Núna fer að styttast í jólin. Seinustu æfingar fyrir jólafrí hjá knattspyrnudeild verða mánudaginn 19.desember. Fyrstu æfingar eftir jólafrí verða miðvikudaginn 4.janúar. Á þetta við um 8.flokk til 3.flokks karla og kvenna. Lesa meira

3. flokkur karla tók á móti Aftureldingu í annari umferð Faxaflóamótsins á laugardag. Aðfaranótt föstudags hafði snjóað heilmikið en á sama tíma stóð snjóbræslukerfið á sér. Bjarni Jakob Stefánsson vallarstjóri sá þó til þess að hægt væri að spila leikinn en hann ruddi völlinn sem óður maður á föstudag og laugardagsmorgun. A-liðið sigraði sinn leik 4-2 eftir að hafa lent 2-0 undir en B-liðið laut í lægra haldi fyrir Mosfellingum í hörkuleik. Eyjólfur Garðarsson stórljósmyndari var á vellinum og tók skemmtilegar myndir. Lesa meira

Grótta átti hvorki fleiri né færri en 5 leikmenn á úrtaksæfingum KSÍ um helgina. Þeir Bessi Jóhannsson og Hjalti Már Hjaltason æfðu með U17 ára liðinu, Pétur Theodór Árnason með eldri hóp U17 og þeir Bjarki Már Ólafsson og Oddur Karl Heiðarsson með U19. Frábært hjá Bjarka og Oddi að vera valdir en þeir komu inn í síðasta hóp vegna forfalla og hafa greinilega sýnt sig og sannað á þeim æfingum. Lesa meira

Faxaflóamótin eru að rúlla af stað þessa dagana en á laugardaginn voru spilaðir fjórir leikir á Gróttuvelli. 4. flokkur kvenna spila í fyrsta sinn í rúmlega ár undir merkjum Grótta þegar stelpurnar tóku á móti Grindavík og töpuðu naumlega 4-3. 2. flokkur fór vel af stað með 3-1 sigri á Haukum, 3. flokkur vann frábæran 3-2 sigur á Breiðablik og þá vann 4. flokkur sinn annan leik í röð með því að leggja Selfoss 1-0. Lesa meira

Pétur Steinn Þorsteinsson, 14 ára leikmaður 3. flokks Gróttu, æfði um liðna helgi með U-16 ára liði Íslands í fótbolta. Hópurinn æfði tvisvar um helgina undir stjórn þjálfarans reynda, Freys Sverrisonar. U-16 ára liðið keppir yfirleitt ekki landsleiki en er nokkurs konar undirbúningur fyrir U-17 ára liðið sem er yfirleitt skipað strákum á eldra ári í 3. flokki. Lesa meira

Bessi Jóhannsson, 15 ára leikmaður 3. flokks Gróttu, hélt í gærmorgun til Manchester á Englandi til að taka þátt í úrslitum í hæfileikakeppni Bobby Charlton skólans. Bessi var einn af hundruðum ungmenna sem sóttu þennan víðfræga knattspyrnuskóla í sumar og stóð uppi sem sigurvegari í knattþrautakeppni á sínu námskeiði. Það veitti honum farmiða í lokakeppnina sem er haldin á sunnudaginn. Lesa meira

Viggó Kristjánsson, leikmaður 2. og meistaraflokks Gróttu, hefur verið valinn í úrtakshóp U-19 ára landsliðs Íslands í knattspyrnu. Viggó lék 20 leiki í 1. deildinni í sumar og skoraði eitt mark. Hann var ekki í síðasta landsliðshóp sem var kallaður saman í sumar en er nú valinn á ný og er það mikið gleðiefni. 18 manna lokahópur fyrir EM U-17 ára landsliða var kynntur í gær en þeir Helgi Hilmarsson og Pétur Theodór Árnason komust hvorugur í gegnum síðasta niðurskurð. Lesa meira

Upplýsingagjöf til foreldra og iðkenda verður með nýju sniði en allir flokkar hjá knattspyrnudeild Gróttu fá bloggsíðu. Bloggsíðurnar má sjá ef smellt er á lesa meira. Þjálfarar verða duglegir að setja upplýsingar um starfið, breytingar á æfingatímum, upplýsingar um mót o.fl. inn á bloggsíðurnar. Áfram verður þó góður fréttaflutningur af deildinni hérna á heimasíðu félagsins. Lesa meira

