Á vormánuðum sendi knattspyrnudeild út þjónustukönnun til foreldra og forráðamanna allra iðkenda 3. – 8. flokks.  Um var að ræða netkönnun þar sem markmiðið var að skoða ánægju foreldra með þjálfun, þjálfara, félagslega þætti og þjónustu í heild sinni hjá Gróttu. Svarhlutfallið var gott eða yfir 70% og dreifðist nokkuð jafnt milli flokka.  Almennt má segja að ánægja sé með störf knattspyrnudeildar en á skalanum 1 -10 var meðaltalið 8,1. Aðrar áhugaverðar niðurstöður voru almenn ánægja með þjálfarana (meðaltal 8,04) og með samskipti við foreldra (7,81).

 

Oft hefur verið rætt um jafnvægi milli afreks- og uppeldisstefnu og var ein spurningin um það.  13% foreldra finnst vægi afreksstefnu alltof mikið og 20% foreldra finnst vægið of mikið. Hins vegar finnast 64% foreldra gott jafnvægi milli afreks- og uppeldisstefnu.  3% foreldra finnst síðan vægi uppeldisstefnu of mikið.

 

Almennt má segja að foreldrum finnst að börnin séu ánægð í Gróttu þó ýmislegt megi betur fara. Barna- og unglingaráð vann niðurstöður fyrir hvern flokk og fór yfir með þjálfurum viðkomandi flokka hvað væri vel gert, hvað mætti betur fara og tók þar mið af athugasemdum foreldra.

 

Barna- og unglingaráð knattspyrnudeildar þakkar öllum foreldrum og forráðamönnum iðkenda fyrir það að taka þátt í könnuninni. En þátttaka fór fram úr okkar björtustu vonum!

 

Með sumarkveðju

Barna- og unglingaráð knattspyrnudeildar Gróttu