3.flokkur kvenna í 1. deild í vetur

Um helgina var spiluð forkeppni Íslandsmótsins í 3.flokki kvenna. Grótta, ÍBV, Fjölnir og Afturelding spiluðu í E-riðli á Nesinu. Skammt er frá því að segja að Grótta tryggði sér sæti í 1. deild í vetur með því að vinna riðilinn. Fyrsti leikurinn var á móti ÍBV þar sem við náðum góðum sigri 22-15. Síðan voru það Fjölnis stelpur sem lentu í klónum á stelpunum okkar og þar vannst sannfærandi sigur 28-15.

 

Afturelding varð því miður að gefa leikinn á móti okkur á sunnudeginum, þar sem þær náðu ekki í lið vegna mikilla forfalla á laugardeginum. Allur stelpurnar tóku þátt í leikjunum tveimur og stóðu sig með mikilum sóma.

 

Í 3.flokki kvenna æfa 24 stelpur, sem er alveg frábært. Framundan er skemmtilegur vetur, stelpurnar eru duglegar að æfa og eru staðráðnar í því að standa sig vel. Það verður svo sannarlega gaman að fylgjast með þessum ungu og upprennandi handboltastjörnum Gróttu í vetur.