HK - Grótta: 17 - 32

Handbolti - Mfl. kvenna

16.11.2009

Kvennalið Gróttu lék gegn HK í glænýju íþróttahúsi HK-inga að Fagralundi, en húsið var einmitt vígt á leikdegi liðanna. Fyrir leik var Grótta með fullt hús stiga eftir þrjá leiki á meðan HK hafði sigrað einn af fjórum fyrstu leikjum sínum.

Gróttustúlkur byrjuðu af krafti og léku frábæra vörn og fengu þar af leiðandi góða markvörslu. Munurinn milli liðanna jókst jafnt og þétt þegar leið á hálfleikinn en heimastúlkur áttu í mestu erfiðleikum með að brjóta varnarmúr Gróttu á bak aftur. Staðan í hálfleik var því 15-6 Gróttu í vil.

Síðari hálfleikur hófst af sama krafti hjá Gróttu og náðu gestirnir fljótlega 13-14 marka sem þær héldu út leiktímann. Gott var að sjá Gróttustelpur klára leikinn af þessum krafti og hleypa HK-ingum ekki nálægt sér. Niðurstaðan var afar sannfærandi 32-17 sigur Gróttustúlkna.

Allir leikmenn Gróttu komu við sögu í leiknum og allir útileikmenn komust á blað. Markverðirnir þrír, Hlíf Reynisdóttir, Rannveig Smáradóttir og Sóley Halldórsdóttir vörðu vel fyrir aftan afar trausta og góða 5-1 vörn Gróttu. Stutt er í næsta leik en á miðvikudag kemur lið Þróttar í heimsókn en liðin eigast þá við í 16 liða úrslitum Eimskips-bikarsins. Leikurinn hefst kl. 19.30 og fer fram á heimavelli Gróttu.

Markaskor:

Bjarney Bjarnadóttir - 8 mörk
Guðrún Dóra Bjarnadóttir - 5 mörk
Katrín Tómasdóttir - 3 mörk
Helga Rún Hlöðversdóttir - 3 mörk
Tinna Laxdal Gautadóttir - 3 mörk
Agnes Guðmundsdóttir - 3 mörk
Sandra Halldórsdóttir - 2 mörk
Ásrún Lilja Birgisdóttir - 2 mörk
Stefanía Jóhannesdóttir - 1 mark
Rebekka Guðmundsdóttir - 1 mark
Eva Sigrún Guðjónsdóttir - 1 mark

Markvarsla:

Hlíf Reynisdóttir - 9 skot
Rannveig Smáradóttir - 10 skot
Sóley Halldórsdóttir - 7 skot

Til baka, Senda grein, Prenta greinina