Glæsilegur sigur á fyrsta móti vetrarins

Handbolti - 5.fl. karla

21.10.2009

Um helgina fór fram fyrsta mótið í 5.flokki karla eldri. Um var að ræða uppröðunarmót fyrir veturinn en engu að síður var leikið í deildum. Grótta tefldi fram þremur liðum í þessu móti sem var haldið hérna á Nesinu. Grótta 1 lék í 1.deild, Grótta 2 í 2.deild og Grótta 3 í 3.deild. Þegar úrslitin voru ljóst stóð Grótta 1 uppi sem sigurvegari í 1.deild, Grótta 2 lenti í 4.sæti í 2.deild og Grótta 3 í 4.sæti einnig í 3.deild.

Gróttuliðin hófu leik á föstudeginum með leikjum hjá Grótta 1 og Grótta 3. Á laugardeginum léku Grótta 1, Grótta 2 og Grótta 3. Á sunnudeginum lauk mótinu með tveimur leikjum hjá Grótta 2. Úrslitin urðu eftirfarandi:

Grótta 3:

Grótta 3 - Fram GH: 11 - 13
Grótta 3 - KR 3: 20 - 4
Grótta 3 - Fjölnir 1: 15 - 17
Grótta 3 - Haukar 3: 9 - 16

Grótta 2:

Grótta 2 - ÍBV 1: 9 - 14
Grótta 2 - HK 2: 14 -13
Grótta 2 - ÍR 1: 4 - 17
Grótta 2 - Haukar 1: 9 - 11

Grótta 1:

Grótta 1 - HK 1: 12 - 7
Grótta 1 - FH 1: 12 - 11
Grótta 1 - KR 1:  16 - 9
Grótta 1 - Selfoss 1: 13 - 10

Í heildina litið var árangur helgarinnar mjög góður. Grótta 1 vann 1.deildina með glæsibrag, Grótta 2 léku vel í flestum leikjanna að frátöldum ÍR-leiknum sem var dapur í alla staði. Grótta 3 lék vel gegn Fram GH, KR 3 og Fjölni 1 og hefðu með réttu átt að vnna Fram GH og Fjölni 1. Í lokin kom þó lélegur leikur gegn Haukum 3. Með þessum úrslitum er Grótta 2 enn þá í 2.deild og Grótta 3 enn þá í 3.deild.

Allir leikmenn eiga sem betur fer mikið pláss fyrir framfarir. Næsta mót er í Eyjum helgina 27.- 29.nóvember nk. Fram að því móti ætla strákarnir að æfa vel og bæta sig jafnt sem einstaklingar og sem lið.

Til baka, Senda grein, Prenta greinina