Faxaflóamótin eru að rúlla af stað þessa dagana en á laugardaginn voru spilaðir fjórir leikir á Gróttuvelli. 4. flokkur kvenna spila í fyrsta sinn í rúmlega ár undir merkjum Grótta þegar stelpurnar tóku á móti Grindavík og töpuðu naumlega 4-3. 2. flokkur fór vel af stað með 3-1 sigri á Haukum, 3. flokkur vann frábæran 3-2 sigur á Breiðablik og þá vann 4. flokkur sinn annan leik í röð með því að leggja Selfoss 1-0. Lesa meira

Upplýsingagjöf til foreldra og iðkenda verður með nýju sniði en allir flokkar hjá knattspyrnudeild Gróttu fá bloggsíðu. Bloggsíðurnar má sjá ef smellt er á lesa meira. Þjálfarar verða duglegir að setja upplýsingar um starfið, breytingar á æfingatímum, upplýsingar um mót o.fl. inn á bloggsíðurnar. Áfram verður þó góður fréttaflutningur af deildinni hérna á heimasíðu félagsins. Lesa meira

Knattspyrnudeild Gróttu hefur náð samingum við Ásgeir Ólafsson um þjálfun 3. og 4. flokks kvenna. Ásgeir, sem er 37 ára gamall, hefur komið víða við á sínum þjálfaraferli, meðal annars í Danmörku, Noregi og Svíþjóð. Undanfarin fjögur ár hefur hann þjálfað hjá yngri flokkum Stjörnunnar. Ásamt knattspyrnuþjálfun hefur Ásgeir lagt stund á næringarfræði og þjálfað afreksíþróttamenn með snerpu- og styrkarþjálfun. Lesa meira

Uppskeruhátíð knattspyrnudeildar fer fram sunnudaginn 25.september kl.16.00 í íþróttahúsi Seltjarnarness. Dagskráin verður hefðbundin, allir iðkendur í 6., 7. og 8. flokki fá þátttökuviðurkenningu og verðlaun verða veitt fyrir framfarir og ástundun í 5. - 2. flokki. Að því loknu verður boðið upp á kökuhlaðborð Gróttuforeldra. Á upperskuhátíðinni kynnum við nýja þjálfara og kveðjum þá sem eru að hætta. Foreldrar, systkini, afar og ömmur og aðrir velunnarar Gróttukrakkanna eru velkomnir á uppskeruhátíðina.
Lesa meira

Eftir að æfingarnar hjá 4.flokki kvenna lágu niðri í vetur og í vor, þá er flokkurinn kominn á fullt í fótboltanum. Það er hún Þóra Kristín Jónsdóttir sem þjálfar flokkinn og æfir hann á mánudögum, þriðjudögum, miðvikudögum og fimmtudögum kl. 15:00-16:00. Þannig að þær stelpur sem eru fæddar 1997 og 1998 er velkomið að mæta á æfingar. Lesa meira

Það verður mikið um dýrðir á Gróttuvelli á föstudag en þá fer fram formleg afhending á nýjum DVD-disk, "Tækniskóli KSÍ", Diskurinn er gefinn öllum knattspyrnukrökkum 16 ára og yngri en á honum má finna ýmsar gagnlegar tækniæfingar ásamt viðtölum við landsliðsmenn Íslands í fótbolta. Á föstudaginn er komið að því að afhenda iðkendum Gróttu diskinn en leikmenn meistaraflokks Gróttu munu mæta á svæðið ásamt einstaklingum úr U-21 árs landsliðinu og heilsa upp á krakkana. Dagskráin hefst kl. 15:00 og eru allir iðkendur í 3.-8. flokki eru velkomnir.

