8.flokkur á vinamóti Stjörnunnar

Handbolti - 8.fl. karla

12.3.2008

Laugardaginn 8.mars síðastliðin fóru 8.flokkur karla og kvenna í handknattleik á vinamót Stjörnunnar í Garðabæ sem haldið var í Mýrinni. Óhætt er að segja að spenningurinn hafi verið mikill hjá leikmönnum því einn drengurinn hreinlega svaf í búningnum sínum nóttina fyrir mót.

Ekki eru talin úrslit í svona vinamóti en engu að síður voru keppendur með það á hreinu að þeir voru Alltaf yfir í leikjunum hvað svo sem andstæðingurinn raðaði inn af mörkum. Eftir erfiða keppni fengu allir verðlaunapening og ánægjusvipur skein af hverju barni, allir sáttir við úrslit leikja og sína frammistöðu.

Sem þjálfari drengjanna verð ég að taka það fram að þeir voru félagi sínu Gróttu, þjálfara og foreldrum til mikils sóma og eru þarna sannarlega framtíðarstjörnur á ferð.  Ég vil þakka öllum þeim foreldrum sem komu og studdu við bakið á börnum sínum um helgina því hann skiptir þau gríðarlega miklu máli.  

Takk fyrir mig
Atli Sveinn
þjálfari 8.flokks karla handknattleik

 

Hér má sjá nokkrar myndir af vinamótinu:

Til baka, Senda grein, Prenta greinina