Ómar Örn Jónsson ráðinn þjálfari

Handbolti - Mfl. kvenna og 3.fl. kvenna

10.5.2010

Ómar Örn Jónsson hefur verið ráðinn þjálfari meistaraflokks og 3. flokks kvenna hjá Gróttu. Meistaraflokki mun hann stýra með Kára Garðarssyni og 3. flokki með Sóleyju Halldórsdóttur, en þau hafa þjálfað flokkana sl. vetur með góðum árangri.

Ómar Örn býr yfir góðri menntun á sviði þjálfunar ásamt því að búa yfir áralangri reynslu, en undanfarin ár hefur hann þjálfað alla yngri flokka kvenna hjá Fylki. Ómar hefur einnig verið aðstoðarmaður meistaraflokks kvenna hjá Fylki síðastliðin þrjú ár ásamt því að gegna stöðu landsliðsþjálfara kvenna U-18 frá 2008. Ljóst er að koma Ómars Arnar er góður styrkur fyrir félagið og kærkomin viðbót við þá frábæru þjálfara sem fyrir eru hjá Gróttu. Við bjóðum Ómar Örn innilega velkominn til starfa.

Til baka, Senda grein, Prenta greinina