Handknattleiksdeild
FH-ingar mæta á Nesið á fimmtudag
Handbolti - Mfl. karla
Það er skammt stórra högga á milli hjá okkar mönnum um þessar mundir. Á fimmtudagskvöldið eru það liðsmenn Fimleikafélagsins úr Hafnarfirði sem mæta á Nesið með "bronsdrenginn" Ólaf Guðmundsson í broddi fylkingar.
Næsta víst er að Gaflarar mæta vel stemmdir með það eitt að markmiði að hefna fyrir þá illu með ferð sem þeir fengu í Krikanum þegar okkar menn unnu þá með 6 marka mun síðasta haust. Þá er ljóst að hvatinn verður ekki minni fyrir Gróttara sem farið er að hungra verulega í fyrstu stig ársins.
Miðað við stuðninginn sem drengirnir fengu gegn Val á útivelli má fastlega gera ráð fyrir að jörð skjálfi á Nesinu á fimmtudagskvöldið.
ÞÁ SKAL ENGINN LÁTA SIG VANTA Í GRÓTTUBORGARA ! GRILLIÐ VERÐUR FUNHEITT FRÁ 18:00 OG FRAM AÐ LEIK ! ! !
MÆTUM METT TIL LEIKS... ;-)
Sjáumst á fimmtudag. ÁFRAM GRÓTTA ! ! !
