Gróttulyklar frá Orkunni
|
|||
|
Orkan hefur stutt við bakið á knattspyrnudeild síðustu ár og mun gera slíkt hið sama í sumar. Orkan býður upp á þann skemmtilega möguleika að fá sérútbúinn Gróttulykil eða Gróttukort sem hægt er að nota á stöðvum fyrirtækisins um allt land, meðal annars á Eiðistorgi og við Austurströnd. Þegar þú svo dælir fær Grótta hlut af hverjum seldum lítra en það kemur ekki niður á góðum afslætti sem kortið veitir.
7. flokkar karla og kvenna hjá Gróttu tóku um helgina þátt í KFC-móti Víkings í Fossvogi. Leikið er í 5-manna liðum og sendu strákarnir fjögur lið til leiks en stelpurnar eitt. Skemmst er frá því að segja að Gróttukrakkarnir stóðu sig allir með mikilli prýði og spiluðu glimrandi fótbolta. Nú styttist í að fótboltasumarið hefjist en strákarnir fara á Norðurálsmótið á Akranesi í júní og stelpurnar á Símamótið í Kópavogi í júlí.
Faxaflóamótið hefur verið strembið hjá 2. flokki karla í vetur og fyrir leik dagsins voru okkar menn enn stigalausir. Flest sterkustu liða landsins leika í A-deild Faxans en í síðustu umferðum hefur leikur Gróttuliðsins farið síbatnandi þó að úrslitin hafi ekki fallið réttu megin. Það gerðist hins vegar í dag þegar strákarnir gerðu sér lítið fyrir og sigruðu sterkt lið Stjörnunnar sem hefði með sigri tryggt sér sigur í mótinu. Staðan var 3-0 fyrir Garðbæinga í hálfleik en í þeim síðari skoraði Grótta fimm mörk á móti einu og fór með sigur af hólmi.
Pétur Steinn Þorsteinsson fór á dögunum með U-17 ára landsliði Íslands í knattspyrnu á alþjóðlegt æfingamót í Wales. Pétur og félagar léku þrjá leiki, þeir sigruðu frændur okkar Færeyinga, gerðu jafntefli við N-Íra og töpuðu fyrir heimamönnum í Wales. Okkar maður var í byrjunarliðinu í tveimur leikjum og var nokkuð sáttur með eigin frammistöðu. Fréttastofa Gróttusport heyrði hljóðið í kappanum og spurði hann nokkurra spurninga um ferðina.
Gróttulyklar frá Orkunni
|
|||
|