Næstkomandi mánudag kl. 20:30-21:40 mun Karl Erlingsson koma í heimsókn til okkar og halda utan um afreksæfingu fyrir elstu leikmenn kvennamegin. Karl er afar reyndur handboltaþjálfari og hefur þjálfað meistaraflokka karla og kvenna auk yngri landsliða Íslands. Kalli mun stýra okkar efnilegustu stúlkum á 70 mínútna handboltaæfingu. Það er vonandi að allar stelpurnar hafi gagn og gaman af. Það er einnig rétt að minna á séræfingar á sunnudaginn en á milli 20-30 krakkar í 6. og 5.flokki karla og kvenna hafa verið að mæta að staðaldri á hvora æfingu.

Lesa meira

Grótta 2 í 3.flokki karla lék á dögunum á stuttum tíma tvívegis gegn Fram, fyrri leikurinn gegn Fram 1 í bikarnum og síðan seinni leikurinn gegn Fram 2 í deildinni. Eins og áður sagði lék liðið í Eimskipsbikarkeppni HSÍ gegn Fram 1 en leikurinn var í 8-liða úrslitum og leikið var fyrr í janúar. Andstæðingarnir voru ekki af slakara taginu eða Fram, sem eru ríkjandi Íslandsmeistarar í 3. flokki karla.

Fimleikadeild Gróttu biðst velvirðingar á því að hafa ekki sótt dósir auglýstan dag til íbúa Seltjarnarnesbæjar. Ástæðan var sú að deildin taldi að færðin hefði verið svo slæm að hættulegt hefði verið að senda börn og foreldra að ganga á milli húsa að sækja dósir. Önnur dósasöfnun verður auglýst síðar þegar nær dregur vori. Fimleikadeildin biðst innilegrar afsökunar á óþægindunum sem þetta gæti hafa valdið.

Lesa meira