Mikið var um dýrðir í gær þegar Gróttublaðið - jólarit knattspyrnudeildar kom út. Ritstjórn blaðsins afhenti Ásgerði Halldórsdóttur bæjarstjóra blaðið við hátíðarlega athöfn í hádeginu en seinni partinn hófst dreifing blaðsins. Gróttublaðið ætti að vera komið inn um lúgur allra Seltirninga á hádegi í dag, laugardag, en fljótlega verður það aðgengilegt á vef Gróttu. Í Gróttublaðinu er fjallað um starfsemi knattspyrnudeildar frá ýmsum hliðum og farið yfir síðasta fótboltasumar. Meðal efnis er viðtal við Kristján Finnbogason, leikmann ársins hjá Gróttu, og myndir af öllum yngri flokkum knattspyrnudeildarinnar. Lesa meira

3. flokkur karla tók á móti Aftureldingu í annari umferð Faxaflóamótsins á laugardag. Aðfaranótt föstudags hafði snjóað heilmikið en á sama tíma stóð snjóbræslukerfið á sér. Bjarni Jakob Stefánsson vallarstjóri sá þó til þess að hægt væri að spila leikinn en hann ruddi völlinn sem óður maður á föstudag og laugardagsmorgun. A-liðið sigraði sinn leik 4-2 eftir að hafa lent 2-0 undir en B-liðið laut í lægra haldi fyrir Mosfellingum í hörkuleik. Eyjólfur Garðarsson stórljósmyndari var á vellinum og tók skemmtilegar myndir. Lesa meira

Grótta átti hvorki fleiri né færri en 5 leikmenn á úrtaksæfingum KSÍ um helgina. Þeir Bessi Jóhannsson og Hjalti Már Hjaltason æfðu með U17 ára liðinu, Pétur Theodór Árnason með eldri hóp U17 og þeir Bjarki Már Ólafsson og Oddur Karl Heiðarsson með U19. Frábært hjá Bjarka og Oddi að vera valdir en þeir komu inn í síðasta hóp vegna forfalla og hafa greinilega sýnt sig og sannað á þeim æfingum. Lesa meira

Faxaflóamótin eru að rúlla af stað þessa dagana en á laugardaginn voru spilaðir fjórir leikir á Gróttuvelli. 4. flokkur kvenna spila í fyrsta sinn í rúmlega ár undir merkjum Grótta þegar stelpurnar tóku á móti Grindavík og töpuðu naumlega 4-3. 2. flokkur fór vel af stað með 3-1 sigri á Haukum, 3. flokkur vann frábæran 3-2 sigur á Breiðablik og þá vann 4. flokkur sinn annan leik í röð með því að leggja Selfoss 1-0. Lesa meira

Um liðna helgi átti Grótta þrjá fulltrúa á úrtaksæfingum yngra landsliða KSÍ. Pétur Theodór Árnason æfði með U-17 ára liðinu sem sigraði sinn riðil í undankeppni EM og mun leika í milliriðli í byrjun næsta árs. Þeir Bjarki Már Ólafsson og Oddur Karl Heiðarsson æfðu með U-19 ára liðinu en þetta voru fyrstu landsliðsæfingar Bjarka á ferlinum. Oddur var hins vegar nokkrum sinnum valinn í úrtakshóp U-17 árið 2010 en komst ekki í lokahópinn. Knattspyrnudeild Gróttu er stolt af þessum efnilegu drengjum sem eiga vonandi bjarta framtíð í landsliðum Íslands í fótbolta. Lesa meira

Orri Axelsson mun á komandi keppnistímabili þjálfa 7. flokk karla, 6. flokk kvenna og vera aðstoðarþjálfari 4. flokks karla. Þetta var tilkynnt á blaðamannafundi í gær þar sem Orri skrifaði undir samning í vallarhúsinu. Orri, sem er með UEFA-B þjálfaragráðu, er nú að hefja sitt 6. starfsár sem þjálfari hjá Gróttu en á síðasta tímabili var hann aðalþjálfari hjá 6. flokki karla og 3. flokki kvenna. Það er mikill fengur fyrir knattspyrnudeildina að hafa Orra áfram innan sinna vébanda en nokkur lið föluðust eftir starfskröftum hans í haust.

