Grótta

Kristján Geir Þorsteinsson hefur verið ráðinn þjálfari 2.flokks karla á næsta leiktímabili. Diddi eins og flestir þekkja hann þjálfaði 5.flokk karla núna í vetur með góðum árangri. Árin þar á undan aðstoðaði hann 2. og 3.flokk karla og aðstoðaði Ágúst Jóhannsson með meistaraflokkinn þegar liðið komst upp úr 1.deildinni tímabilið 2008-2009. Þá var hann leikmaður en meiddist alvarlega í upphafi tímabils og aðstoðaði þjálfarateymið það sem eftir lifði tímabils.

Grótta fékk bikarmeistara Selfoss í heimsókn á Nesið sunnudaginn 22.apríl. Búist var við hörkuleik enda liðin í 4. og 5.sæti deildarinnar. Gróttustrákarnir byrjuðu leikinn af miklum krafti, vel einbeittir og tilbúnir í slaginn. Heimamenn komust strax yfir og leiddu leikinn strax frá upphafi. Munurinn jókst þegar leið á fyrri hálfleikinn og sigurinn í raun aldrei í hættu.

Veturinn hjá drengjunum í 2.flokki hefur verið afar skemmtilegur og viðburðarríkur. Deildin hefur gengið ágætlega, leikirnir jafnir og spennandi en sérstaklega má nefna bikarkeppnina þar sem liðið stóð í ströngu gegn sterkum liðum. Í tveimur af þeim þremur leikjum var sigurmarkið skorað þegar tíminn var liðinn en niðurstaðan aðeins undanúrslit.