Séræfingar leikmanna í 5. og 6.flokki karla og kvenna hefjast á sunnudaginn nk. Æfingarnar verða tvískiptar en kl. 10:00-11:00 verður lögð áhersla á hornamenn og línumenn en kl. 11:00-12:00 verður lögð áhersla á skyttur og miðjumenn. Áhugasamir iðkendur í þessum flokkum eru hvattir til þess að mæta og æfa skot og ýmis tækniatriði undir handleiðslu þjálfara deildarinnar. Lesa meira

Um næstu helgi fer fram fyrsta markmannshelgi yngri flokka félagsins. Um er að ræða markmannsæfingar undir stjórn Kára Garðarssonar markmannsþjálfara félagsins og eru þær ætlaðar markvörðum í 5. og 6.flokki karla og kvenna. Farið verður yfir grunnatriði markvörslu og hagnýtar æfingar kenndar sem krakkarnir geta sjálfir gert fyrir eða eftir hefðbundar handboltaæfingar. Lesa meira

Á morgun, miðvikudag, hefst fyrsta handboltanámskeiðið af þremur í ágúst. Námskeiðin skiptast í tvennt, annars vegar handboltaskólann og hins vegar afrekskólann. Handboltaskólinn er fyrir krakka fædd 2005-2000 og afreksskólinn er fyrir krakka fædd 1999-1996. Einar Rafn Ingimarsson hefur yfirumsjón með námskeiðunum en þjálfarar Gróttu, leikmenn meistaraflokka ásamt gestaþjálfurum munu leiðbeina á námskeiðunum. Nú þegar hafa 50 krakkar skráð sig á námskeiðin. Lesa meira

Uppskeruhátíðin í handboltanum fór fram sunnudaginn 22.maí. Vegna mikils fjölda iðkenda var ákveðið að tvískipta hátíðinni. Yngri flokkarnir, 5.flokkur, 6.flokkur, 7.flokkur og 8.flokkur voru í stóra salnum kl. 17:00-18:30 en eldri flokkarnir, 4.flokkur, 3.flokkur og 2.flokkur voru í hátíðarsalnum kl. 19:00-20:30. Ætla má að um 600-700 manns hafi verið á þessum tveimur hátíðum þennan daginn.

Lesa meira

Sunnudaginn 22. maí nk. verður haldin hin árlega uppskeruhátíð Handknattleiksdeildar Gróttu í Íþróttamiðstöð Seltjarnarness. Hátíðin hefst með verðlaunaafhendingu fyrir frammistöðu vetrarins. Eftir verðlaunaafhedingu verður grillveisla. Foreldrar/forráðamenn iðkenda eru vinsamlegast beðnir um að koma með einn pylsu- og pylsubrauðspakka í sameiginlega grillveislu fyrir iðkendur og fjölskyldur þeirra. Deildin mun bjóða upp á meðlæti og drykki. Foreldrar og forráðamenn eru velkomnir. Hópnum verður skipt í tvennt.

Lesa meira

6. flokkur kvenna tók þátt í síðasta Íslandsmótinu í vetur í Vodafonehöllinni að Hlíðarenda helgina 8.-10. apríl sl. Þær stóðu sig frábærlega. Lið 2 lék fimm leiki á laugardeginum gegn HK 3, ÍBV, KR, Fram 3 og Aftureldingu. Þær höfnuðu í öðru sæti í sinni deild. Lið 1 stóð sig líka frábærlega. Þær léku í 1.deild og spiluðu tvo leiki á föstudegi og þrjá á laugardegi.

Lesa meira

Hummelmótið - 4. íslandsmótið í handbolta í 6. flokki kvenna á yngra ári fór fram helgina 11. - 13. mars sl. Að þessu sinni var mótið í umsjón ÍR og fór fram í íþróttahúsinu við Austurberg í Breiðholti. Grótta var með tvö lið skráð til leiks - eitt í 1. deild og eitt í 2. deild.  Mikil stemning var í báðum liðum og lögðu stelpurnar sig alla í leikina enda mikill kraftur og orka í þeim.

