Aðalstjórn
Endurnýjun á Fyrirmyndafélagi ÍSÍ
Íþróttafélagið Grótta
Íþróttafélagið Grótta fékk gæðaverðlaunin Fyrirmyndafélag ÍSÍ fyrst allra félaga fyrir allar sínar deildir 21.apríl 2005. Núna var svo komið að endunýja þurfti gæðaverðlaunin. Gerð var úttekt á félaginu og kom það ekki á óvart að Gróttu fékk endurnýjun á þessum gæðaverðlaunum frá Íþrótta- og Ólympíusambandi Íslands. Verðlaunin fengu hver deild félagsins auk aðalstjórnar á kjöri á Íþróttamanni Gróttu þriðjudaginn 29.desember sl. Það voru formenn hverrar deildar auk Guðrúnar Kaldal varaformanns Gróttu sem tóku á móti verðlaununum.
Íþróttafélagið Grótta getur því áfram stolt talið sig Fyrirmyndafélag ÍSÍ. Skila þurfi ítarlegri greinagerð um skipulag félagsins, umgjörð þjálfunar og keppni, fjármálastjórn, þjálfaramenntun, félagsstarf, foreldrastarf, fræðslu- og forvarnarstarf, jafnréttismála og fleira.
Ólafur Rafnsson formaður ÍSÍ afhenti forsvarsmönnum deilda Gróttu viðurkenninguna. Friðrika Harðardóttir formaður fimleikadeildar, Guðrún Kaldal varaformaður Gróttu, Eiríkur Elís Þorláksson formaður handknattleiksdeildar og Hilmar Sigurðsson formaður knattspyrnudeildar.
