Valið hefur verið U-16 ára landslið kvenna undir stjórn Díönu Guðjónsdóttur og Unnar Sigmarsdóttur. Grótta á tvo fulltrúa í þessu liði en það eru þær Elín Jóna Þorsteinsdóttir og Rúna Eybjörg Sigtryggsdóttir. Þær hafa staðið sig mjög vel í vetur og eru báðar að spila með 4. flokki og 3. flokki kvenna. Þetta er í annað skiptið í vetur sem þær hafa verið valdar í æfingahóp hjá U-16 ára landsliðinu.

Lesa meira

Undanfarna tvo mánudaga hafa verið afreksæfingar hjá elstu flokkum handknattleiksdeildar. Mánudaginn 28.nóvember kom Geir Sveinsson fyrrum landsliðsfyrirliði, fyrrum þjálfari Gróttu og núverandi þjálfari U20 ára landsliðs karla og var með æfingu fyrir valdar stúlkur í 3. og 4.flokki kvenna. Farið var yfir varnarleik en Geir Sveinsson var sjálfur gríðarsterkur varnarmaður á sínum tíma.

Lesa meira

Afreksæfingarnar sem hófust í byrjun október halda áfram nk. mánudag. Þá mun Geir Sveinsson, fyrrverandi landsliðsfyrirliði Íslands og fyrrverandi þjálfari mfl karla í Gróttu, halda utan um æfingu þar sem áherslan verður lögð á varnarleik. Á æfingarnar eru boðaðar okkar efnilegustu leikmenn úr elstu flokkum kvennamegin.

Lesa meira

Stelpurnar í 4.flokki kvenna spiluðu leiki í deildinni um helgina. A-liðið heimsótti Víkingsstelpurnar í Fossvoginum á laugardaginn. Stelpurnar byrjuðu leikinn frábærlega og náðu forskoti strax. Hálfleikstölur voru 4 - 16 Gróttu í vil. Ekkert var gefið eftir í seinni hálfleik og héldu stelpurnar áfram að spila góða vörn og fylgdi góð markvarsla og hraðaupphlaup í kjölfarið. Lokatölur leiksins voru 8 - 29.

 

Lesa meira

Síðastliðna tvo mánudaga hefur Beló haldið utan um afreksæfingar fyrir okkar efnilegustu hornamenn. Æfingarnar voru mjög vel heppnaðar en Beló fór í ýmis smáatriði sem hornamenn þurfa að hafa í huga. Við höfum fengið hann til að koma og hitta hópana einu sinni til viðbótar næstu tvo mánudaga.

Lesa meira

Bæði liðin í 4. flokki kvenna spiluðu sinn fyrsta heimaleik um helgina. A-liðið fékk Haukastúlkur í heimsókn á Nesið. Stelpurnar okkar byrjuðu af krafti og skoruðu fyrstu 4 mörkin og voru 14 - 7 yfir í hálfleik. Í seinni hálfleik héldu stelpurnar áfram að vera áræðnar og juku forystuna og voru lokatölur leiksins 29 - 17 Gróttustúlkum í vil.

Lesa meira

Síðastliðið mánudagskvöld hófust afreksæfingar handknattleiksdeildar Gróttu en þetta eru fyrstu æfingar þessarar tegundar í vetur. Með afreksæfingunum er ætlunin að hlúa sérstaklega að efnilegustu leikmönnum deildarinnar í elstu flokkum karla og kvenna. Æfingarnar eru í umsjón yfirþjálfara deildarinnar en þeir munu fá í heimsókn gestaþjálfara með reglulegu millibili í vetur. Það er von stjórnarinnar að með þessu fái leikmennirnir og aðrir sem starfa innan deildarinnar nýjar hugmyndir og læri nýjar nálganir í vinnu sinni.

