Grótta - Akureyri: 23 - 24

Handbolti - Mfl. karla

8.11.2009

Fimmtudaginn 5. nóvember kom Akureyri í heimsókn á Nesið. Þetta var fyrsti leikur Gróttuliðsins í tvær vikur voru drengirnir staðráðnir í að ná í 2 stig á heimavelli. Leikurinn byrjaði sannarlega vel fyrir Gróttuliðið, en liðið komst í 5-2. Þá slökuðu Gróttustrákar á og hleyptu Akureyringum meir og meir inn í leikinn. Eftir að Akureyringar höfðu jafnað leikinn sýndu Gróttustrákar styrk sinn og komust tveimur mörkum yfir fyrir leikhlé og hreinlega óheppnir að vera ekki 4-5 mörkum yfir í hálfleik. Nokkur dauðafæri og tvö vítaköst höfðu þá farið til spillis.

Gróttustrákar byrjuðu seinni hálfleikinn ágætlega og héldu forystunni áfram næstu 10 mínuturnar eða svo , en þá náðu Akureyringar að jafna leikinn og komust yfir. Gróttustrákar börðust áfram eins og gremjandi ljón inn á vellinum og náðu forystunni aftur áður. Undir lok leiksins spíttu Akureyringar og komust í tveggja marka forystu þegar skammt var til leiksloka. Gróttustrákar héldu baráttunni áfram og náðu að minnka muninn í eitt mark . Strákarnir unnu svo boltann og áttu möguleika að jafna leikinn í lokasókninni, en hornamaður Akureyrar komst inní sendingu Gróttuliðsins og leiktíminn rann út í kjölfarið.

Eins og segir, gríðarlega svekkjandi tap á heimavelli fyrir framan fulla stúku af áhorfendum sem að létu vel í sér heyra. 530 áhorfendur studdu liðið vel í leiknum.

Gróttustrákar hafa verið gríðarlega óheppnir í seinustu leikjum sínum gegn Val og núna Akureyri. Strákarnir sitja nú í 6.sæti deildarinnar

Markaskor

Atli Rúnar Steinþórsson 8
Hjalti Þór Pálmason 5
Anton Rúnarsson 3
Finnur Ingi Stefánsson 2
Páll Þórólfsson 1
Halldór Ingólfsson 1
Arnar Freyr Theódórsson 1

Í markinu stóð Gísli vaktina með prýði og varði 14 skot og þar af 2 víti.

Næsti leikur liðsins er í Kaplakrika fimmtudaginn 12.nóvember nk. kl. 19:

Til baka, Senda grein, Prenta greinina