Alfreð Örn Finnsson tekur við Volda í Noregi

Handbolti - Mfl. kvenna

10.3.2010

Handknattleiksþjálfarinn Alfreð Örn Finnsson sem undanfarin ár hefur þjálfað flesta flokka í Gróttu og nú síðast meistaraflokk kvenna, hefur samið við Volda í Noregi. Volda leikur í 2.deild og ætlar sér stóra hluti á næstu árum og er ráðning Alfreðs stór hluti af því. Alfreð mun flytja út með fjölskyldu sinni í júlí og það er einnig hugsanlegt að kona hans Eva Björk Hlöðversdóttir muni spila með liðinu.

Undir stjórn Alfreðs náði kvennalið Grótta besta árangri sínum fyrr og síðar, þegar þær lentu í 2.sæti í deildarbikarkeppninni, 2.sæti í bikarkeppninni og 2.sæti í Íslandsmótinu árið 2007. Það ár var hann kjörinn þjálfari ársins í efstu deild.

Við óskum honum velfarnaðar í Noregi.

Til baka, Senda grein, Prenta greinina