Séræfingar leikmanna í 5. og 6.flokki karla og kvenna hefjast á sunnudaginn nk. Æfingarnar verða tvískiptar en kl. 10:00-11:00 verður lögð áhersla á hornamenn og línumenn en kl. 11:00-12:00 verður lögð áhersla á skyttur og miðjumenn. Áhugasamir iðkendur í þessum flokkum eru hvattir til þess að mæta og æfa skot og ýmis tækniatriði undir handleiðslu þjálfara deildarinnar. Lesa meira

Um næstu helgi fer fram fyrsta markmannshelgi yngri flokka félagsins. Um er að ræða markmannsæfingar undir stjórn Kára Garðarssonar markmannsþjálfara félagsins og eru þær ætlaðar markvörðum í 5. og 6.flokki karla og kvenna. Farið verður yfir grunnatriði markvörslu og hagnýtar æfingar kenndar sem krakkarnir geta sjálfir gert fyrir eða eftir hefðbundar handboltaæfingar. Lesa meira

Á morgun, miðvikudag, hefst fyrsta handboltanámskeiðið af þremur í ágúst. Námskeiðin skiptast í tvennt, annars vegar handboltaskólann og hins vegar afrekskólann. Handboltaskólinn er fyrir krakka fædd 2005-2000 og afreksskólinn er fyrir krakka fædd 1999-1996. Einar Rafn Ingimarsson hefur yfirumsjón með námskeiðunum en þjálfarar Gróttu, leikmenn meistaraflokka ásamt gestaþjálfurum munu leiðbeina á námskeiðunum. Nú þegar hafa 50 krakkar skráð sig á námskeiðin. Lesa meira

Uppskeruhátíðin í handboltanum fór fram sunnudaginn 22.maí. Vegna mikils fjölda iðkenda var ákveðið að tvískipta hátíðinni. Yngri flokkarnir, 5.flokkur, 6.flokkur, 7.flokkur og 8.flokkur voru í stóra salnum kl. 17:00-18:30 en eldri flokkarnir, 4.flokkur, 3.flokkur og 2.flokkur voru í hátíðarsalnum kl. 19:00-20:30. Ætla má að um 600-700 manns hafi verið á þessum tveimur hátíðum þennan daginn.

Lesa meira

Sunnudaginn 22. maí nk. verður haldin hin árlega uppskeruhátíð Handknattleiksdeildar Gróttu í Íþróttamiðstöð Seltjarnarness. Hátíðin hefst með verðlaunaafhendingu fyrir frammistöðu vetrarins. Eftir verðlaunaafhedingu verður grillveisla. Foreldrar/forráðamenn iðkenda eru vinsamlegast beðnir um að koma með einn pylsu- og pylsubrauðspakka í sameiginlega grillveislu fyrir iðkendur og fjölskyldur þeirra. Deildin mun bjóða upp á meðlæti og drykki. Foreldrar og forráðamenn eru velkomnir. Hópnum verður skipt í tvennt.

Lesa meira

Í tilefni HM í handbolta sem stendur yfir 13.janúar ? 30.janúar er öllum nýjum iðkendum á aldrinum 6 til 14 ára boðið frítt á handboltaæfingar hjá Gróttu. Handknattleiksdeild Gróttu er ein stærsta handknattleiksdeild landsins og hefur státað af framúrskarandi árangri í yngri flokkum mörg undanfarin ár enda hefur deildin að skipa vel menntaða og hæfa þjálfara í öllum stöðum. Við hvetjum alla, stráka og stelpur að koma og prófa handboltaæfingu. Lesa meira

6.flokkur karla hjá Gróttu í handbolta tók þátt á sínu öðru Íslandsmóti helgina 27.og 28. nóvember, mótið var haldið í Hafnarfirði á vegum Hauka. Grótta sendi tvö lið til keppni, Grótta 1 keppti fimm leiki í annari deild og Grótta 2 keppti fjóra leiki í þriðju deild. Miklar framfarir hafa verið á leik strákanna frá síðasta móti, Grótta 1 gerði sér lítið fyrir og vann aðra deild með því að vinna fjóra leiki og gera eitt jafntefli og munu því leika í 1.deild á næsta móti. Grótta 2 sýndi einnig góða leiki en vantaði þó aðeins uppá til þess að klára sína leiki.

