Jóhannes Árnason körfuboltaþjálfari í heimsókn

Handbolti - 3.fl. kvenna

7.9.2009

Á laugardaginn síðastliðinn fékk 3.flokkur kvenna góðan gest á æfingu, Jóhannes Árnason körfuboltaþjálfara úr KR. Hann náði frábærum árangri með kvennalið KR í körfubolta á síðastliðnum þremur árum, en þess má geta að meistaraflokkur kvenna í körfunni hjá KR var fyrir þremur árum í svipaðri stöðu og meistaraflokkur í Gróttu er í dag.

Jói fór með stelpunum í grunnatriðin í varnaskrefum í körfubolta, tók góðan styrktarpakka með þeim og lét svo ljós sitt skína í handboltamarkinu. Eftir æfinguna hélt hann fyrirlestur um mikilvægi þess að stelpurnar líti á sig sem íþróttamenn og æfi og lifi samkvæmt því. Voru stelpurnar og þjálfararnir alsæl með þessa frábæru heimsókn og þökkum Jóa kærlega fyrir! Framhald verður á þessu góða samstarfi og hlökkum við mikið til að fá hann aftur í heimsókn!

Til baka, Senda grein, Prenta greinina