5fl. karla yngra ár Íslandsmót nr. 2

5.flokkur karla

29.1.2010

Lið-1
Strákarnir komust upp í 1.deild á síðasta móti, því var vitað mál að erfitt verkefni biði strákanna í þessu móti.
Stefnan var sett á að halda sér í deildinni sem yrði mjög erfitt þar sem að liðin eru gífurlega sterk og allir leikir jafnir.
Fyrsta verkefnið var gegn Þrótturum, fyrir jól unnum við Þróttaranna nokkuð örugglega í jólamóti þeirra tvisvar og eitthvað hafa Gróttustrákarnir vanmetið Þróttaranna sem gengu á lagið og unnu. Gífurlega illa gekk að nýta færin í leiknum.
Næsti leikur var gegn FH og var planið frá fyrstu mínútu að keyra hratt á þá og gekk það plan fullkomlega upp, strákarnir spiluðu frábæra vörn, markvörslu og uppskáru fullt af hraðaupphlaupum sem skiluðu frábærum fjögurra marka sigri.
Selfyssingar voru næsti andstæðingur en þeir hafa unnið Íslandsmótið í þessum árgangi síðustu ár, leikurinn byrjaði alls ekki vel fyrir okkar menn og í hálfleik vorum við lentir 7 mörkum undir. En með ótrúlegum krafti og baráttuanda náðu strákarnir að minnka muninn í 1 mark eftir um 10 mínútna leik í seinni hálfleik. Því miður dugði það ekki, en strákarnir sýndu að þeir gefast aldrei upp.
Næst síðasti leikurinn var við gott lið KR-inga og aftur annan leikinn í röð missum við andstæðinginn langt frá okkur í fyrri hálfleik en með því að gefast ekki upp að þá tókst strákunum að minnka muninn í tvö mörk.
Lokaleikurinn var við Víkinga, með sigri var ljóst að við myndum halda okkur í deildinni en leikurinn var ekki síður mikilvægur fyrir Víkinga því að þeir gætu unnið mótið með sigri. Og fyrir leikinn var mikil pressa á okkar strákum og þeir vissu að með gífurlegri baráttu og með því að trúa á sjálfan sig gætu þeir höndlað pressuna betur en Víkingar. Þegar skammt var til leiksloka voru Víkingar með forystu 8-11 en með ótrúlegum leikkafla náðu okkar strákar að snúa þessum leik sér í hag og komust yfir 12-11, Gróttustrákarnir kláruðu leikinn með eins marks sigri og sætið í deildinni tryggt.
Ég verð að hrósa strákunum fyrir það sama sem sást í öllum leikjunum og það var að þeir gáfust aldrei upp, þeir hafa gríðarlega trú á sjálfum sér og það mun koma þeim langt. Og það er engin spurning að markið verður sett hærra í næsta móti.
Grótta-Þróttur                8-10
 Grótta-FH                          17-13
Grótta-Selfoss                  15-17    
 Grótta-KR                          12-14
Grótta-Víkingur               14-13

Lið-2
Strákarnir í liði-2 hafa jafnt og þétt verið að bæta sig í vetur, og í þessu móti fór loksins sóknin að rúlla betur. Vörnin er ennþá smá vandamál en það verður lagað.
Í fyrsta leiknum við Víking komu strákarnir mjög vel stemmdir í leikinn og náðu öruggri forystu strax í byrjun leiks. Strákarnir unnu að lokum verðskuldaðan sigur þar sem að mörg mjög fín sóknartilþrif sáust. En einnig var vörn og markvarsla til fyrirmyndar.
Á móti ÍR byrjaði liðið ekki vel en þegar liðið kom út í seinni hálfleikinn að þá komu góð sóknartilþrif en það dugði ekki til og unnu ÍR-ingar sannfærandi, en þetta var lið-1 hjá þeim.
HK3 var þriðji leikurinn og var sá leikur mikil skemmtun, mikið af mörkum og lítið um varnir.  En það verður að minnast á glæsilegt sirkus mark sem kom eftir magnaða sendingu frá Ásgeiri og Jón Friðrik var á tánum, greip boltann á lofti og setti snyrtilega í markið. Strákarnir spiluðu flottan sóknarbolta í þessum leik og hafa allir verið að koma til síðustu vikur og gaman að sjá þá.
Lokaleikur mótsins hjá strákunum var gegn Haukum og var þessi leikur alveg arfaslakur og gekk illa í sókninni að finna góð færi og ef þau fengust að þá nýttum við þau ekki. Og varnaleikurinn var ekki góður, það má segja að lítið sem ekkert gekk upp hjá okkur í þessum leik.
En á heildina litið að þá eru mikil framför hjá strákunum miðað við önnur mót, boltinn er að ganga betur og betur milli manna og svo erum við að fá fleiri línusendingar og mörk af línunni.
Með smá meiri grimmd í vörninni verður þetta lið í góðum málum í næstu tveimur mótum.
Grótta2-Víkingur2           16-11
Grótta2-ÍR                          14-19
 Grótta2-Haukar2            7-16
Grótta2-HK3                      22-19

Til baka, Senda grein, Prenta greinina