Faxaflóamótin eru að rúlla af stað þessa dagana en á laugardaginn voru spilaðir fjórir leikir á Gróttuvelli. 4. flokkur kvenna spila í fyrsta sinn í rúmlega ár undir merkjum Grótta þegar stelpurnar tóku á móti Grindavík og töpuðu naumlega 4-3. 2. flokkur fór vel af stað með 3-1 sigri á Haukum, 3. flokkur vann frábæran 3-2 sigur á Breiðablik og þá vann 4. flokkur sinn annan leik í röð með því að leggja Selfoss 1-0. Lesa meira

Um liðna helgi átti Grótta þrjá fulltrúa á úrtaksæfingum yngra landsliða KSÍ. Pétur Theodór Árnason æfði með U-17 ára liðinu sem sigraði sinn riðil í undankeppni EM og mun leika í milliriðli í byrjun næsta árs. Þeir Bjarki Már Ólafsson og Oddur Karl Heiðarsson æfðu með U-19 ára liðinu en þetta voru fyrstu landsliðsæfingar Bjarka á ferlinum. Oddur var hins vegar nokkrum sinnum valinn í úrtakshóp U-17 árið 2010 en komst ekki í lokahópinn. Knattspyrnudeild Gróttu er stolt af þessum efnilegu drengjum sem eiga vonandi bjarta framtíð í landsliðum Íslands í fótbolta. Lesa meira

Viggó Kristjánsson, leikmaður 2. og meistaraflokks Gróttu, hefur verið valinn í úrtakshóp U-19 ára landsliðs Íslands í knattspyrnu. Viggó lék 20 leiki í 1. deildinni í sumar og skoraði eitt mark. Hann var ekki í síðasta landsliðshóp sem var kallaður saman í sumar en er nú valinn á ný og er það mikið gleðiefni. 18 manna lokahópur fyrir EM U-17 ára landsliða var kynntur í gær en þeir Helgi Hilmarsson og Pétur Theodór Árnason komust hvorugur í gegnum síðasta niðurskurð. Lesa meira

Íslenska U17 ára liðið undirbýr sig nú af kappi fyrir undankeppni EM sem haldin verður í Ísrael síðar í mánuðinum. Eins og komið hefur fram hér á Gróttusport eru þeir Helgi Hilmarsson og Pétur Theodór Árnason í æfingahópi landsliðsins en endanlegur hópur verður tilkynntur í kvöld. Í morgun lék 2. flokkur Gróttu æfingaleik við landsliðið en Pétur lék fyrri hálfleik með íslenska liðinu. Gróttuliðið hafði 1-0 forystu í eftir frábæran fyrri hálfleik en í þeim síðari skipti landsliðið inn glænýju liði sem fór illa með örþreytta Gróttustrákana. Lesa meira

Markmaðurinn ungi og efnilegi, Helgi Hilmarsson, hefur skrifað undir samning við knattspyrnudeild Gróttu. Helgi, sem er 16 ára gamall, var lykilmaður í liði 3. flokks í sumar og er nú á fleygiferð með U17 ára landsliðinu í undirbúningi fyrir EM í Ísrael í október. Í sumar mætti Helgi á margar æfingar hjá meistaraflokki og stóð sig jafnan með mikilli prýði. Það má því ætla að hans fyrsta tækifæri í leik sé ekki langt undan. Sjá nánar hér að neðan. Lesa meira

Þessa dagana eru þeir Bjarki Már Ólafsson og Pétur Theodór Árnason, leikmenn 2. flokks, á reynslu hjá enska 1. deildarliðinu Reading. Þeir munu æfa með liðinu í 10 daga ásamt því að spila 2-3 leiki. Útsendarar Reading uppgötvuðu Pétur á Norðurlandamóti U17 fyrr í sumar en þeir hafa svo fylgst með Bjarka síðustu vikur. Þetta er sannarlega frábær reynsla fyrir strákana og mikill heiður fyrir Gróttu að hafa tvo leikmenn á reynslu hjá stóru ensku liði. Sjá nánar hér að neðan. Lesa meira

