Kemst Grótta í 8-liða úrslit?
|
|||
|
Á morgun leikur Grótta í 16-liða úrslitum Borgunarbikarkeppninnar í knattspyrnu. Andstæðingurinn er lið Magna frá Grenivík sem leikur í 3. deild og hefur meðal annars slegið KA-menn út á leið sinni í 16-liða úrslitin. Grótta er annað af tveimur 2. deildarliðum sem eftir eru í keppninni og eru okkar menn staðráðnir í að komast aftur á beinu brautina eftir tvö svekkjandi töp að undanförnu. Flautað verður til leiks á Gróttuvelli kl. 19:15. Sjá nánar að neðan.
Það var því miður enginn frá fréttastofu Gróttusport sem fylgdi okkar mönnum í leikinn við Sindra um síðustu helgi. Skemmst er frá því að segja að niðurstaða leiksins var afar svekkjandi 2-0 tap þar sem Gróttuliðið lá í sókn en kom ekki knettinum inn fyrir marklínuna. Strax er komið að næsta leik en á morgun heimsækja okkar menn Njarðvíkinga á Njarðtaksvöllinn suður með sjó. Flautað verður á kl. 19:15 og hvetjum við að sjálfsögðu alla til að leggja leið sína á völlinn.
Það var margt um manninn á Gróttuvelli í dag en fyrir leik Gróttu og Dalvíkur/Reynis var fjölskylduhátíð þar sem allir iðkendur knattspyrnudeildar fengu afhentan nýjan keppnisbúning. Eins og við mátti búast var boðið upp á hörkuleik en Norðlendingar voru með fullt hús stiga eftir þrjár umferðir. Það var Jónmundur Grétarsson sem tryggði Gróttu glæsilegan 1-0 sigur með laglegu marki og eru okkar menn því komnir með 7 stig og ekki langt frá efstu liðum.
Á morgun kl. 14:00 fer fram sannkallaður stórleikur í 2. deildinni þegar okkar menn fá Dalvík/Reyni í heimsókn á Gróttuvöll. Norðlendingar hafa unnið þrjá fyrstu leiki sína í deildinni á meðan okkar menn eru með 4 stig. Þar er því til mikils að vinna en með sigra getur Gróttuliðið stimplað sig inn í toppbaráttu deildarinnar. Búast má við margmenni á vellinum en fyrir leik munu yngri flokkar Gróttu fá afhenta nýja keppnisbúninga. Þá munu 7. flokkar karla og kvenna ganga inn á völlinn með leikmönnum.
Kemst Grótta í 8-liða úrslit?
|
|||
|