Grótta áfram í bikarnum - dregið á morgun
Grótta er komin í 32-liða úrslit Borgunarbikarsins eftir 2-1 sigur á Stál-úlfi í gærkvöldi. Okkar menn sýndu þó engar sparihliðar í gær og lentu meðal annars undir gegn 4. deildarliðinu. Allt hafðist þetta nú að lokum og spennandi að vita hverjir mótherjarnir verða í næstu umferð. Á síðustu 10 árum hefur Grótta fjórum sinnum mætt úrvalsdeildarliði en á Facebook-svæði Gróttu er nú könnun um óskamótherja stuðningsmanna. Hér að neðan má einnig sjá skemmtilega upprifjun frá eftirminnilegum bikarleikjum síðari ára. UPPFÆRT: dregið var í hádeginu og fékk Grótta heimaleik á móti Hetti þann 29. maí!
Adda framlengir hjá Gróttu
|
Borgunarbikarinn: Stál-Úlfur - Grótta í kvöld
|
Seinasta mót vetrarins hjá 5.flokki karla
|
Arndís María Erlingsdóttir hefur framlengt samning sinn við Gróttu. Samningur hennar átti að renna út nú í sumar en félagið hefur nú tryggt sér krafta hennar áfram. Arndísi Maríu þarf vart að kynna fyrir Gróttufólki enda er hún uppalin hjá félaginu. Auk þess hefur Adda þjálfað hjá félaginu undanfarin ár og kennt við Grunnskóla Seltjarnarness við góðan orðstír.
Eftir svekkelsið í Breiðholtinu á föstudag er strax komið að næsta leik Gróttuliðsins, nú í annarri umferð bikarkeppninnar. Andstæðingur kvöldsins er lið Stál-Úlfs sem var stofnað af þekktum litháískum íþróttamönnum á Íslandi og er með lið í bæði fótbolta og körfubolta. Stál-úlfur hefur leikið í 3. deildinni tvö síðustu ár og er að mestu leyti skipað erlendum leikmönnum. Flautað verður til leiks kl. 19:00 og fer leikurinn fram á gervigrasinu aftan við knatthöllina Kórinn í Kópavogi.
Helgina 26. – 28.apríl fór fram seinasta íslandsmótið fram hjá eldra árinu í 5.flokki drengja (f. 1999). Mótið var haldið af FH og fór fram á Kaplakrika og Íþróttahúsinu við Strandgötu í Hafnarfirði. Eins og áður í vetur tefldi Grótta fram tveimur liðum í mótinu, Gróttu 1 sem lék á meðal þeirra bestu í 1.deildinni og síðan Gróttu 2 sem lék í 4.deild A.