Lesa meira

Vikuna 7. - 11.júní sl. var Birna Rún Erlendsdóttir, stúlka í 4.fl. kvenna valin í knattspyrnuskóla KSÍ en skólinn fer fram á Laugarvatni. Bjarni Rögnvaldsson í 4.fl. karla var valinn frá Gróttu í sams konar skóla fyrir drengi en hann var vikuna 14. - 18.júní. Í skólanum æfa leikmenn allra aðildafélaga KSÍ undir handleiðslu landsliðsþjálfara en auk þess fara fram fræðslufyrirlestrar fyrir leikmennina. Lesa meira

Þann 19. maí sl. stóð UEFA (Knattspyrnusamband Evrópu) fyrir sérstökum Grasrótardegi (UEFA Grassroots Day).  Dagurinn 19. maí var ekki valinn af tilviljun, heldur var þessi dagur sérstaklega valinn til að tengja verkefnið úrslitaleik Meistaradeildar UEFA, sem fór fram laugardaginn 22. maí.  Með Grasrótardeginum er minnt á að afreksknattspyrna á hæsta þrepi getur ekki þrifist án heilbrigðrar grasrótar í knattspyrnuhreyfingunni. 4.flokkur kvenna í Gróttu tók þátt í þessum grasrótardegi fyrir hönd Gróttu. Lesa meira

Grótta 1 keppti við ÍR 2 og með sigrinum tryggðu þær sér deildarmeistaratitilinn í B-liðum. Grótta 2 marði sigur á HK í baráttuleik 13-12 og eru þær í öðru sæti deildarinnar á eftir Gróttu1. A-lið Gróttu keppti við HK í Digranesi og byrjuðu þær leikinn illa en rifu sig svo upp og unnu sannfærandi 5 marka sigur. Þær eru efstar í 1. deild þegar þrír leikir eru eftir. Lesa meira

Síðustu helgi fóru 17 stelpur úr 4.fl kvenna norður á Akureyri til þess að taka þátt í Goðamótinu. Grótta sendi 2 lið sem spiluðu í B og C - liða keppni.Á föstudeginum spilaði B - liðið tvo leiki á móti Þór og Magna. Eftir 4-1 tap á móti Þór þá spiluðu stelpurnar gríðarlega vel á móti Magna og unnu þann leik 2-0 með góðum mörkum frá Helgu Völu og Tinnu. Lesa meira

Helgina 8.-10. janúar spiluðu stelpurnar í 3.flokki og 4.flokki í Íslandsmótinu innanhúss en þar er spilað með Futsal reglunum. 3.flokkur spilaði sinn riðil í Vodafone höllinni en 4.flokkur spilaði sinn riðil hérna heima í íþróttahúsinu á Seltjarnarnesi. Lesa meira

Á laugardögum í vetur verða séræfingar fyrir alla iðkendur yngri flokka í fótboltanum. Æfingar verða þannig uppbyggðar að tækni og boltameðerð verða í hávegum hafðar. Ekkert strit heldur einungis verið að vinna með boltann. Leikmenn meistaraflokks munu sjá um þessar æfingar í vetur og á laugardaginn munu þeir Grétar Ali Khan og Pétur Már Harðarson sjá um æfingarnar. Lesa meira

Ungu þjálfaranir Magnús Örn Helgason og Orri Axelsson hafa verið endurráðnir hjá Knattspyrnudeild Gróttu fyrir yngri flokka starfið hjá stelpunum og strákunum fyrir næsta tímabil. Magnús mun þjálfa 3. flokk kvenna og vera aðstoðarþjálfari í 4. flokk karla. Orri mun þjálfa 4. flokk kvenna og 8. flokk kvenna og karla ásamt því að vera aðstoðarþjálfari í 6. og 7. flokki karla. Lesa meira

Sunnudaginn 27. sept verður uppskeruhátíð yngri flokka knattspyrnudeildar Gróttu haldin í Íþróttahúsinu. Hátíðin hefst kl. 16.00. Veitt verða verðlaun og viðurkenningar í öllum flokkum. Að verðlaunaafhendingu lokinni þá verður kökuhlaðborð í hátíðarsal Gróttu. Að venju þá koma kökurnar frá iðkendunum sjálfum. Þá sér hver iðkandi um að koma með eitthvað til að setja á hlaðborðið. Lesa meira