2. flokkur byrjar vel
Það má með sanni segja að 2. flokkur Gróttu hafi ekki litið jafn vel út í mörg ár. Stór og góður hópur hefur æft vel í allan vetur undir stjórn Sigga Helga og lofar byrjun sumarsins góðu. Strákarnir hafa nú sigrað tvo fyrstu leiki Íslandsmótsins og komist áfram í VISA-bikarnum eftir góðan sigur á Haukum.
Lesa meira
Góður sigur Gróttu á ÍA í 2.flokki karla
Grótta tók á móti Skagamönnum í 2.flokki karla í gær í blíðviðri á Gróttuvellinum. Leikurinn einkenndist af jafnræði til að byrja með en um miðjan hálfleikinn átti Viggó skot í þverslá úr aukaspyrnu. Stuttu síðar komst Jóhann Páll Ástvaldsson upp vinstri vænginn eftir sendingu frá Viggó, tékkaði inn og sendi boltann í netið framhjá markverði Skagamanna. Staðan í hálfleik var 1-0. Í þeim síðari áttu Gróttumenn hættuleg færi en Skagamenn áttu eitt dauðafæri eftir horn en þá var bjargað á marklínu. Það var síðan Eiríkur Ársælsson sem að skoraði annað mark Gróttu og undir lokin náði Kristófer Magnússon að innsigla sigurinn með góðu marki hægra megin í teignum. 3-0 sigur gegn sterku liði Skagamanna.
Lesa meira
Dómaranámskeið fimmtudaginn 18.mars
Unglingadómaranámskeið hjá Gróttu verður haldið í Vallarhúsinu við gervigrasið fimmtudaginn 18. mars kl. 19:00. Um að ræða tveggja og hálfs tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál. Sá sem lýkur þessu námskeiði öðlast réttindi til þess að dæma í 4. flokki og neðar og getur einnig verið aðstoðardómari í 2. flokki. Námskeiðið er öllum opið sem náð hafa 15 ára aldri. Námskeiðið er ókeypis.
Lesa meira
Oddur í U-17 og Eiki í U-19
Þessa dagana á Grótta tvo glæsilega fulltrúa á úrtaksæfingum yngri landsliða Íslands í knattspyrnu. Á dögunum tók Oddur Karl Heiðarsson, leikmaður 3. flokks, þátt í æfingum U-17 ára landsliðsins og um næstu helgi mun Eiríkur Ársælsson, leikmaður 2. flokks, æfa með U-19 ára liðinu.
Lesa meira
Yngri flokkar Gróttu sumarið 2009 - Seinni hluti
Nú er fótboltasumarið á enda og uppskeruhátíð lokið. Um helgina birtist fyrri hluti upprifjunar um starf og árangur yngri flokka knattspyrnudeildar Gróttu þar sem fjallað var um yngstu flokkana, 8-5. flokk. Nú er komið að umfjöllun um eldri flokkana eða þá sem leika á 11-manna velli. Í umfjöllun sem birtist á síðunni 11. júlí síðastliðinn var farið yfir upphaf sumars svo hér verður lögð áhersla á síðustu tvo mánuði keppnistímabilsins.
Tap og jafntefli hjá U-17 í Wales - Viggó með í báðum leikjum
Íslenska landsliðið í fótbolta skipað leikmönnum yngri en 17 ára tekur þessa dagana þátt í undanriðlum Evrópukeppninnar. Viggó Kristjánsson, leikmaður 2. og meistaraflokks Gróttu, var valinn í liðið og hélt utan með hópnum á sunnudagsmorgun. Fyrr í dag lauk öðrum leik liðsins og endaði hann með 1-1 jafntefli.
Lesa meira
Uppskeruhátíð fótboltans á sunnudaginn
Sunnudaginn 27. sept verður uppskeruhátíð yngri flokka knattspyrnudeildar Gróttu haldin í Íþróttahúsinu. Hátíðin hefst kl. 16.00. Veitt verða verðlaun og viðurkenningar í öllum flokkum. Að verðlaunaafhendingu lokinni þá verður kökuhlaðborð í hátíðarsal Gróttu. Að venju þá koma kökurnar frá iðkendunum sjálfum. Þá sér hver iðkandi um að koma með eitthvað til að setja á hlaðborðið.
Lesa meira
Viggó valinn í EM-hóp U17 ára landsliðsins
Viggó Kristjánsson hefur verið valinn í U17 ára landslið karla sem leikur í undankeppni Evrópumeistaramótsins í Wales 27.september - 4.október nk. Þjálfari liðsins er Gunnar Guðmundsson. Við óskum Viggó kærlega til hamingju með valið í þennan EM-hóp.
