Á morgun kl. 16:30 leikur 3. flokkur karla umspilsleik um sæti í B-riðli. Gróttustrákarnir komust í umspilið á bestum árangri í öðru sæti en þrír C-riðlar voru spilaðir í sumar. Andstæðingur Gróttu verður lið KS/Tindastóls/Hvatar en eins og nafnið gefur til kynna er liðið skipað strákum frá Blönduósi, Sauðárkróki, Siglufirði og Ólafsfirði. Í hinum leiknum spilar Aftuelding við Breiðablik 2. Leikurinn fer fram á Gróttuvelli og eru allir hvattir til að mæta á völlinn og styðja strákana í þessum mikilvæga leik. Lesa meira

Nú eru aðeins þrjár umferðir eftir í 1.deildinni í knattspyrnu og baráttan tekin að harðna. Á laugardaginn fer Gróttuliðið upp á Akranes og leika gríðarlega mikilvægan leik við lið ÍA. Leikurinn hefst kl. 14:00 en strákarnir okkar eru að berjast um öruggt sæti í deildinni og eru sem stendur í 10. sæti. Gengi liðsins hefur verið upp og ofan í undaförnum leikjum en strákarnir eru staðráðnir að berjast til síðasta blóðdropa í þeim leikjum sem eftir eru. Seltirningar og aðrir Gróttumenn eru hvattir til að gera sér leið upp á Akranes á laugardaginn og hvetja okkar menn til dáða. Lesa meira

Helgina 20-22. ágúst fór fram úrtökumót KSÍ á Laugarvatni þar sem 60 efnilegum fótboltastrákum fæddum 1995 var boðið að taka þátt. Grótta átti fjóra í þessum flotta hópi en það voru þeir Björn Valdimarsson, Gunnar Kolbeinsson, Helgi Hilmarsson og Sæmundur Ólafsson. UBK átti sjö leikmenn í hópnum og Grótta, Afturelding, Stjarnan og KR fjóra. Lesa meira

Stjórn knattspyrnudeildar Gróttu hefur ráðið Sigurð Helgason til að taka við þjálfun á meistaraflokki félagsins. Sigurður hefur þjálfað yngri flokka félagsins síðustu árin með góðum árangri og er núverandi þjálfari 2. og 3. flokks hjá félaginu. Sigurður mun taka strax við meistarflokki félagsins og stýra liðinu síðustu leikjum liðsins í 1.deildinni þar sem Grótta er í mikilli baráttu að halda sínu sæti í deildinni. Lesa meira