Þá er komið að öðrum pistli 4.flokks karla og núna verður sjónum okkar beint að B1-liðinu en liðið leikur í 1.deild B-liða. Liðið hefur eingöngu leikið fimm deildarleiki í haust en margir leikir eru núna næstu þrjá mánuðina. Grótta hefur tapað fæstum fjölda stiga í deildinni en er sem stendur í 2.-3.sæti deildarinnar þar sem toppliðið hefur spilað einum leik fleira. Fyrsti leikur liðsins var gegn Haukum í Hafnarfirði.

Lesa meira

Meðal þeirra viðburða sem fóru fram á kjöri Íþróttamanns Gróttu í gærkvöldi var afhending viðurkenningar fyrir að keppa í fyrsta skipti fyrir Íslands hönd. Að þessu sinni voru það 7 einstaklingar sem léku sína fyrstu landsleiki á árinu og var þeim veittur verðlaun fyrir það afrek. Lesa meira

Íslandsmótið hjá 4.flokki karla hófst í haust eins og önnur mót og hafa fjölmargir leikir hjá Gróttu farið fram. Fjöldi iðkenda í 4.flokki karla er mikill en 31 iðkandi stundar æfingar 5 sinnum í viku. Grótta teflir fram þremur liðum í 4.flokki karla í vetur en A-liðið leikur í 1.deild, B1-liðið leikur í 1.deild og B2-liðið leikur í 2.deild. Munu umfjallanir um alla leiki fyrir öll liðin detta inn næstu daga en við byrjum á A-liðinu. Fyrsti leikur tímabilsins hjá A-liðinu var gegn Haukum.

Lesa meira

Í lok seinustu viku var valinn 50 manna æfingahópur U16 ára landsliðs karla. Grótta átti 5 stráka í þeim hóp, þá Aron Dag Pálsson, Arnór Guðjónsson, Bessa Jóhannsson, Hjalta Má Hjaltason og Þorgeir Bjarka Davíðsson. Eins og fram hefur komið léku Arnór, Hjalti og Þorgeir gegn Frökkum um daginn og stóðu sig vel. Nú bætast Aron Dagur og Bessi við og þurfa þeir að heilla landsliðsþjálfarann, Einar Guðmundsson á æfingunum.

Lesa meira

Á miðvikudagskvöld lék A-lið 4.flokks karla gegn Haukum 2 í bikarkeppninni. Leikurinn fór fram í Schenkerhöll þeirra Haukamanna. Haukarnir byrjuðu leikinn betur en þeir komust í 1-0 og 3-2. Eftir það má segja að leikurinn hafi verið einstefna enda talsverður getumunur á liðunum. Í hálfleik var staðan 4-19 Gróttu í vil. Lesa meira

Laugardaginn 17.desember og mánudaginn 19.desember lék íslenska U16 ára landsliðið gegn jafnöldurum sínum frá Frakklandi tvo landsleiki. Upphaflega áttu eingöngu Hjalti Már Hjaltason og Þorgeir Bjarki Davíðsson að vera í 14 manna lokahóp fyrir landsliðið en eftir frábæra frammistöðu í undanförnum leikjum var Arnóri Guðjónssyni bætt við hópinn og því þrír Gróttumenn sem léku sína fyrstu landsleiki við þetta tilefni. Lesa meira

Undanfarna tvo mánudaga hafa verið afreksæfingar hjá elstu flokkum handknattleiksdeildar. Mánudaginn 28.nóvember kom Geir Sveinsson fyrrum landsliðsfyrirliði, fyrrum þjálfari Gróttu og núverandi þjálfari U20 ára landsliðs karla og var með æfingu fyrir valdar stúlkur í 3. og 4.flokki kvenna. Farið var yfir varnarleik en Geir Sveinsson var sjálfur gríðarsterkur varnarmaður á sínum tíma.

Lesa meira

Einar Guðmundsson landsliðsþjálfari U16 ára landsliðs karla valdi á dögunum lokahóp fyrir tvo leiki gegn landsliði Frakklands. Um var að ræða 14 manna hóp og er hópurinn skipaður tveimur Gróttumönnum, þeim Hjalta Má Hjaltasyni og Þorgeiri Bjarka Davíðssyni. Leikirnir fara fram 17. og 19.desember nk. en liðið mun æfa saman næstu daga. Lesa meira

Séræfingarnar halda áfram núna á sunnudaginn en Kári Garðarsson yfirþjálfari mun fara yfir skot og gabbhreyfingar. Horna- og línumenn verða eru kl. 10:00 og skyttur og miðjumenn kl. 11:00. Á mánudaginn mun Magnús Kári Jónsson koma í heimsókn til okkar og halda utan um afreksæfingu fyrir elstu leikmenn karlamegin. Lesa meira

4.flokkur karla teflir fram þremur liðum í bikarkeppni HSÍ og léku öll liðin núna um helgina. A-liðið reið á vaðið á föstudagskvöld þegar þeir mættu HK A2 og fylgdu síðan bæði B-liðin í kjölsogið á laugardeginum, B1 gegn Víkingum A og B2 gegn Haukum 2. Umfjöllun um hvern leik hjá 4.flokknum má sjá ef smellt er á lesa meira.

Lesa meira

Síðastliðna tvo mánudaga hefur Beló haldið utan um afreksæfingar fyrir okkar efnilegustu hornamenn. Æfingarnar voru mjög vel heppnaðar en Beló fór í ýmis smáatriði sem hornamenn þurfa að hafa í huga. Við höfum fengið hann til að koma og hitta hópana einu sinni til viðbótar næstu tvo mánudaga.

Lesa meira

Seinustu daga hefur verið valið í öll yngri landslið karla, U16, U18 og U20 ára lið karla. Gróttumenn geta verið stoltir af þessum landsliðum þar sem hvorki fleiri né færri en 13 leikmenn frá Gróttu voru valdir í liðin að þessu sinni! Fjórir leikmenn voru valdir í U20 ára liðið, fimm leikmenn í U18 ára liðið og fjórir leikmenn í U16 ára liðið. Liðin munu æfa í vikunni og um næstu helgi.

Lesa meira

Síðastliðið mánudagskvöld hófust afreksæfingar handknattleiksdeildar Gróttu en þetta eru fyrstu æfingar þessarar tegundar í vetur. Með afreksæfingunum er ætlunin að hlúa sérstaklega að efnilegustu leikmönnum deildarinnar í elstu flokkum karla og kvenna. Æfingarnar eru í umsjón yfirþjálfara deildarinnar en þeir munu fá í heimsókn gestaþjálfara með reglulegu millibili í vetur. Það er von stjórnarinnar að með þessu fái leikmennirnir og aðrir sem starfa innan deildarinnar nýjar hugmyndir og læri nýjar nálganir í vinnu sinni.

Lesa meira

Í vetur mun handknattleiksdeild Gróttu kynna nýjung sem eru afreksæfingar eldri flokka. Afreksæfingarnar verða undir stjórn gestaþjálfara sem fengnir verða til félagsins í ákveðinn tíma. Næstu tvo mánudaga mun Zoltán Belányi halda utan um afreksæfingar fyrir hornamenn. Beló, sem lék á sínum ferli þrjú tímabil með Gróttu, hefur gríðarlega reynslu sem leikmaður og er það von okkar að hann miðli þeirri reynslu til okkar efnilegustu leikmanna. Lesa meira