Grótta

Um helgina fer fram mjög stórt fjölliðamót í 6.flokki drengja hérna á Nesinu í Hertz-höllinni. Um er að ræða þriðja íslandsmót hjá eldra árinu í 6.flokki drengja en 20 félög tefla fram 42 liðum í þessum árgangi. Fyrstu leikir hefjast kl. 15:30 á föstudeginum en leikið er bæði í stóra og litla salnum. Seinustu leikjum lýkur rétt fyrir kl. 18:00 á sunnudeginum en þá eru 86 leikjum lokið. Grótta teflir fram einu liði í þessum árgangi og leikur það í 2.deild eftir að hafa verið í 1.deild á seinasta móti.