Handknattleiksdeild
Gríðarlega mikilvægur leikur á fimmtudaginn í Mýrinni
Handbolti - Mfl. karla
Á fimmtudaginn mætir meistaraflokkur karla Stjörnunni á útivelli. Hér er klárlega um að ræða einn af allra mikilvægustu leikjum vetrarins fyrir Gróttu. Sigur í leiknum mun þýða eitt mjög stórt skref í áttina að því að að tryggja áframhaldandi veru liðsins í deildinni. Tap þýðir hins vegar að Garðbæingar blanda sér af alvöru í baráttuna um áframhaldandi öruggt sæti á meðal þeirra bestu.
Stjarnan hefur verið að sækja mjög í sig veðrið eftir því sem liðið hefur á veturinn og verður leikurinn án vafa gríðarlega erfiður.
Sem fyrr mun stuðningur Seltirninga geta verið það sem ríður baggamuninn.
Mætum öll í Garðabæinn á fimmtudaginn og styðjum Gróttu til sigurs!
ÁFRAM GRÓTTA !
