitakeppnin við um íslandsmeistaratitilinn. Áfram Grótta. Lesa meira

Handknattleiksþjálfarinn Alfreð Örn Finnsson sem undanfarin ár hefur þjálfað flesta flokka í Gróttu og nú síðast meistaraflokk kvenna, hefur samið við Volda í Noregi. Volda leikur í 2.deild og ætlar sér stóra hluti á næstu árum og er ráðning Alfreðs stór hluti af því. Alfreð mun flytja út með fjölskyldu sinni í júlí og það er einnig hugsanlegt að kona hans Eva Björk Hlöðversdóttir muni spila með liðinu. Lesa meira

Stúlkurnar í meistaraflokki kvenna léku gegn ÍR sl. laugardag. Fyrir leikinn var ljóst að jafntefli myndi duga stúlkunum til að tryggja sér sigur í deildinni og þar með deildarmeistaratitil. Það voru því einbeittir leikmenn sem mættu til leiks staðráðnir í að ná markmiði sínu og tryggja fyrsta titil meistaraflokks kvenna hjá Gróttu. Fyrri hálfleikur fór vel af stað og leiddu Gróttustúlkur allan tímann. Varnarleikurinn var þó eilítið hikstandi en batnaði til muna þegar liðið fór í 6-0 vörn með þær Agnesi Guðmundsdóttur og Katrínu Tómasdóttur fyrir miðri vörninni. Lesa meira

Meistaraflokkur kvenna hefur leikið tvo leiki í 2. deild kvenna frá því að síðasti pistill var skrifaður. Sunnudaginn 7. febrúar lék liðið gegn botnliði deildarinnar Haukum á Ásvöllum. Fyrir leikinn bjuggust ef til vill flestir við auðveldum leik en í liði Hauka voru reynsluboltar á borð við Hörpu Melsteð, Ingu Fríðu Tryggvadóttur og markvörðinn knáa Vigdísi Sigurðardóttur. Lesa meira

Undirritaður hefur verið samstarfssamningur milli Skeljungs og Handknattleiksdeildar Gróttu. Samstarfið felur það í sér að Gróttarar geta sóst eftir því að fá eldsneytiskort eða lykil frá Skeljungi í gegnum Gróttu.  Sé það gert mun Handknattleiksdeild félagsins njóta ávinnings í formi 1 kr. af hverjum dældum lítra sem og fastri upphæð þegar tiltekinni notkun hefur verið náð á kortið. Lesa meira

Uppskera haustsins var með mestu ágætum hjá báðum meistaraflokkum Gróttu í handknattleik. Karlalið félagsins hóf loks keppni í efstu deild eftir 13 ára bið. Töluverðar breytingar urðu fyrir tímabilið á skipan liðsins, sem og að Halldór Ingólfsson tók við þjálfun þess af Ágústi Jóhannssyni. Liðið var því í augum margra óskrifað blað og endurspeglaðist það í árlegri spá aðstandenda liða í N1 deildinni þar sem liðinu var spáð falli.  Fljótlega varð hins vegar ljóst að liðið gæfi lítið fyrir slíkar hrakspár. Lesa meira