Grótta

Nanna Guðmundsóttir hefur verið valin í landsliðið til að keppa á Norðurlandamóti unglinga sem fer fram í Elverum í Noregi 24. - 26. maí. Fimleikasamband Íslands sendir lið til keppni í stúlkna- og drengjaflokki.

Sunnudaginn 19. maí fór fram fyrsta Íslandsmótið í AT fimleikum. AT fimleikar eru nýtt keppnisfyrirkomulag þar sem tveir keppendur eigast við á hverju áhaldi og því um hreina úrslitaviðureign að ræða í hvert sinn. Domino keppti á tvíslá við Tinnu Óðinsdóttur úr Gerplu og það fór svo að Domino sigraði með eiknunnina 11,8.

Kvenna- og karla landslið Íslands komu heim fyrir viku síðan frá Evrópumótinu í áhaldafimleikum sem að fór fram í Moskvu. Íslenska landsliðið var skipað tveimur körlum (Ólafur Garðar Gunnarsson og Sigurður Andrés Sigurðsson) og fjórum konum (Dominiqua Alma Belányi,Norma Dögg Róbertsdóttir, Tinna Óðinsdóttir og Thelma Rut Hermannsdóttir). Keppendur frá 37 löndum tóku þátt að þessu sinni, 168 karlar og 93 konur börðust um Evrópumeistaratitilinn.

Bikarmót FSÍ í almennum fimleikum fór fram í Keflavík um helgina. Grótta varð bikarmeistari í flokki 11-12 ára stúlkna og í 2. og 4. sæti í flokki 13 ára stúlkna. Í bikarmeistaraliði Gróttu voru þær Ella María Georgsdóttir, Guðrún Soffía Hauksdóttir, Hildur Jóhannesdóttir og Marta Ákadóttir.