Lesa meira

Helgina 15.- 16. janúar síðastliðinn fór yngra árið í 6.flokki kvenna á Íslandsmót í Fylkishöllinni í Árbænum. Grótta 1 spiluðu á þessu móti í 2.deild en Grótta 2 í 3.deild. Stelpurnar í Gróttu 1 stóðu sig frábærlega og komust því aftur upp í 1.deild undir góðri handleiðslu Hildigunnar Hilmarsdóttur. Þær kepptu 5 leiki og unnu alla leikina sína með glæsibrag nema leikinn á móti Fram sem þær töpuðu eftir góða frammistöðu í fyrri hálfleik.

Lesa meira

Í tilefni HM í handbolta sem stendur yfir 13.janúar ? 30.janúar er öllum nýjum iðkendum á aldrinum 6 til 14 ára boðið frítt á handboltaæfingar hjá Gróttu. Handknattleiksdeild Gróttu er ein stærsta handknattleiksdeild landsins og hefur státað af framúrskarandi árangri í yngri flokkum mörg undanfarin ár enda hefur deildin að skipa vel menntaða og hæfa þjálfara í öllum stöðum. Við hvetjum alla, stráka og stelpur að koma og prófa handboltaæfingu. Lesa meira

Helgina 19.- 21.nóvember síðastliðinn fór yngra árið í 6.flokki kvenna á mót í Framheimilinu. Um var að ræða annað Íslandsmótið í vetur hjá stúlkunum. Eftir góðan árangur á fyrsta mótinu í vetur, þá lék Grótta 1 í 1.deild og Grótta 2 í 2.deild. Leikirnir fóru misjafnlega hjá liðinum. 35 stúlkur æfa í 6.flokki, þar af 16 stelpur á yngra ári undir handleiðslu Hildigunnar Hilmarsdóttur. Lesa meira

Helgina 8.-10. október fór 6.flokkur kvenna yngri til Akureyrar. Það var farið með 2 lið. Ferðin gékk mjög vel bæði innan vallar sem utan. Lið 1 varð í 2. sæti en tapaði úrslitaleik á móti FH. Lið 2 varð í 1. sæti en Grótta, Fjölnir og KA/Þór voru öll með jafn mörg stig en Grótta var bestu markatöluna.

Lesa meira

Mánudaginn 23.ágúst hefjast handboltaæfingar hjá yngri flokkum Gróttu eftir sumarfrí. Æfingatöfluna má sjá hérna og upplýsingar um þjálfara má sjá hérna. Handknattleiksdeild Gróttu er ein stærsta deild landsins með rúmlega 380 iðkendur frá 6 ára aldri og upp í tvítugt. Deildin er einkar stolt af því að þjálfarar yngstu flokkanna eru allir íþróttafræðingar og þjálfarar eldri flokkanna hafa mikla og góða reynslu af þjálfun. Lesa meira

Mánudaginn 31. maí, haldin hin árlega uppskeruhátíð Handknattleiksdeildar Gróttu í Íþróttamiðstöð Seltjarnarness. Dagskráin hefst með verðlaunafhendingu en veitt verða verðlaun fyrir frammistöðu vetrarins í öllum yngri flokkum félagsins. Uppskeruhátíðin verður tvískipt að þessu sinni, yngstu flokkarnir fyrst og síðan eldri flokkarnir. Lesa meira

Síðasta Íslandsmót vetrarins hjá 6.flokki kvenna voru undanfarnar tveir helgar. Mótið hjá 6.fl. kvenna yngri var haldið á Akureyri helgina 23.-25. apríl. Grótta fór með 2 lið norður. Stelpurnar stóðu sig mjög vel og voru félaginu til sóma bæði innan vallar sem utan. Gist og borðað var í Glerárskóla en keppt í Síðuskóla og KA heimilinu, þannig það voru mikil ferðalög á milli staða. Lesa meira