Lesa meira

Pétur Steinn Þorsteinsson, 14 ára leikmaður 3. flokks Gróttu, æfði um liðna helgi með U-16 ára liði Íslands í fótbolta. Hópurinn æfði tvisvar um helgina undir stjórn þjálfarans reynda, Freys Sverrisonar. U-16 ára liðið keppir yfirleitt ekki landsleiki en er nokkurs konar undirbúningur fyrir U-17 ára liðið sem er yfirleitt skipað strákum á eldra ári í 3. flokki. Lesa meira

Bessi Jóhannsson, 15 ára leikmaður 3. flokks Gróttu, hélt í gærmorgun til Manchester á Englandi til að taka þátt í úrslitum í hæfileikakeppni Bobby Charlton skólans. Bessi var einn af hundruðum ungmenna sem sóttu þennan víðfræga knattspyrnuskóla í sumar og stóð uppi sem sigurvegari í knattþrautakeppni á sínu námskeiði. Það veitti honum farmiða í lokakeppnina sem er haldin á sunnudaginn. Lesa meira

Viggó Kristjánsson, leikmaður 2. og meistaraflokks Gróttu, hefur verið valinn í úrtakshóp U-19 ára landsliðs Íslands í knattspyrnu. Viggó lék 20 leiki í 1. deildinni í sumar og skoraði eitt mark. Hann var ekki í síðasta landsliðshóp sem var kallaður saman í sumar en er nú valinn á ný og er það mikið gleðiefni. 18 manna lokahópur fyrir EM U-17 ára landsliða var kynntur í gær en þeir Helgi Hilmarsson og Pétur Theodór Árnason komust hvorugur í gegnum síðasta niðurskurð. Lesa meira

Íslenska U17 ára liðið undirbýr sig nú af kappi fyrir undankeppni EM sem haldin verður í Ísrael síðar í mánuðinum. Eins og komið hefur fram hér á Gróttusport eru þeir Helgi Hilmarsson og Pétur Theodór Árnason í æfingahópi landsliðsins en endanlegur hópur verður tilkynntur í kvöld. Í morgun lék 2. flokkur Gróttu æfingaleik við landsliðið en Pétur lék fyrri hálfleik með íslenska liðinu. Gróttuliðið hafði 1-0 forystu í eftir frábæran fyrri hálfleik en í þeim síðari skipti landsliðið inn glænýju liði sem fór illa með örþreytta Gróttustrákana. Lesa meira

Knattspyrnudeild Gróttu hefur náð samingum við Ásgeir Ólafsson um þjálfun 3. og 4. flokks kvenna. Ásgeir, sem er 37 ára gamall, hefur komið víða við á sínum þjálfaraferli, meðal annars í Danmörku, Noregi og Svíþjóð. Undanfarin fjögur ár hefur hann þjálfað hjá yngri flokkum Stjörnunnar. Ásamt knattspyrnuþjálfun hefur Ásgeir lagt stund á næringarfræði og þjálfað afreksíþróttamenn með snerpu- og styrkarþjálfun. Lesa meira

Þjálfararnir Guðjón Kristinsson og Magnús Örn Helgason hafa verið ráðnir til starfa sem þjálfarar 3. flokks karla í knattspyrnu. Tvímenningarnir eru ekki ókunnugir þessi hópi því fyrir tveimur árum stýrðu þeir sömu strákum í 4. flokki með frábærum árangri. 30 leikmenn voru mættir á fyrstu æfingu tímabilsins sem var haldin síðdegis í dag og lofar hópurinn gríðarlega góðu að sögn þeirra Gauja og Magga. Lesa meira

Uppskeruhátíð knattspyrnudeildar Gróttu var haldin með pompi og prakt síðastliðinn sunnudag. Á hátíðinni veittu þjálfarar iðkendum sínum viðurkenningar fyrir góða frammistöðu en yngstu iðkendurnir fengu allir medalíu. Þá var Ísbjarnarbikarinn veittur í áttunda sinn en hann hlýtur efnilegasti leikmaður yngri flokka. Kristján Finnbogason tók svo formlega við Upptúnsbikarnum sem leikmaður ársins hjá meistaraflokki. Lesa meira

Markmaðurinn ungi og efnilegi, Helgi Hilmarsson, hefur skrifað undir samning við knattspyrnudeild Gróttu. Helgi, sem er 16 ára gamall, var lykilmaður í liði 3. flokks í sumar og er nú á fleygiferð með U17 ára landsliðinu í undirbúningi fyrir EM í Ísrael í október. Í sumar mætti Helgi á margar æfingar hjá meistaraflokki og stóð sig jafnan með mikilli prýði. Það má því ætla að hans fyrsta tækifæri í leik sé ekki langt undan. Sjá nánar hér að neðan. Lesa meira