Þjálfararnir Guðjón Kristinsson og Magnús Örn Helgason hafa verið ráðnir til starfa sem þjálfarar 3. flokks karla í knattspyrnu. Tvímenningarnir eru ekki ókunnugir þessi hópi því fyrir tveimur árum stýrðu þeir sömu strákum í 4. flokki með frábærum árangri. 30 leikmenn voru mættir á fyrstu æfingu tímabilsins sem var haldin síðdegis í dag og lofar hópurinn gríðarlega góðu að sögn þeirra Gauja og Magga. Lesa meira

Markmaðurinn ungi og efnilegi, Helgi Hilmarsson, hefur skrifað undir samning við knattspyrnudeild Gróttu. Helgi, sem er 16 ára gamall, var lykilmaður í liði 3. flokks í sumar og er nú á fleygiferð með U17 ára landsliðinu í undirbúningi fyrir EM í Ísrael í október. Í sumar mætti Helgi á margar æfingar hjá meistaraflokki og stóð sig jafnan með mikilli prýði. Það má því ætla að hans fyrsta tækifæri í leik sé ekki langt undan. Sjá nánar hér að neðan. Lesa meira

Þessa dagana eru þeir Bjarki Már Ólafsson og Pétur Theodór Árnason, leikmenn 2. flokks, á reynslu hjá enska 1. deildarliðinu Reading. Þeir munu æfa með liðinu í 10 daga ásamt því að spila 2-3 leiki. Útsendarar Reading uppgötvuðu Pétur á Norðurlandamóti U17 fyrr í sumar en þeir hafa svo fylgst með Bjarka síðustu vikur. Þetta er sannarlega frábær reynsla fyrir strákana og mikill heiður fyrir Gróttu að hafa tvo leikmenn á reynslu hjá stóru ensku liði. Sjá nánar hér að neðan. Lesa meira

Uppskeruhátíð knattspyrnudeildar fer fram sunnudaginn 25.september kl.16.00 í íþróttahúsi Seltjarnarness. Dagskráin verður hefðbundin, allir iðkendur í 6., 7. og 8. flokki fá þátttökuviðurkenningu og verðlaun verða veitt fyrir framfarir og ástundun í 5. - 2. flokki. Að því loknu verður boðið upp á kökuhlaðborð Gróttuforeldra. Á upperskuhátíðinni kynnum við nýja þjálfara og kveðjum þá sem eru að hætta. Foreldrar, systkini, afar og ömmur og aðrir velunnarar Gróttukrakkanna eru velkomnir á uppskeruhátíðina.
Lesa meira

Úrtökumót KSÍ fyrir drengi fædda 1996 var haldið á Laugarvatni um síðustu helgi. Grótta átti tvo afar frambærilega fulltrúa um helgina, þá Bessa Jóhannsson og Davíð Fannar Ragnarsson. Hjalti Már Hjaltason var einnig valinn í æfingahópinn en gat því miður ekki tekið þátt vegna meiðsla. Á úrtökumótinu æfðu strákarnir undir stjórn landsliðsþjálfaranna sem síðan skiptu hópnum í fjögur lið sem spiluðu innbyrðis - þrír leikir á lið. Strákarnir voru að sögn ánægðir með helgina, engin furða enda frábært tækifæri fyrir efnilega knattspyrnumenn að koma saman og æfa og keppa. Lesa meira

3. flokkur karla undirbýr sig nú af kappi fyrir lokaátökin í Íslandsmótinu. Gróttustrákarnir eiga þrjá leiki eftir og eru sem stendur í 2. sæti C-riðilsins með 14 stig. Um helgina skellti flokkurinn sér í æfingaferð á Flúðir þar sem gist var í tjaldi og æft þrisvar sinnum á góðu grasi þeirra Hrunamanna. 21 leikmaður fór með í ferðina ásamt þjálfurum sem voru að sögn ánægðir með ferðina, jafnt fótboltalega sem félagslega. Hér að neðan má sjá skemmtilegar myndir frá ferðinni. Lesa meira