Uppskeruhátíð knattspyrnudeildar fer fram sunnudaginn 25.september kl.16.00 í íþróttahúsi Seltjarnarness. Dagskráin verður hefðbundin, allir iðkendur í 6., 7. og 8. flokki fá þátttökuviðurkenningu og verðlaun verða veitt fyrir framfarir og ástundun í 5. - 2. flokki. Að því loknu verður boðið upp á kökuhlaðborð Gróttuforeldra. Á upperskuhátíðinni kynnum við nýja þjálfara og kveðjum þá sem eru að hætta. Foreldrar, systkini, afar og ömmur og aðrir velunnarar Gróttukrakkanna eru velkomnir á uppskeruhátíðina.
Lesa meira

Á meðan A-lið 2. og 3. flokks leika aðeins 10 leiki í Íslandsmóti allt sumarið er B-liðs 2. flokks þeirrar gæfu aðnjótandi að spila í 14 leikja móti. Síðustu vikur hafa strákarnir spilað nokkuð marga leiki og hafa sigrað fjóra af síðustu fimm, nú síðast FH í gær. Gróttustrákarnir eru nú í 4. sæti deildarinnar þegar einum leik er ólokið. Það er frábært hjá 2. flokki Gróttu að tefla fram B-liði. Þar fá leikmenn dýrmæta leikreynslu fyrir A-liðið ásamt því að fleiri strákar úr 3. flokki fái tækifæri. Lesa meira

Í gærkvöldi spiluðu strákarnir í 2. flokki sinn síðasta leik í sumar þegar Hamarsmenn voru burstaðir 7-0 í Hveragerði. Niðurstaða sumarsins er 3. sæti, rétt eins og í fyrra, og því ljóst að baráttan langa um sæti í B-riðli heldur áfram á næsta ári. Gróttuliðið átti marga frábæra spretti í sumar en missteig sig líka hraparlega sem kostaði ansi mörg stig. Förum hér stuttlega yfir síðustu leiki Íslandsmótsins hjá Gróttustrákunum. Lesa meira

2. flokkur hóf leik í Íslandsmótinu á sunnudaginn þegar A-liðið spilaði við Selfyssinga og B-liðið við Fjölni. Stór skörð voru höggvin í A-liðið þar sem Viggó byrjaði mótið í leikbanni og Siggi Gumm, Árni Jóhann, Emil og Jóhannes voru meiddir. Leikurinn var þó hin besta skemmtun og bauð upp á fjögur mörk og eitt rautt spjald. Nánar hér að neðan. Lesa meira

Það er ekki hægt að segja annað en að 2. flokkur Gróttu hafi endað Faxaflóamótið með stæl en liðið sigraði fjóra af síðustu fimm leikjum sínum. Síðasti leikur Gróttuliðsins var á laugardaginn gegn ÍBV og enduðu leikar 2-0. Nokkrum dögum áður gerðu Gróttustrákarnir sér lítið fyrir og sigruðu lið Breiðabliks 3-0 í skemmtilegum leik. Lesa meira

Faxaflóamótið hefst með látum á sunnudaginn þegar Mosfellingar mæta til leiks á Gróttuvöll og etja kappi við okkur í A- og B-liðum. Liðskipan og mætingatíma má sjá hér að neðan: Lesa meira

2. flokkur lauk leik á Íslandsmótinu í gær þegar Leiknir kom í heimsókn á Gróttuvöll í sannkölluðum toppslag. Staða Gróttuliðsins var hins vegar erfið því að til að ná öðru sæti riðilsins þurfti Grótta að sigra Leikni með fjórum mörkum og ná þannig að skjótast fram fyrir Breiðhyltinga. Skemmst er frá því að segja að Grótta hafði 2-1 sigur sem dugaði þó aðeins í 3. sæti riðilsis vegna markatölu. Leikurinn fer hins vegar í sögubækurnar fyrir mikinn hasar - smellið á meira til að lesa umfjöllun. Lesa meira

Það má með sanni segja að 2. flokkur Gróttu hafi ekki litið jafn vel út í mörg ár. Stór og góður hópur hefur æft vel í allan vetur undir stjórn Sigga Helga og lofar byrjun sumarsins góðu. Strákarnir hafa nú sigrað tvo fyrstu leiki Íslandsmótsins og komist áfram í VISA-bikarnum eftir góðan sigur á Haukum. Lesa meira