Grótta

Laugardaginn 11. maí stendur Kraftlyftingadeild Gróttu sem stofnuð var í árslok 2011 fyrir sínu fyrsta stóra opna móti sem er Íslandsmeistaramót í klassískum kraftlyftingum. Mótið verður haldið í íþróttahúsi Seltjarnarness og er þetta jafnframt í fyrsta sinn sem keppt verður í klassískum kraftlyftingum hér á landi en þær eru með aðeins öðru sniði en hefðbundnar kraftlyftingar. Í klassískum kraftlyftingum er keppt „á kjötinu“ eins og það er kallað þegar keppt er án alls aukabúnaðar þ.e. án sérstakra bróka og bola sem gefa aukinn styrk.

Íslandsmeistaramótið í kraftlyftingum fór fram í Njarðvík um helgina. Grótta vann stigabikarinn með fullt hús stiga og er því Íslandsmeistari í kraftlyftingum 2013. Aron Teitsson gerði sér lítið fyrir og hlaut stigabikar karla með því að lyfta samtals 738 kg í -83 kg flokki sem er jafnframt Íslandsmet. Hann setti Íslandsmet í bekkpressu (208 kg) og tvíbætti Íslandsmetið í réttstöðulyftu þegar hann endaði mótið á glæsilegri 280 kg lyftu.

Norðurlandamót unglinga í kraftlyftingum fór fram um helgina .Grótta átti tvo fulltrúa á mótinu, þær Arnhildi Önnu Árnadóttur og Fanney Hauksdóttur. Þær stóðu sig gríðarlega vel og voru grjótharðar að vanda.

Annað árið í röð sigraði kraftlyftingadeild Gróttu á Íslandsmeistaramótinu í bekkpressu. Með hrikalegum lyftum og rosalegum anda náðu keppendur Gróttu í fimm gullverðlaun, þrjú silfur og eitt brons.