Mummi ráðinn aðstoðarþjálfari
|
|||
|
Eins og áður hefur komið fram á heimasíðu Gróttu þá æfir kvennaliðið af kappi þessa dagana undir stjórn Kára Garðarssonar. Í lok síðustu viku var gengið frá ráðningu Guðmundar Árna Sigfússonar sem aðstoðarþjálfara liðsins til næstu tveggja ára. Guðmundur var einnig aðstoðarþjálfari liðsins í fyrra en þá endaði liðið í 7. sæti N1 deildarinnar.
Meistaraflokkur kvenna hóf undirbúning sinn fyrir komandi keppnistímabil í byrjun síðustu viku. Stelpurnar æfa 5-7 sinnum í viku og mun þetta æfingatímabil standa fram til lok júní eða í sjö vikur. Þegar þessu tímabili lýkur munu leikmenn sjá um sig sjálfar í fjórar vikur en æfingar hefjast svo aftur í byrjun ágúst. Liðið stefnir á að fara í æfingaferð til Sönderjyske í Danmörku í endann ágúst en Ágúst Jóhannsson, fráfarandi þjálfari karlaliðs Gróttu, er þjálfari danska liðsins. Leiknir verða tveir æfingaleikir og æft við bestu mögulegu aðstæður í ferðinni.
Arndís María Erlingsdóttir hefur framlengt samning sinn við Gróttu. Samningur hennar átti að renna út nú í sumar en félagið hefur nú tryggt sér krafta hennar áfram. Arndísi Maríu þarf vart að kynna fyrir Gróttufólki enda er hún uppalin hjá félaginu. Auk þess hefur Adda þjálfað hjá félaginu undanfarin ár og kennt við Grunnskóla Seltjarnarness við góðan orðstír.
Kári Garðarsson hefur gert 2ja ára samning sem aðalþjálfari meistaraflokks kvenna hjá Gróttu. Kári mun taka við starfinu af fráfarandi þjálfara Gróttu, Ómari Erni Jónssyni. Kári Garðarsson hefur starfað lengi við þjálfun hjá Gróttu og var á síðasta ári aðstoðarþjálfari Ágústs Jóhannssonar við þjálfun meistaraflokks karla en þjálfaði jafnframt 3.flokk karla hjá félaginu.
Mummi ráðinn aðstoðarþjálfari
|
|||
|