Handknattleiksdeild
Er Hlíðarendi annar heimavöllur Gróttu?
Handbolti - Mfl. karla
Ofangreind spurning væri hin eðlilegasta fyrri þann sem ekki veit betur, amk. ef marka mátti stemninguna í Vodafonehöllinni í sunnudagskvöld. Enn og aftur gerðu stuðningsmenn Gróttu útvöll að sínum heimavelli með frábærum stuðningi og hvatningu. Seltirningar hafa farið á kostum á pöllunum í vetur en aldrei sem í þessum síðasta leik.
Óhætt er að segja að eftir stuðningnum sé tekið og geta forsvarsmenn annarra liða í N1 deildinni enn sem komið er aðeins látið sig dreyma um að eiga slíka snillinga að.
Grótta vann klárlega stórsigur á pöllunum í gær og sorglega lítið vantaði upp á að framistaðan hjálpaði liðinu til þess að innbyrða sigur. Niðurstaðan varð því miður tap með minnsta mögulega mun.
Nú er hins vegar skammt stórra högga á milli því FH-ingar mæta í heimsókn nú á fimmtudaginn og þá er komið að því að landa fyrsta sigri ársins á Nesinu ! !
Sjáumst á fimmtudaginn.
Áfram Grótta ! !