Lesa meira

Í seinustu viku var valið í öll yngri landsliðs kvenna; U16, U18 og U-20 ára landslið kvenna sem æfðu um helgina. Grótta átti hvorki fleiri né færri en 11 leikmenn í þessum hópum sem er glæsilegt. Þetta eru leikmennirnir; Hugrún Lena Hansdóttir og Rebekka Guðmundsdóttir í U20, Auður Ásta Baldursdóttir, Ásgerður Dúa Jóhannesdóttir, Eva Björk Davíðsdóttir, Lovísa Rós Jóhannsdóttir, Sigrún Birna Arnardóttir og Sóley Arnarsdóttir í U18 og Elín Jóna Þorsteinsdóttir, Margrét Karen Jónsdóttir og Rúna Eybjörg Sigtryggsdóttir í U16.

Lesa meira

Í vetur mun handknattleiksdeild Gróttu kynna nýjung sem eru afreksæfingar eldri flokka. Afreksæfingarnar verða undir stjórn gestaþjálfara sem fengnir verða til félagsins í ákveðinn tíma. Næstu tvo mánudaga mun Zoltán Belányi halda utan um afreksæfingar fyrir hornamenn. Beló, sem lék á sínum ferli þrjú tímabil með Gróttu, hefur gríðarlega reynslu sem leikmaður og er það von okkar að hann miðli þeirri reynslu til okkar efnilegustu leikmanna. Lesa meira

Það voru rúmlega 50 ungmenni sem mættu í hátíðarsal Gróttu til að sitja A-stigs dómaranámskeið HSÍ sl. mánudagskvöld. Það voru leikmenn 4. flokks karla og kvenna og af eldra ári 3. flokks karla og kvenna sem sátu námskeiðið. Mætingin var mjög góð úr þessum árgöngum en um 90% allra sem æfa á þessum aldri mættu á námskeiðið.

Lesa meira

Arndís María Erlingsdóttir hefur verið ráðin þjálfari 4.fl. kvenna í handknattleik. Arndísi Maríu þekkja flestir en hún spilaði með Gróttu í öllum yngri flokkum og mörg ár eftir að hún fór í meistaraflokk. Hún söðlaði þó um seinustu tvö ár og spilaði með liði Vals og varð með þeim íslandsmeistari seinasta vor. Arndís María er öllum hnútum kunnug á Nesinu en hún hefur þjálfað hjá deildinni í nokkur ár, síðustu árin sem þjálfari 4.flokks kvenna og 5.flokks kvenna.

Lesa meira

Á morgun, miðvikudag, hefst fyrsta handboltanámskeiðið af þremur í ágúst. Námskeiðin skiptast í tvennt, annars vegar handboltaskólann og hins vegar afrekskólann. Handboltaskólinn er fyrir krakka fædd 2005-2000 og afreksskólinn er fyrir krakka fædd 1999-1996. Einar Rafn Ingimarsson hefur yfirumsjón með námskeiðunum en þjálfarar Gróttu, leikmenn meistaraflokka ásamt gestaþjálfurum munu leiðbeina á námskeiðunum. Nú þegar hafa 50 krakkar skráð sig á námskeiðin. Lesa meira

Núna er Partille Cup formlega lokið og segja má að árangurinn hafi verið glæsilegur þrátt fyrir brösótta byrjun á mótinu. B15-1 og B16-1 unnu B-úrslitin sannfærandi með gríðarlega góðum leikjum í dag. 8-liða úrslitin byrjuðu strax í morgun og þrátt fyrir talsverða þreytu vegna margra leikja undanfarna daga höfðu strákarnir svo sannarlega vilja til að klára mótið með stæl. Lesa meira

Úrslitakeppnin á Partille Cup hófst í dag hjá öllum liðum. Eftir misjafnt gengi í riðlakeppninni tók við algjörlega ný keppni og nýir andstæðingar. Öll Gróttuliðin voru í B-úrslitum. Stúlkurnar í G15 unnu fyrsta leikinn í 64-liða úrslitum gegn Domus en tryggðu sér þar með inn í 32-liða úrslitin þar sem liðið mætti Aranäs frá Svíþjóð. Lesa meira