Lesa meira
Grótta þarf 1 stig til að komast í 1.deild
Á laugardaginn kemur verður 21. umferð Íslandsmóts 2. deildar karla leikin. Úrslitin geta ráðist í þessari umferð, bæði á toppi og botni deildar. Grótta leikur við Víði í Garðinu og þarf eitt stig til að tryggja sæti í 1.deild að ári. Með sigri getur liðið farið langleiðina með að tryggja sér titilinn í ár en þó fer það eftir úrslitum annarra leikja í umferðinni. En allir Gróttarar, nær og fjær, eru hvattir til að koma í Garðinn og styðja strákana til sigurs. Þetta er síðasti útileikurinn og nú þarf Grótta á stuðningi að halda. Leikurinn fer fram á laugardag og hefst kl. 12 í Garðinum! Allir að mæta! Áfram Grótta!
Lesa meira
Grótta er einum sigri frá 1.deild
Á morgun taka Gróttumenn á móti BÍ/Bolungarvík í 20.umferð 2.deildar karla. Með sigri tryggir Grótta sér sæti í 1.deild að ári. Það þarf því ekkert að fjölyrða neitt frekar um mikilvægi leikins á morgun. Gestirnir eiga enn möguleika á að komast upp og því verður klárlega um hörkuleik að ræða. Strákarnir í Gróttunni þurfa því á miklum stuðningi að halda og eru því allir hvattir til að mæta og hvetja strákana áfram. Leikurinn hefst kl. 14 og fer fram á Gróttuvelli. Áfram Grótta!
Lesa meira
Líf og fjör í yngri flokkunum
4. flokkur sigrar KR og 2. flokkur krækir í stig
Nóg hefur verið um að vera í yngri flokkum knattspyrnunnar þessa vikuna og hafa nær allir flokkar spilað einhverja leiki. Hér verður farið yfir úrslit síðustu viku og greint frá næstu leikjum.
Lesa meiraFramkvæmdir við hlaupabraut hafnar
Knattspyrnudeild vill vekja athygli á því að þar sem að framkvæmdir við hlaupabraut á vallarsvæðinu eru hafnar þá mun aðgangur að svæðinu vera takmarkaður. Verið er að vinna með hættuleg og dýr efni sem mega ekki við skemmdum af völdum bolta eða umgangs á vinnusvæðinu. Þar með verða æfingar yngstu flokkanna annaðhvort inni eða á sparkvöllum bæjarins. Þjálfarar gefa allar nánari upplýsingar um fyrirkomulag æfinga. Við biðjum velvirðingar á þeirri röskun sem kemur til með að vera á næstu dögum en um leið óskum eftir þolinmæði og skilningi vegna þessa.
Lesa meira
Grótta - Hamar á morgun í 2.deildinni
Gróttumenn leika sinn annan leik á Íslandsmótinu á morgun þegar þeir taka á móti liði Hamars úr Hveragerði. Leikurinn hefst kl. 14 og fer fram á gervigrasvellinum við Suðurströnd. Ljóst er að um hörkuleik verður að ræða þar sem að Gróttumenn fengu aðeins eitt stig út úr fyrsta leiknum í deildinni og vilja klárlega koma sér á beinu brautina með sigri á morgun. Hamarsmenn koma af krafti í þennan leik eftir tap í fyrstu umferð. Hvetjum alla til að koma á leikinn!
Lesa meira
Grótta meistari B-deildar Lengjubikarsins!
Meistaraflokkur Gróttu í knattspyrnu sigraði lið Fjarðabyggðar í úrslitaleik B-deildar Lengjubikarsins núna í dag en leikurinn fór fram í Boganum á Akureyri. Leikurinn endaði með 1-2 sigri Gróttu en Ásgrímur Sigurðsson skoraði en hitt markið var sjálfsmark. Þetta er í fyrsta skipti sem að Grótta sigrar Lengjubikarinn og í fyrsta skipti í 18 ár sem að meistaraflokkur Gróttu sigrar í móti utanhúss á vegum KSÍ. Nánari umfjöllun um leikinn kemur von bráðar.
Lesa meira
Árni Ingi Pjetursson kominn til Gróttu
Gengið var í dag frá félagaskiptum fyrir Árna Inga Pjetursson úr ÍA yfir í Gróttu. Árni Ingi er Gróttumönnum vel kunnugur en hann lék með liðinu sumarið 2007. Árni Ingi er er þrítugur sóknarmaður og er mikill fengur fyrir liðið og félagið. Í millitíðinni lék Árni með ÍA í Landsbankadeildinni. Meðal liða sem Árni hefur spilað fyrir eru KR, Fram, Valur og ÍR. Árni á að baki 26 leiki fyrir U19 ára landsliðið og 20 fyrir U17. Árni Ingi var á sínum tíma sá yngsti til að spila í úrvalsdeild en hann var þá rúmlega 15 ára gamall er hann lék sinn fyrsta leik fyrir KR.
Lesa meira