Lesa meira

Mánudaginn 23.ágúst hefjast handboltaæfingar hjá yngri flokkum Gróttu eftir sumarfrí. Æfingatöfluna má sjá hérna og upplýsingar um þjálfara má sjá hérna. Handknattleiksdeild Gróttu er ein stærsta deild landsins með rúmlega 380 iðkendur frá 6 ára aldri og upp í tvítugt. Deildin er einkar stolt af því að þjálfarar yngstu flokkanna eru allir íþróttafræðingar og þjálfarar eldri flokkanna hafa mikla og góða reynslu af þjálfun. Lesa meira

Mánudaginn 31. maí, haldin hin árlega uppskeruhátíð Handknattleiksdeildar Gróttu í Íþróttamiðstöð Seltjarnarness. Dagskráin hefst með verðlaunafhendingu en veitt verða verðlaun fyrir frammistöðu vetrarins í öllum yngri flokkum félagsins. Uppskeruhátíðin verður tvískipt að þessu sinni, yngstu flokkarnir fyrst og síðan eldri flokkarnir. Lesa meira

Helgina 24. - 26.apríl sl. fóru 15 strákar af yngra árinu í 6.flokki karla í handbolta í keppnisferð til Vestmannaeyja. Um var að ræða seinasta íslandsmótið í vetur hjá strákunum en Grótta teflir fram tveimur liðum hjá þessum strákum. Grótta 1 lék í efstu deild og Grótta 2 í næstefstu deild. Hvort lið lék 5 leiki um helgina. Lesa meira

Helgina 12. - 14.mars sl. lék yngra árið í 6.flokki karla á fjórða og næstseinasta íslandsmótinu í vetur. Mótið var haldið af ÍR-ingum og var leikið bæði í Seljaskóla og Austurbergi. Eins og áður í vetur tefldum við Gróttumenn fram tveimur liðum í þessum árgangi. Grótta 1 lék í efstu deild og Grótta 2 lék í næstefstu deild. Það út af fyrir sig er frábær frammistaða. Stórstígar framfarir voru á spilamennsku strákanna um helgina. 18 strákar æfa handbolta í þessum árgangi. Lesa meira

Við Gróttumenn sendum 2 lið norður á Akureyri í fyrsta íslandsmót vetrarins. Árangur liðanna tveggja var mjög ólíkur, á meðan allt gekk upp hjá liði-1 gekk ekkert hjá liði-2. Hér kemur smá umfjöllun um fyrsta íslandsmótið sem haldið var á Akureyri fyrir áramót, en þar stóðu strákarnir sig gríðarlega vel. Mótið sem FH-ingar héldu í janúar mun koma líka inn á næstu dögum. Lesa meira

Þá er komið að næsta Íslandsmóti og eru það FH-ingar sem halda það.
Lið-1 er að spila á föstudegi og laugardegi en lið-2 spilar eingöngu á sunnudeginum.
Lið-2 spilar í Kaplakrika en lið-1 spilar í Kaplakrika á föstudeginum en í Íþróttahúsinu við Strandgötu á laugardeginum.
Lesa meira

Um seinustu helgi fór fram íslandsmót nr. 2 hjá 6.flokki karla yngri. Mótið fór fram í Laugardalshöllinni og tefldum við Gróttumenn fram tveimur liðum sem spiluðu bæði í 2.deildinni. 40 lið eru skráð til leiks í þessum aldurshópi. Grótta 1 hóf leik á föstudegi og mætti í fyrsta leik KR-ingum. Strákarnir voru vel innstilltir strax í upphafi móts því strákarnir spiluðu virkilega vel og uppskáru þriggja marka sigur, 8-5. Lesa meira