Hello Kitty mót um seinustu helgi - Myndir

Fimleikadeild Gróttu stóð fyrir Hello Kitty mótinu, sem er boðsmót fyrir 4. 5. og 6. þrep stúlkna laugardaginn 30.janúar 2010. Þetta var í annað skipti sem Fimleikadeild Gróttu hélt Hello Kitty mót, og vonum við að það hafi fest sig í sessi og verði árviss atburður. Á þessu móti eru margar stúlkur að keppa á sínu fyrsta fimleikamóti og spenningurinn og gleðin var ríkjandi í Íþróttahúsi Gróttu þennan dag.

Öllum fimleikafélögum á landinu var boðið að taka þátt í mótinu, og mættu 136 stúlkur til keppni. Í 5. og 6. þrepi var keppt í liðakeppni, en einstaklingskeppni í 4. þrepi. Allir keppendur fengu fengu verðlaunapening, viðurkenningarskjal og Hello Kitty glaðning auk þess sem lið í verðlaunasætum fengu einnig Hello Kitty verðlaun frá HB heildverslun.

 

 

 

Úrslit:

6.þrep 7-8 ára

Í 6.þrepi 7-8 ára kepptu fjögur lið, Björk, Fimak, Fylkir og Grótta. Allar stúlkurnar stóðu sig ákaflega vel og fengu þær allar  verðlaunapening.

 

6.þrep 9-10 ára

1. sæti: Fimak

2. sæti: Björk A

3. sæti: Björk B

 

5.þrep yngri

1. sæti: Grótta blár

2. sæti Gerpla rauður

3. sæti Gerpla grænn

 

Bláa lið Gróttu skipuðu þær:  Emilía Harðardóttur, Hildur Björg Kristjánsdóttir, María Elísabet Björnsdóttir og Ragnheiður Kristín H. Eyvinds.

 

5.þrep eldri

1. sæti: Ármann

2. sæti: Fjölnir gulur

3. sæti: Gerpla blár

 

4. þrep

Í fjórða þrepi var einstaklingskeppni. Þar urðu úrslitin eftirfarandi.

1. sæti: Nanna Guðmundsdóttir, Gróttu

2. sæti: Anna Ragnheiður Tryggvadóttir, Gróttu

3. sæti: Helena S. Jónsdóttir, Fylki

 

 

 

Fimleikadeild Gróttu þakkar öllum keppendum, dómurum og öðrum sem komu að mótinu fyrir skemmtilegan dag. Meðfylgjandi er mynd af Bláa liði Gróttu sem vann 5.þrep yngri, þeim Maríu, Ragnheiði Kristínu, Emelíu og Hildi, ásamt Nönnu sem varð í 1.sæti í 4.þrepi. Með þeim á myndinni eru Gabor og Eszter þjálfarar þeirra.