Yngri flokkarnir á fleygiferð í Íslandsmótinu

5. flokkur karla

Eftir vel heppnað N1-mót hafa strákarnir í 5. flokki leikið tvo leiki á Íslandsmótinu gegn Víking og Aftureldingu. A-liðið hefndi ófaranna frá Akureyri og sigraði lið Víkings 4-1 í Fossvoginu. Frábær leikur hjá strákunum sem sýndu sannarlega hvað í þeim býr. B-liðið náði 2-2 jafntefli eftir að hafa verið 2-1 undir í hálfleik. C-liðið vann öruggan 3-1 sigur á meðan D-liðið tapaði 4-1.

Leikurinn við Aftureldingu hjá A-liðinu var mjög jafn og markalaust í hálfleik. Snemma í seinni hálfleik skoraði Afturelding en Gróttudrengirnir svöruðu strax með marki út víti. Aftur komust Mosfellingar yfir og í annað sinn jöfnuðu Gróttustrákarnir og leikar því jafnir, 2-2. B-liðið átti einn sinn besta leik í sumar í miklum baráttuleik sem endaði einnig 2-2 þar sem Gróttustrákarnir voru afar nálægt því að stela sigrinum í lokin. C-liðið vann frábæran 3-2 sigur en D-liðið laut í lægra haldi, 2-1, þrátt fyrir mjög góðan leik.

 

5. flokkur kvenna

 

Í 5. flokki er flottur hópur Grótustelpna sem flestar eru á sínu öðru ári í fótbolta. Eins og við sögðum frá í frétt 23. júní www.grottasport.is/knattspyrnudeild/frettir/nr/2009 fóru stelpurnar á stórvel heppnað Pæjumót í Eyjum í síðasta mánuði og stóðu sig vel.  5. flokkurinn hefur leikið átta leiki í Íslandsmótinu það sem af er sumri og tekist að vinna einn. Miklar framfarir hafa þó sést hjá liðinu í síðustu leikjum þrátt fyrir að marga leikmenn hafi vantað vegna sumarfría. 5. flokkur kvenna tók þátt í Símamótinu og síðustu helgi og verður betur sagt frá því í sérstakri frétt sem er í bígerð.

 

4. flokkur karla

 

Eins og við greindum frá í frétt okkar 12. júlí /www.grottasport.is/knattspyrnudeild/frettir/nr/2028 voru strákarnir í 4. flokki á góðu flugi í 3 sæti A-riðils og mikilvægur leikur við Stjörnuna í vændum. Sá leikur reyndist heldur betur spennandi hjá A-liðinu en Davíð kom Gróttu yfir snemma leiks með sannkölluðu þrumuskoti fyrir utan teig. Stjörnumenn svöruðu hins vegar fyrir sig með mörkum fyrir og eftir leikhlé og allt virtist stefna í Sjörnusigur. Gróttustrákarnir gáfust hins vegar ekki upp og sýndu frábæran karakter með því að jafna leikinn undir lokin en þar var Arnór að verki með góðu skoti út teignum. B-iðið náði sér aldrei á flug í leiknum við Sjörnuna og laut í lægra haldi í sannkölluðum markaleik sem endaði 7-4 fyrir Garðbæinga. C-liðið lék svo síðastliðinn föstudag við lið Fjölnis og vann þar 8-0 stórsigur í góðum leik. Strákarnir í 4. flokki undirbúa sig nú af kappi fyrir Norway Cup en nú er aðeins vika í brottför.

 

4. flokkur kvenna

 

Stelpurnar í 4. flokki léku við ÍBV á heimavelli í töluverðu roki fyrir nokkrum vikum. Gróttuliðið var miklu betra allan leikinn og uppskar mark um miðbik seinni hálfleiks þegar Andrea slapp ein inn fyrir vörn Vestmannaeyinga og skoraði með góðu færi. Því miður tókst ÍBV að jafna rétt fyrir lok leiksins og jafntefli því niðurstaðan. Farið var á Höfn í Hornafirði og leikið við lið Sindra. Tapaðist sá leikur 4-1 þar sem okkar stelpur hefðu getað gert mikið mun betur. Slakur leikur á móti Þrótti á mánudag fylgdi svo í kjölfarið en leikurinn endaði með stórsigri Þróttarstúlkna. Í dag lauk fyrsti degi ReyCup í Laugardal en þar eru 4. flokks stelpurnar í eldlínunni og hafa þegar spilað tvo leiki - eitt tap og einn sigur. Færum ykkur frekari fréttir af því um helgina.

 

Sérstök umfjöllun og leiki 2. og 3. flokks mun að öllum líkindum rata inn á síðuna eftir helgina.