Niðurstaða gærkvöldsins var með allra sárasta móti. Eins marks tap, og það í þriðja skiptið í vetur gegn Valsmönnum. Í þetta sinn var niðurstaðan sárari, þ.e. að með henni var endir bundinn á frekari þáttöku Gróttuliðsins í Eimskipsbikarnum. Lesa meira

Meistaraflokkur kvenna hefur leikið tvo leiki í 2. deild kvenna frá því að síðasti pistill var skrifaður. Sunnudaginn 7. febrúar lék liðið gegn botnliði deildarinnar Haukum á Ásvöllum. Fyrir leikinn bjuggust ef til vill flestir við auðveldum leik en í liði Hauka voru reynsluboltar á borð við Hörpu Melsteð, Ingu Fríðu Tryggvadóttur og markvörðinn knáa Vigdísi Sigurðardóttur. Lesa meira

Gróttumenn flugu norður í land í dag til þess að spila annan leik ársins. Ljóst var að leikurinn yrði gríðarlega erfiður í Höllinni á Akureyri þar sem stuðningurinn hefur verið með eindæmum í vetur. Bæði lið höfðu tapað síðustu leikjum sínum og Akureyri nokkuð illa í Kaplakrikanum. Lesa meira

Grótta lék á fimmtudagskvöld gegn Völsurum í N1-deildinni í handbolta. Það var greinilegt á liðinum að þau voru að spila sinn fyrsta alvöru leik frá því um miðjan desember því ekki var markaskorið hátt til að byrja með. Eftir 8 mínútur þá hafði Gróttu ekki skorað mark og Valsarar 2-0 yfir. Eftir því sem á leið hálfleikinn náðu okkar strákar forystu og hafði liðið gullið tækifæri til að vera einu marki yfir í hálfleik en fyrrum Grottumaðurinn Hlynur Morthens sá við Antoni Rúnarssyni á vítapunktinum. 13-13 í hálfleik. Lesa meira

Kvennalið Gróttu hefur hafið nýtt ár af miklum krafti. Liðið hefur leikið tvo leiki í deildinni gegn Þrótti og ÍBV. Leikurinn gegn Þrótti vannst með 16 marka mun 30-14 og Grótta bar sigurorð af ÍBV á heimavelli fyrir tíu dögum síðan með þremur mörkum 34-31. Lesa meira

Á föstudagskvöld mættust Grótta og Víkingur í lokaleik ársins í 2.deild kvenna. Fyrir leikinn voru liðin með fæst töpuð stig í deildinni og því ljóst að um hörkuleik var að ræða. Fyrir leikinn hafði Grótta unnið alla fimm leiki sína í deildinni en Víkingur tapað einum af fimm fyrstu leikjum sínum. Lesa meira

Á fimmtudagskvöld fóru okkar strákar í Kópavoginn og öttu kappi við HK. Leikurinn fór ágætlega af stað og komust okkar strákar í 3-2, annars var jafnt á öllum tölum. Undir lok hálfleiksins skoruðu HK-ingar fjögur mörk í röð og komust í 15-10. Grótta náði að minnka lítillega muninn fyrir hlé en hálfleiksstaðan var 16-12. Seinni háfleikur var skelfilegur og greinileg þreyta var á mannskapnum. Lesa meira

Grótta komst á mánudagskvöld í undanúrslit í Eimskipsbikarnum. Leikið var við Víkinga í Víkinni og þurfu okkar menn að hafa mikið fyrir sigrinum. Eftir herfilega byrjun þar sem Víkingar komust í 9-2 snéru okkar menn við blaðinu og minnkuðu muninn í 13-12 fyrir hálfleik. Í síðari hálfleik var jafnræði með liðunum en um miðjan hálfleikinn komust Víkingar í 23-19 og 24-21. Lesa meira

Á fimmtudagskvöld mætti Grótta liði Fram N1-deildinni. Leikurinn fór fram á Nesinu fyrir framan 550 áhorfendur. Fyrir leikinn hafði Gróttuliðið unnið 3 leiki af seinustu 4 og ekkert annað á boðstólnum en að bæta þeim fjórða við. Leikurinn fór hægt af stað en fljótlega komst Gróttan í 5-1. Eftir því sem leið á hálfleikinn náði Framarar að minnka muninn og í hálfleik var jafnt, 15-15. Lesa meira

Grótta vann góðan sigur á Stjörnunni á fimmtudagskvöld í N1 deild karla. Leikurinn fór 25-24 eftir spennuþrungnar lokasekúndur. Grótta var með yfirhöndina allan leikinn og var staðan í hálfleik 12-9 og þegar seinni hálfleikurinn var hálfnaður var Grótta sex mörkum yfir. Fyrir leikinn hafði liðið ekki innbyrt sigur á heimavelli. Þrátt fyrir að Ægi Hrafn vantaði í liðið, var vörnin sterk í leiknum. Lesa meira

Sunnudaginn síðastliðinn fóru Gróttustrákar í heimsókn í Hafnarfjörðinn, nánar tiltekið á Ásvelli og öttu kappi við Hauka. Leikurinn var spennandi framan af en þegar skammt var til leiksloka sigldu Haukastrákar þó fram úr í lokin. Fyrri hálfleikur fór vel á stað og Gróttustrákar komust í 2-1 og leikurinn jafn framan af hálfleiknum og mikil barátta í leikmönnum. Haukamenn náðu mest 4 marka forystu en staðan í hálfleik var 13-11 fyrir Haukum. Lesa meira

Sunnudaginn 15. nóvember fóru Gróttustrákar í heimsókn í Mýrina að etja kappi við Stjörnuna í 16 liða úrslitum Eimskipsbikarsins. Segja má að leikurinn sé aðeins einn af mörgum í að koma Gróttunni í Höllina á nýjan leik. Leikurinn byrjaði vel fyrir Gróttuna og tóku strákarnir fljótt  forystu í fyrri hálfleiknum. Staðan var í hálfleik 14-17 og Gróttuliðið oftar spilað betur. Lesa meira

Kvennalið Gróttu lék gegn HK í glænýju íþróttahúsi HK-inga að Fagralundi, en húsið var einmitt vígt á leikdegi liðanna. Fyrir leik var Grótta með fullt hús stiga eftir þrjá leiki á meðan HK hafði sigrað einn af fjórum fyrstu leikjum sínum. Lesa meira

Á fimmtudagskvöld fóru Gróttumenn í Kaplakrika og öttu þar kappi við heimamenn í FH. Bæði lið höfðu tapað naumlega seinasta leik sínum, Gróttumenn gegn Akureyri og FH-ingar gegn Haukum. Liðin voru því staðráðin að næla sér í 2 mikilvæg stig í baráttunni. Gróttumenn byrjuðu leikinn mjög vel og höfðu yfirhöndina mestan hlut fyrri hálfleiks. Undir lok hálfleiksins náði FH-ingar að komast yfir en með mikilli baráttu og hröðum leik jöfnuðu Gróttumenn fyrir hlé, 16-16. Lesa meira