Grótta - Valur á fimmtudaginn

Handbolti - Mfl. karla

2.2.2010

Á fimmtudaginn fer fram stórleikur Gróttu og Vals í N1-deildinni í handbolta. Eftir langa pásu vegna EM byrjar boltinn á fullu! Gróttuliðið hefur æft vel í pásunni og kemur vonandi tvíeflt til leiks. Leikurinn hefst kl. 19:30 en hin margrómaða grillveisla hefst stundvíslega kl. 18:30. Það er eitthvað sem enginn ætti að láta fram hjá sér fara. Valsliðið er með 11 stig í deildinni, í 2.- 5.sæti en Gróttuliðið er með 8 stig í 6.sæti. Eingöngu 3 stig eru í 2.sæti deildarinnar, þannig að með sigri í leiknum komumst við nær toppnum. Allir að mæta og styðja Gróttuliðið til sigurs.

Áfram Grótta !

Til baka, Senda grein, Prenta greinina