Á laugardaginn munu Haukastúlkur koma í heimsókn á Nesið og mæta heimasætum. Leikurinn hefst kl. 14:00. Sem stendur er Gróttuliðið í 7.sæti deildarinnar og Haukarnir í 6.sæti deildarinnar. Það er því klárlega um mikilvægan leik að ræða fyrir Gróttu en liðið stefnir að því að lenda í 6 efstu sætum deildarinnar en þau gefa þátttökurétt í úrslitakeppninni í vor. Hvetjum alla til að mæta og fylgjast með stelpunum okkar ! Lesa meira

Á laugardaginn hefjst seinni umferðin í N1-deild kvenna þegar Grótta mætir ÍBV hérna á Nesinu. Fyrri leikur liðanna í Vestmannaeyjum endaði með eins marks sigri ÍBV í spennandi leik. Eyjastúlkur hafa á að skipa góðu liði sem hefur náð góðum árangri hingað til í deildinni. Leikurinn hefst kl. 13:00 og hvetjum við alla til þess að mæta á leikinn og styðja liðið. Þar sem fyrri umferðinni er lokið er gráupplagt að rýna í smá tölfræði. Lesa meira

Í kvöld leikur Grótta í átta liða úrslitum Eimskipsbikars kvenna en þá mætir liðið FH-stúlkum í Kaplakrika. Með sigri tryggir Gróttuliðið sér sæti í undanúrslitum bikarsins. Liðin hafa mæst einu sinni í vetur í deildinni og þá endaði leikurinn með jafntefli eftir gríðarlega góðan síðari hálfleik okkar stúlkna. Mætum öll í Hafnarfjörðinn í kvöld og styðjum stúlkurnar okkar í baráttunni. Leikurinn hefst kl. 19:30.
Lesa meira

Stelpurnar í meistaraflokki kvenna unnu á laugardag sinn fyrsta sigur í vetur er þær sóttu lið KA/Þór heim. Leikurinn var jafn og spennandi frá upphafi til enda og kom sigurmark Gróttu rúmri mínútu fyrir leikslok. Norðanstúlkur leiddu oftast með 1-2 mörkum og var staðan í hálfleik 13-12 fyrir KA/Þór.

Lesa meira

Valið hefur verið U18 ára landslið kvenna og á Grótta sex leikmenn í hópnum. Það eru þær Ásgerður Dúa Jóhannesdóttir, Auður Ásta Baldursdóttir, Eva Björk Davíðsdóttir, Lovísa Rós Jóhannsdóttir, Sigrún Birna Arnardóttir og Sóley Arnarsdóttir. Þessar stelpur hafa staðið sig gríðarlega vel í vetur ásamt sínum félögum í 3.flokki kvenna og hafa nú í annað skipti í vetur verið valdar til æfinga með landsliðinu.

Lesa meira

Núna eru meistaraflokkar karla og kvenna í handknattleik í eldlínunni í öllum mótum. Undanfarin ár hefur verið mikill stígandi í öllu starfi innan handknattleiksdeildar. Mikill efniviður er innan félagsins og metnaður til þess að nýta það tækifæri til þess að festa báða flokka á meðal þeirra bestu á komandi árum.
Lesa meira

Í kvöld mætir kvennalið Gróttu bikarmeisturum Fram á heimavelli kl. 19:30. Eftir grátlegt jafntefli gegn FH í seinasta leik er Grótta staðráðið að veita Frömurum verðuga keppni í leiknum. Fram er fyrirfram talið annað af tveimur sterkustu liðum N1-deildarinnar og hefur á að skipa gríðarsterku byrjunarliði. Grótta mun þurfa að eiga toppleik til að standast Frömurum snúning en allt er hægt í handbolta.

Lesa meira

Dregið var í 8-liða úrslit Eimskipsbikarsins í hádeginu í dag. Grótta var bæði með karlaliðið og kvennaliðið í pottinum. Meistaraflokkur karla fékk sjálfa íslandsmeistarana í FH í næstu umferð en leikið verður á Nesinu 4. eða 5.desember nk. Meistaraflokkur kvenna fékk einnig FH í næstu umferð en liðin léku við hvort annað um seinustu helgi og gerðu jafntefli. Leikurinn fer fram 24. eða 25.janúar nk. Lesa meira

Núna hefst N1-deildin aftur hjá stúlkunum okkar en HK mætir okkar stelpum á miðvikudaginn. Leikurinn hefst kl. 19:30 og hvetjum við fólk til þess að mæta á svæðið. HK hefur staðið sig vel í deildinni hingað til og unnu til að mynda Fram nokkuð sannfærandi fyrr í vetur. Grótta átti ekki góðan leik gegn Val í seinasta leik og er liðið án efa staðráðið að gera mun betur í þessum leik. Lesa meira

Í hádeginu var dregið í 16-liða úrslit Eimskipsbikarsins, bæði í karla- og kvennaflokki. Grótta getur verið ánægt með dráttinn þó að best hefði verið að fá heimaleiki. Kvennaliðið fékk ÍR og leikur gegn þeim 15. eða 16.nóvember nk. í Austurbergi. Karlaliðið fékk hins vegar Aftureldingu og leikur gegn þeim 13. eða 14.nóvemeber nk. að Varmá í Mosfellsbæ. Lesa meira

Grótta mætti Íslandsmeisturum Val í gærkvöldi í N1-deildinni hérna á Nesinu. Eftir kröftugar upphafsmínútur hjá okkar stúlkum þar sem staðan var meðal annars 3-3 og 6-6 skildu leiðir. Valur var með níu marka forskot í hálfleik, 21:12. Valur vann að lokum með 15 marka mun, 41:25. Þetta var þriðji sigur Vals í deildinni í vetur en jafnfram þriðja tap Gróttuliðsins.

