Finnur Ingi Stefánsson er íþróttamaður Seltjarnarness 2009

Íþróttafélagið Grótta

24.2.2010

Á þriðjudagkvöld fór fram kjör Íþróttamanns og konu Seltjarnarness fyrir árið 2009. Kjörið var haldið í Félagsheimili Seltjarnarness að viðstöddu margmenni. Það er skemmst frá því að segja að handboltakappinn Finnur Ingi Stefánsson var valinn fremstur íþróttamanna á Seltjarnarnesi og hlaut þar með nafnbótina Íþróttamaður Seltjarnarness. Að auki var ungt og efnilegt íþróttafólk úr Gróttu verðlaunað ásamt þeim sem léku fyrir Íslands hönd á árinu.

Finnur Ingi er fæddur árið 1987 og hefur stundað handknattleik með Gróttu frá sex ára aldri en á þeim tíma hefur hann sýnt mikinn áhuga og vilja til þess að ná árangri. Finnur hefur leikið með meistaraflokki sl. fjóra vetur, eða allt frá því að Grótta tefldi fram meistaraflokki á ný og hefur átt sæti í yngri landsliðum íslands.
Finnur Ingi hefur verið einn af lykilleikmönnum meistaraflokks karla sl. keppnistímabil en líkt og kunnugt er náði Gróttuliðið þeim frábæra árangri síðasta vetur að vinna sér sæti í N1-deildinni auk þess að spila til úrslita í Eimskips-bikarnum. Finnur var markahæsti leikmaður 1. deildar karla síðasta keppnistímabil og völdu þjálfarar og leikmenn hann efnilegasta leikmann deildarinnar á hinu árlega HSÍ-hófi. Þá var Finnur valinn besti leikmaður meistaraflokks karla á síðustu leiktíð auk þess sem hann var útnefndur Íþróttamaður Gróttu 2008.

Finnur Ingi hefur leikið stórt hlutverk í Gróttuliðinu þetta tímabilið en sem stendur situr liðið í 6. sæti N1-deildarinnar. Hann er mikil fyrirmynd jafnt innan sem utan vallar, æfir af miklum krafti og neytir hvorki áfengis né tóbaks.

Finnur Ingi tekur á móti verðlaununum úr hendi Lárusar B. Lárussonar formanns ÍTS

Tilnefndir til kjörs Íþróttamanns Gróttu; Finnur Ingi Stefánsson, handknattleikur, Guðmundur Örn Árnason, golf og Pétur Már Harðarson, knattspyrna

Tilnefndar til kjörs Íþróttakonu Gróttu; Aðalheiður Guðjónsdóttir fyrir skíði og Steinunn Helga Björgólfsdóttir fyrir blak. Sú sem varð fyrir valinu var Steinunn Helga Björgólfsdóttir en hún æfir blak hjá HK. Steinunn er fædd árið 1991.

________________________________________________________

Ásamt kjöri íþróttamanns ársins voru viðurkenningar veittar til ungra og efnilegra íþróttamanna fyrir að leggja mikið á sig, góða ástundun og árangur. Þeir iðkendur hjá Gróttu sem hlutu þessi verðlaun voru:

Knattspyrna

Bjarki Már Ólafsson
Björn Axel Guðjónsson
Gunnar Birgisson
Oddur Karl Heiðarsson

Fimleikar

Aníta María Einarsdóttir
Ólöf Björk Ingólfsdóttir

Handknattleikur

Eva Björk Davíðsdóttir
Pétur Rögnvaldsson
Rebekka Guðmundsdóttir
Vilhjálmur Geir Hauksson

Knattspyrna: Oddur Karl Heiðarsson, Gunnar Birgisson, Björn Axel Guðjónsson og Bjarki Már Ólafsson

Fimleikar: Aníta María Einarsdóttir. Á myndina vantar Ólöfu Björk Ingólfsdóttir

Handknattleikur: Rebekka Guðmundsdóttir, Eva Björk Davíðsdóttir og Vilhjálmur Geir Hauksson. Á myndina vantar Pétur Rögnvaldsson sem var að keppa

________________________________________________________

Veittar voru viðurkenningar fyrir ungt og upprennandi íþróttafólk sem hefur náð þeim áfanga að leika með unglingalandsliðum eða landsliði sinnar íþróttagreinar.

Ásrún Birgisdóttir - handknattleikur
Dominiqua Alma Belányi - fimleikar
Embla Jóhannesdóttir - fimleikar
Katrín Viðarsdóttir - handknattleikur
Rannveig Smáradóttir - handknattleikur
Viggó Kristjánsson - handknattleikur og knattspyrna
Þráinn Orri Jónsson - handknattleikur

Landsliðsfólk: Rannveig Smáradóttir, Katrín Viðarsdóttir, Embla Jóhannesdóttir, Ásrún Birgisdóttir, Dominiqua Alma Belányi, Margrét Karen Jónsdóttir (systir Þráins Orra sem var að keppa) og Viggó Kristjánsson

________________________________________________________

Íþróttafélagið Grótta óskar öllu þessu stórefnilega og góða íþróttafólki sínu til hamingju með þessi verðlaun og vonar að þau hvetji það til dáða í framtíðinni.

Til baka, Senda grein, Prenta greinina