Viggó Kristjánsson er Íþróttamaður æskunnar 2009

Íþróttafélagið Grótta

3.1.2010

Þriðjudaginn 29.desember sl. fór fram kjör á Íþróttamanni Gróttu við hátíðlega athöfn í Hátíðarsal Gróttu. Ennfremur var í fyrsta sinn valinn Íþróttamaður æskunnar hjá Gróttu. Sá ungi og efnilegi einstaklingur sem hlaut þau verðalaun, var knattspyrnupilturinn Viggó Kristjánsson. Viggó lék sína fyrstu landsleiki á árinu, bæði í knattspyrnu og handknattleik og hefur mikla burði til að verða framúrskarandi íþróttamaður.

Viggó Kristjánsson er fæddur árið 1993, þannig að hann er leikmaður 2.flokks karla í knattspyrnu. Hann lék með 3.flokki karla seinasta sumar en einnig lék hann með 2.flokki og meistaraflokki félagsins sem náði þeim glæsilega árangri að komast upp í 1.deild í fyrsta skipti.

Það er von Gróttu að þessi verðlaun eigi eftir að hvetja Viggó áfram til að ná allra hæstu hæðum í knattspyrnunni.

Kjör á Íþróttamanni æskunnar fór með þeim hætti að deildir félagsins tilnefndu unga og efnilega íþróttamenn sína sem höfðu náð framúrskarandi árangri á seinasta ári. Þeir einstaklingar voru:

Fimleikadeild:
Bjarni Geir Halldórsson
Hrafnhildur Sigurjónsdóttir
Una Hallgrímsdóttir

Handknattleiksdeild:
Arndís Ásta Kolbeins
Daði Laxdal Gautason (var erlendis - Aron Gauti bróðir hans tók á móti verðlaunum)
Sigrún Birna Arnardóttir (var erlendis)
Þorgrímur Þórarinsson

Knattspyrnudeild:
Eiríkur Ársælsson
Hafsteinn Bjarnason
Sigurður Steinar Jónsson
Viggó Kristjánsson

Til baka, Senda grein, Prenta greinina