Fyrsti sigurinn hjá Gróttu

Handbolti - Mfl. kvenna

16.1.2012

Stelpurnar í meistaraflokki kvenna unnu á laugardag sinn fyrsta sigur í vetur er þær sóttu lið KA/Þór heim. Leikurinn var jafn og spennandi frá upphafi til enda og kom sigurmark Gróttu rúmri mínútu fyrir leikslok.

Norðanstúlkur leiddu oftast með 1-2 mörkum og var staðan í hálfleik 13-12 fyrir KA/Þór. KA/Þór komust fljótlega í 16-13 en Grótta jafnaði fljótlega í 17-17 og í kjölfarið komst Grótta yfir 17-18 og 20 mínútur eftir af leiknum. Næstu mínútur voru norðan stúlkna og náðu þær fljótlega tveggja marka forystu 21- 19 og 13 mínútur eftir af leiknum.

Mikil barátta var síðustu mínútur leiksins og náði Grótta með mikilli vinnusemi að jafna leikinn 24-24 og skora svo sigurmarkið þega rúm mínúta lifði leiks lokatölur 25-26.

Mikilvægur sigur hjá stelpunum sem færðust úr 9. og neðsta sæti upp í 7. sæti.

Markaskor:

Tinna Laxdal  5/1
Unnur Ómarsdóttir  5
Sunna María Einarsdóttir  4/1
Björg Fenger  4
Sóley Arnarsdóttir  4
Elín Helga Jónsdóttir  2
Laufey Ásta Guðmundsdóttir  2

Í markinu stóð Heiða Ingólfsdóttir og varði 17/2 skot.

Til baka, Senda grein, Prenta greinina