Lesa meira

Á miðvikudaginn er fyrsti heimaleikur stelpnanna í vetur þegar Valskonur mæta í heimsókn. Valur hefur á að skipa gríðarlega sterku liði og eru núna fimm landsliðskonur innan þeirra raða. Verkefnið verður þess vegna verðugt og gaman fyrir Gróttu að bera sig saman við langbesta lið landsins. Valur mun ekki fá neitt gefins hérna á Nesinu og mæta okkar stelpur í leikinn til sigurs. Leikurinn hefst kl. 19:30. Lesa meira

Bæði meistaraflokkur karla og kvenna öttu kappi við Haukana í lok seinustu viku. Því miður töpuðust báðir leikirnir, strákar 24-34 á heimavelli á fimmutdaginn og stelpurnar 27-21 að Ásvöllum. Stutt er í næstu leiki liðanna en stelpurnar mæta sjálfum íslandsmeisturunum í Val á miðvikudaginn kl. 19:30 og strákarnir eiga gríðarlega mikilvægan leik gegn Aftureldingu á sunnudaginn kl. 15:45. Lesa meira

Á laugardaginn leikur meistaraflokkur kvenna sinn annan leik á tímabilinu þegar þær sækja Haukakonur heim. Grótta lék í fyrstu umferð gegn ÍBV og máttu sætta sig við grátlegt tap, 25-24 eftir jafnan og skemmtilegan leik. Leikurinn hefst kl. 16:00 að Ásvöllum og hvetjum við fólk til þess að mæta í Fjörðinn og hvetja okkar stúlkur áfram ! Lesa meira

Á laugardag fóru stelpurnar í mfl. kvenna til Eyja að spila fyrsta leik vetrarins. Leikurinn var settur á kl. 12.00 en var færður til kl. 17.00 vegna þess að ófært var með Flóabátnum Baldri um morgunin. Um hádegið var orðið fært og liðið fór í frekar erfiða siglingu til Eyja þar sem smá sjóveiki gerði vart við sig. Eyjastúlkur byrjuðu leikinn af krafti og voru með 3 marka forystu mestallan fyrri hálfleikinn en undir lok hálfleiksins kom góður kafli hjá Gróttu og var staðan 15-15 í hálfleik.

Lesa meira

Á laugardaginn hefst N1-deildin hjá okkar stúlkum en í 1.umferð mæta þær til Eyja og eiga leik gegn ÍBV. Liðið hefur æft vel undanfarnar vikur og mánuði og verið mikill stígandi í liðinu. Nýverið barst liðinu mikill liðsstyrkur en nokkrir leikmenn komu frá Fylki þegar liðið ákvað að draga þátttöku sína til baka í N1-deildinni. Þrátt fyrir þennan liðsstyrk er Gróttuliðið gríðarlega ungt en liðið fékk talsverða reynslu í efstu deild í fyrra auk þess sem liðsstyrkurinn kemur með reynslu inn í liðið. Leikurinn hefst kl. 12:00 á laugardaginn. Lesa meira

Grótta hefur gert þriggja ára samninga við Heiðu Ingólfsdóttur og Elínu Helgu Jónsdóttur. Heiða Ingólfsdóttir er tvítug en Elín Helga 21 árs gömul. Báðar koma þær úr Fylki en Elín Helga er uppalin í Árbænum og Heiða úr Vestmannaeyjum. Elín Helga getur leyst allar stöður fyrir utan en Heiða er markmaður. Báðar hafa þær leiki marga unglingalandsliðsleiki í gegnum tíðina.

Lesa meira

Grótta hefur gert þriggja ára samning við Sunnu Maríu Einarsdóttir. Sunna María er 22 ára gömul skytta eða leikstjórandi og lék áður með Fylki. Hún var meðal annars markahæsti leikmaður liðsins á seinustu leiktíð með 107 mörk. Enn fremur hefur Sunna María leikið 15 leiki með A-landsliði kvenna og skorað í þeim 10 mörk.

Lesa meira

Um helgina fór Errea-mótið fram hérna á Nesinu. Um var að ræða æfingamót í meistaraflokki kvenna en auk Gróttu tók HK, ÍBV og KA/Þór þátt í mótinu. Það er skemmst frá því að segja að HK-stúlkur unnu alla sína leiki og þar með mótið með fullt hús stiga. Mótið heppnaðist það vel að það var mál manna að framvegis yrði mótið gert að árlegum viðburði. Lesa meira