3.fl. kvenna - Grótta2 beið lægri hlut

Í dag tóku stelpurnar í Gróttu2 á móti Fjöni/Aftureldingu á nesinu. Leikurinn var jafn í fyrri hálfleik, þar sem stelpurnar okkar spiluðu góða vörn og leystu sóknina með ágætum. Í seinni hálfleik breyttu gestirnir um vörn og spiluðu framarlega á móti vinstri bakverðinum okkar. Þetta olli okkur miklum erfiðleikum í sókninni sem varð til þess að gestirnir náðu nokkrum ódýrum hraðaupphlaupum. Leikurinn endaði 22-27 fyrir Fjölni/Aftureldingu.

                            

Vikan verður notuð til að finna lausnir við erfiðleikunum sem við lentum í í dag. Stelpurnar er strax farið að hlakka til að bæta fyrir leikinn í dag! Stutt er í næsta leik sem verður gegn ÍR2 í Austurberginu á fimmtudaginn kl. 17.25.